Éxodo 1:20 - Li Santil hu

²⁰ Li Ka̱cuaꞌ Dios quixba̱nu usilal reheb laj xoconeleb. Ut eb laj hebreo queꞌnabaloꞌ ut queꞌqꞌuian ut cauheb rib.

Q'eqchi Bible

^20-21 Li Yos kirusilaheb' laj xokol k'uula'al ut kixk'e naab'al li ralal xk'ajoleb', xb'aan naq ke'xxiwa ru li Qaawa'. Ut eb' laj Israel ke'naab'alo'k ut ke'xtaw xwankilaleb';

Éxodo 1:20 ပူးပေါင်းရင်းမြစ်များ

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Isaías 3:10

Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Salmos 111:5

Li Ka̱cuaꞌ naxqꞌue xtzacae̱mkeb li nequeꞌxucuan ru. Ut ma̱ jokꞌe ta̱sachk saꞌ xchꞌo̱l li contrato li quixba̱nu riqꞌuineb li ralal xcꞌajol.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

Salmos 145:19

Li Ka̱cuaꞌ naxqꞌue li cꞌaꞌru nequeꞌraj eb li nequeꞌxucuan ru. Narabi nak nequeꞌxtzꞌa̱ma xtenkꞌanquileb chiru ut naxcoleb.

Salmos 103:11

Kꞌaxal nim lix rahom li Ka̱cuaꞌ. Chanchan xnimal li choxa li cuan saꞌ xbe̱n li ruchichꞌochꞌ. Joꞌcan lix nimal lix rahom saꞌ xbe̱neb li nequeꞌxxucua ru.

Salmos 85:9

Relic chi ya̱l li Dios cuan kiqꞌuin chikacolbal la̱o li nakaxucua ru. Ut lix lokꞌal li Dios ta̱cua̱nk kiqꞌuin saꞌ li katenamit.

Salmos 61:5

At inDios, la̱at xacuabi ut nacanau li cꞌaꞌru xinyechiꞌi a̱cue. Xaqꞌue ajcuiꞌ cue la̱in li cꞌaꞌru nacaqꞌue reheb li nequeꞌqꞌuehoc a̱lokꞌal.

Éxodo 1:12

Nak ra queꞌux reheb, kꞌaxal cuiꞌchic queꞌqꞌui. Cꞌajoꞌ nak queꞌxucuac eb laj Egipto chirilbaleb laj Israel.

Éxodo 1:7

Aꞌut eb li imambej queꞌnabaloꞌ ut queꞌqꞌuian li ralal xcꞌajol laj Israel. Queꞌnumtajenakoꞌ lix cacuilaleb ut quila̱tzꞌoꞌ lix naꞌajeb.

Éxodo 1:19

Ut li cuib chi ixk queꞌchakꞌoc ut queꞌxye re laj faraón: —Xban nak eb li ixk aj hebreo ma̱cuaꞌ joꞌ eb li ixk aj Egipto. Aꞌan cauheb rib. Ma̱jiꞌ nococuulac riqꞌuineb nak ac xeꞌyoꞌla lix cꞌulaꞌaleb, chanqueb.