Éxodo 1:11 - Li Santil hu

¹¹ Tojoꞌnak laj faraón li acuabej quixxakabeb laj taklanel saꞌ xya̱nkeb re nak eb aꞌan teꞌtakla̱nk reheb laj Israel chi trabajic chi cau. Eb laj Israel yo̱queb chixyi̱banquil li ni̱nki ochoch re laj faraón saꞌ li cuib chi tenamit Pitón ut Ramesés. Ut aran ta̱cꞌu̱lama̱nk lix biomal laj faraón.

Q'eqchi Bible

¹¹ Toja' naq ke'xxaqab'eb' aj taqlanel re xrahob'tesinkileb' laj Israel rik'in kawil k'anjel, ut eb' laj Israel ke'xyiib' cho'q re laj Parahón eb' li tenamit-k'uuleb'aal, Pitón ut Ramsés xk'ab'a'.

Éxodo 1:11 ပူးပေါင်းရင်းမြစ်များ

Génesis 15:13

Ut li Dios quixye re: —Tento nak ta̱nau nak la̱ cualal a̱cꞌajol teꞌxic chi najt saꞌ jalan tenamit ma̱cuaꞌ xtenamiteb aꞌan. Ut kꞌaxal ra teꞌxcꞌul aran. Teꞌqꞌuehekꞌ chokꞌ rahobtesinbil mo̱s. Ut chiru ca̱hib ciento (400) chihab teꞌcua̱nk saꞌ raylal, chan li Dios.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Éxodo 2:11

Laj Moisés quicui̱nkiloꞌ. Saꞌ jun li cutan co̱ chirilbaleb li ras ri̱tzꞌin ut quiril nak ra yo̱queb chixcꞌulbal. Quiril jun li cui̱nk aj Egipto yo̱ chixsacꞌbal jun aj hebreo rech tenamitil laj Moisés.

Génesis 47:11

Ut laj José quixqꞌue chi cua̱nc lix yucuaꞌ saꞌ li tenamit Egipto, joꞌeb ajcuiꞌ li ras. Ut quixsi reheb li chꞌochꞌ li kꞌaxal cha̱bil. Li naꞌajej aꞌan Gosén xcꞌabaꞌ. Ramesés ajcuiꞌ nayeman re li naꞌajej aꞌan. Laj José quixba̱nu joꞌ quiyeheꞌ re xban laj faraón.

Salmos 81:6

Quicuabi jun xya̱b cux ma̱ jun sut cuabiom. Quixye: —Xexcuisi chak saꞌ li raylal aran Egipto. Chanchan nak xcuisi li i̱k saꞌ e̱be̱n nak xexcuisi chak saꞌ li cacuil trabaj li yo̱quex chixba̱nunquil aran Egipto.

Deuteronomio 26:6

Eb laj Egipto queꞌnumta saꞌ kabe̱n ut coeꞌxrahobtesi ut coeꞌxqꞌue saꞌ cacuil trabaj.

Números 20:15

Eb li kaxeꞌto̱nil yucuaꞌ queꞌco̱eb Egipto ut nabal chihab xeꞌcuan aran kochbeneb. La̱o ut eb li kaxeꞌto̱nil yucuaꞌ ra queꞌxba̱nu ke eb laj Egipto.

Proverbios 27:4

Li joskꞌil naqꞌuehoc chꞌaꞌajquilal. Li joskꞌil nasachoc. Abanan li cakali̱nc, aꞌan li kꞌaxal cuiꞌchic ra naxba̱nu.

Salmos 105:13

Queꞌxbeni ribeb yalak bar. Jalan jala̱nk li tenamit li quilajeꞌnumeꞌ cuiꞌ.

Salmos 68:13

Usta la̱ex xexcanaba̱c chi mukmu saꞌ cab e̱rochben le̱ rucꞌal, abanan chanchanakex jun li paloma. Nalemtzꞌun li xicꞌ joꞌ li plata ut li rix nalemtzꞌun joꞌ li oro.

2 Crónicas 8:4

Quixyi̱b li tenamit Tadmor saꞌ li chaki chꞌochꞌ. Ut quixyi̱beb ajcuiꞌ chixjunileb li tenamit li nequeꞌxxoc cuiꞌ li cꞌaꞌak re ru re tzacae̱mk aran saꞌ li tenamit Hamat.

1 Reyes 9:19

Ut laj Salomón quixtakla ajcuiꞌ xyi̱banquil eb li tenamit li xocxo cuiꞌ li tzacae̱mkeb, ut li tenamit li xocxo cuiꞌ lix carruajeb, li tenamit li cuanqueb cuiꞌ lix soldados li nequeꞌxic chirix cacua̱y. Quixtakla xyi̱banquil li joꞌ qꞌuial quiraj xyi̱banquil aran Jerusalén ut Líbano ut saꞌ eb li naꞌajej li cuanqueb rubel xcuanquil.

Éxodo 5:15

Eb laj Israel li xakabanbileb chi iloc trabaj queꞌcuulac riqꞌuin laj faraón chi jitoc ut queꞌxpatzꞌ re: —¿Cꞌaꞌut nak yo̱cat chixba̱nunquil aꞌin reheb la̱ mo̱s?

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

Éxodo 5:10

Queꞌel laj ilol trabaj rochbeneb li nequeꞌtaklan ut queꞌxye reheb laj Israel: —Laj faraón quixye nak incꞌaꞌ chic ta̱qꞌuema̱nk li qꞌuim.

2 Crónicas 16:4

Li rey Ben-adad quixcꞌul xchꞌo̱l li quixye laj Asa. Joꞌcan nak quixtaklaheb lix soldado joꞌqueb ajcuiꞌ li nequeꞌtaklan saꞌ xbe̱neb re nak teꞌpletik aran Israel. Ut queꞌnumta saꞌ xbe̱neb li tenamit Ijón, Dan, Abel-maim ut eb li tenamit li cuanqueb aran Neftalí, li nequeꞌxxoc cuiꞌ li cꞌaꞌak re ru.

Salmos 129:1

Cꞌajoꞌ li raylal yo̱ chixcꞌulbal li tenamit Israel chalen chak saꞌ xticlajic. La̱ex aj Israel, yehomak nak xecꞌul li raylal.

Éxodo 5:8

Ta̱qꞌuema̱nk ajcuiꞌ lix trabajeb joꞌ junxil. Incꞌaꞌ naru te̱cꞌos lix qꞌuial li xan li nequeꞌxba̱nu. Xban nak moco sacꞌaheb ta chic chi trabajic ut mas a̱leb, joꞌcan nak nequeꞌayaynac ut teꞌraj xic chi mayejac chiru lix Dioseb.

Salmos 129:2

Chalen nak xticla chak li katenamit, cꞌajoꞌ nak corahobtesi̱c xbaneb li xicꞌ nequeꞌiloc ke, abanan incꞌaꞌ queꞌnumta saꞌ kabe̱n.