Éxodo 1:22 - Li Santil hu

²² Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

Q'eqchi Bible

²² jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:22 ပူးပေါင်းရင်းမြစ်များ

Hechos 7:19

Li acuabej aꞌan quixsicꞌ xya̱lal chanru nak tixba̱nu raylal reheb li kaxeꞌto̱nil yucuaꞌ. Quixrahobtesiheb nak quixtakla xcamsinquileb li cocꞌ te̱lom li teꞌyoꞌla̱k re nak incꞌaꞌ chic teꞌta̱mk li ralal xcꞌajoleb.

Proverbios 1:16

Eb aꞌan teꞌraj ru xba̱nunquil li incꞌaꞌ us ut teꞌraj ru camsi̱nc.

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Salmos 105:25

Joꞌcan nak xicꞌ chic queꞌileꞌ xbaneb laj Egipto ut li Dios quixcanabeb laj Israel chi rahobtesi̱c xbaneb.

Éxodo 1:16

Quixye reheb: —Nak te̱rileb li ixk aj hebreo, cui te̱lom lix cꞌulaꞌaleb teꞌyoꞌla̱k te̱camsiheb. Ut cui ixk lix cꞌulaꞌaleb te̱canabeb chi qꞌui̱c, chan.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Génesis 41:1

Ac cuib chihab chic xnumic lix matqꞌueb li mo̱s nak quimatqꞌuec laj faraón. Ut saꞌ lix matcꞌ laj faraón quiril nak xakxo chire li nimaꞌ Nilo.

Hebreos 11:23

Xban lix pa̱ba̱leb lix naꞌ xyucuaꞌ laj Moisés, nak quiyoꞌla laj Moisés, oxib po queꞌxmuk chiru li rey. Queꞌril nak cꞌajoꞌ xchakꞌal ru li cꞌulaꞌal ut incꞌaꞌ queꞌxucuac chi xkꞌetbal lix chakꞌrab li rey nak quixye nak teꞌcamsi̱k li cꞌulaꞌal li cocꞌ te̱lom.

Éxodo 2:6

Lix rabin laj faraón quixte li chacach ut quiril li cꞌulaꞌal. Quiril xtokꞌoba̱l ru nak yo̱ chi ya̱bac ut quixye: —Li chꞌina te̱lom aꞌin xcomoneb tana laj hebreo, chan.