Ester 9:4 - Li Santil hu

⁴ Queꞌxucuac xban nak laj Mardoqueo nim xcuanquil saꞌ li rochoch li rey ut naꞌno ru yalak bar saꞌ eb li tenamit li cuanqueb rubel xcuanquil li rey. Ut rajlal yo̱ chi nima̱nc lix cuanquil li quiqꞌueheꞌ re.

Q'eqchi Bible

⁴ a'in nim xwankil sa' rochoch li awab'ej ut nawno ru yalaq b'ar; rajlal kutan yo chi nimank xwankil.

Ester 9:4 ပူးပေါင်းရင်းမြစ်များ

1 Crónicas 11:9

Ut laj David yo̱ chi nima̱nc xcuanquil xban nak li nimajcual Dios cuan riqꞌuin.

2 Samuel 3:1

Najt queꞌpletic lix soldados laj Saúl riqꞌuineb lix soldados laj David. Yo̱queb chi cacuu̱c ribeb lix soldados laj David ut incꞌaꞌ chic cau ribeb lix soldados laj Saúl.

Sofonías 3:19

Saꞌ eb li cutan aꞌan la̱in tinqꞌueheb chixtojbaleb xma̱c li queꞌrahobtesin e̱re. Abanan la̱ex texincol ut texincꞌam cuiꞌchic saꞌ le̱ naꞌaj, la̱ex li quecꞌul raylal ut quex-isi̱c saꞌ le̱ tenamit. Ut ta̱qꞌuehekꞌ cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 18:43

La̱at xatcoloc cue chiruheb li yo̱queb chi pletic cuiqꞌuin. La̱at xina̱xakab chi takla̱nc saꞌ xbe̱neb chixjunileb li tenamit ut nequeꞌcꞌanjelac chicuu li toj ma̱jiꞌ ninnau ruheb.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

1 Crónicas 14:17

Joꞌcan nak qui-abi̱c resil yalak bar li cꞌaꞌru quixba̱nu laj David. Ut li Ka̱cuaꞌ quixqꞌueheb xxiuheb chixjunileb li jalan tenamit nak queꞌrabi resil.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Josué 6:27

Li Ka̱cuaꞌ quitenkꞌan re laj Josué ut yalak bar quicuulac resil li cꞌaꞌru quixba̱nu.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Ester 10:2

Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Éxodo 11:3

Li Ka̱cuaꞌ Dios quixkꞌunobresi xchꞌo̱leb li tenamit Egipto ut queꞌxcꞌam rib saꞌ usilal riqꞌuineb laj Israel. Ut eb laj cꞌanjel chiru laj faraón joꞌ eb ajcuiꞌ chixjunileb laj Egipto queꞌx-oxlokꞌi chic laj Moisés.

Salmos 92:13

Chanchanakeb li cheꞌ li aubil cuan cuiꞌ lix templo li Dios, li yo̱queb chi atzꞌumac.