Éxodo 1:13 - Li Santil hu

¹³ Ut eb laj Israel queꞌqꞌueheꞌ joꞌ rahobtesinbil mo̱s.

Q'eqchi Bible

¹³ Ke'numtaak sa' xb'eeneb' laj Israel ut ke'xtaqlaheb' chi k'anjelak cho'q aj mun,

Éxodo 1:13 ပူးပေါင်းရင်းမြစ်များ

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Levítico 25:43

Incꞌaꞌ naru textakla̱nk saꞌ xbe̱neb saꞌ joskꞌil. Te̱xucua ban cuu la̱in le̱ Dios.

1 Reyes 12:14

Li rey quixye reheb li tenamit li cꞌaꞌru queꞌxye li sa̱j cui̱nk. Quixye reheb: —Lin yucuaꞌ cau quitaklan saꞌ e̱be̱n. Ut la̱in kꞌaxal cuiꞌchic cau tintakla̱nk saꞌ e̱be̱n. Aꞌan riqꞌuin tzꞌu̱m quexrahobtesi. Abanan la̱in riqꞌuin li tzꞌu̱m cuan chꞌi̱chꞌ saꞌ ruꞌuj texinrahobtesi, chan.

2 Crónicas 10:11

Cui lin yucuaꞌ xqꞌue li cacuil trabaj saꞌ e̱be̱n, la̱in kꞌaxal cuiꞌchic cau li trabaj tinqꞌue. Lin yucuaꞌ xexsacꞌ chi tzꞌu̱m, abanan la̱in texinsacꞌ riqꞌuin li tzꞌu̱m li cuan chꞌi̱chꞌ saꞌ ruꞌuj,” chaꞌkat reheb.—

Salmos 105:25

Joꞌcan nak xicꞌ chic queꞌileꞌ xbaneb laj Egipto ut li Dios quixcanabeb laj Israel chi rahobtesi̱c xbaneb.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.