Éxodo 1:17 - Li Santil hu

¹⁷ Li cuib chi ixk aꞌin nequeꞌxpa̱b li Dios. Joꞌcan nak incꞌaꞌ queꞌxba̱nu joꞌ quiyeheꞌ reheb xban li acuabej re Egipto. Incꞌaꞌ queꞌxcamsiheb li cocꞌ te̱lom aj hebreo.

Q'eqchi Bible

¹⁷ Ab'an eb' laj xokol k'uula'al neke'xxiwa ru li Yos ut ink'a' ke'xb'aanu li ke'taqlaak wi' xb'aan li awab'ej re Ejiipt, ke'xkanab' b'an chi yo'yo eb' li kok' teelom.

Éxodo 1:17 ပူးပေါင်းရင်းမြစ်များ

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Éxodo 1:21

Li cuib chi ixk, li nequeꞌxococ cꞌulaꞌal, queꞌxxucua ru li Dios. Joꞌcan nak li Dios quirosobtesiheb ut quixqꞌueheb nabal li ralal xcꞌajoleb.

San Lucas 12:5

La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Eclesiastés 12:13

Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.

Daniel 6:13

Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Salmos 31:19

At Ka̱cuaꞌ, kꞌaxal nim la̱ cuusilal saꞌ xbe̱neb li nequeꞌlokꞌonin a̱cue. Nacꞌutun chiruheb chixjunileb nak cha̱bilat riqꞌuineb li nequeꞌqꞌuehoc a̱lokꞌal.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

Oseas 5:11

Eb li ralal xcꞌajol laj Efraín nequeꞌrahobtesi̱c xban nak nequeꞌxtzꞌekta̱na li ti̱quilal ut nequeꞌxqꞌue xchꞌo̱l chixlokꞌoninquileb li yi̱banbil dios.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

Génesis 20:11

Laj Abraham quichakꞌoc ut quixye re: —La̱in xincꞌoxla nak incꞌaꞌ nequepa̱b li Ka̱cuaꞌ Dios saꞌ li tenamit aꞌin. Cuan saꞌ inchꞌo̱l nak ma̱re tine̱camsi xban li cuixakil.

Éxodo 1:18

Ut li acuabej re Egipto quixtakla xbokbal li cuib chi ixk ut quixye reheb: —¿Cꞌaꞌut nak incꞌaꞌ xeba̱nu li xinye e̱re? ¿Cꞌaꞌut nak incꞌaꞌ xecamsi li cocꞌ te̱lom aj hebreo nak xeꞌyoꞌla? chan reheb.

1 Samuel 22:17

Ut quixye reheb lix soldado li cuanqueb chixcꞌatk: —Camsihomakeb laj tij li nequeꞌcꞌanjelac chiru li Ka̱cuaꞌ xban nak queꞌxcꞌu̱b ru rochben laj David chanru nak tineꞌxcamsi. Usta nequeꞌxnau nak e̱lelic yo̱, incꞌaꞌ queꞌxye cue, chan. Abanan eb li soldados incꞌaꞌ queꞌraj xcamsinquileb laj tij.

2 Samuel 24:4

Abanan li rey quixpuersi laj Joab ut eb li nequeꞌtaklan saꞌ xbe̱neb li soldados chixba̱nunquil. Joꞌcan nak queꞌel riqꞌuin li rey ut queꞌco̱eb chirajlanquileb chixjunileb laj Israel.

Ester 3:3

Ut eb li nequeꞌcꞌanjelac chiru li rey queꞌxpatzꞌ re laj Mardoqueo cꞌaꞌut nak incꞌaꞌ naxba̱nu li cꞌaꞌru quixye li rey.