Ester 9:28 - Li Santil hu

²⁸ Saꞌ eb li tenamit li cua̱nkeb cuiꞌ laj judío rajlal chihab teꞌxba̱nu li ninkꞌe Purim joꞌqueb ajcuiꞌ li ralal xcꞌajol li teꞌcua̱nk mokon. Incꞌaꞌ teꞌxcanab xba̱nunquil li ninkꞌe Purim re nak incꞌaꞌ ta̱sachk saꞌ xchꞌo̱leb laj judío li cꞌaꞌru quicꞌulman.

Q'eqchi Bible

²⁸ Li xjultikankil ut xninq'ehinkil li Purim tento taa'uxmanq chi junelik, sa' chixjunileb' li junkab'al, li tenamit ut li na'ajej, re naq ink'a' taasachq sa' xch'ooleb' laj Judiiy li k'aru kik'ulmank.

Ester 9:28 ပူးပေါင်းရင်းမြစ်များ

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.

Josué 4:7

Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Zacarías 6:14

Li corona li ta̱yi̱b ta̱cana̱k saꞌ lix templo li Ka̱cuaꞌ re xjulticanquileb laj Heldai Helem, laj Tobías, laj Jedaías ut laj Josías Hen li ralal laj Sofonías.

Éxodo 12:17

Saꞌ li ninkꞌe aꞌin te̱cuaꞌ li caxlan cua li ma̱cꞌaꞌ xchꞌamal xban nak saꞌ li cutan aꞌin xexcuisi saꞌ li tenamit Egipto. Re xjulticanquil li xinba̱nu e̱re, chalen anakcuan, texninkꞌei̱k chi joꞌcaꞌin joꞌ eb ajcuiꞌ le̱ ralal e̱cꞌajol. Li cutan aꞌan te̱oxlokꞌi xban nak saꞌ li cutan aꞌan quexcuisi saꞌ li tenamit Egipto.

Ester 9:27

chixjunileb laj judío queꞌxye nak teꞌxba̱nu li ninkꞌe aꞌin rajlal chihab. Ut queꞌxcꞌaytesi ajcuiꞌ li ralal xcꞌajoleb xninkꞌeinquil li cutan aꞌan. Ut queꞌxye nak li joꞌ qꞌuialeb li queꞌoc saꞌ xya̱nkeb laj judío teꞌxninkꞌei ajcuiꞌ li cutan aꞌan. Junelic teꞌxninkꞌei ru li cuib chi cutan aꞌan rajlal chihab.

Ester 9:29

Ut li reina Ester, lix rabin laj Abihail, rochben laj Mardoqueo laj judío, queꞌxtzꞌi̱ba jun chic li hu. Ut queꞌxye nak tento xba̱nunquil li ninkꞌe Purim. Ut xban nak cuanqueb xcuanquil chi takla̱nc, tento nak ta̱uxma̱nk li cꞌaꞌru queꞌxtzꞌi̱ba saꞌ li hu.

Salmos 145:4

At nimajcual Dios, ta̱qꞌuehekꞌ a̱lokꞌal chi junelic kꞌe cutan xban li cꞌaꞌru calaja̱ba̱nu. Eb li naꞌbej yucuaꞌbej teꞌxye reheb li ralal xcꞌajol li cꞌaꞌru caba̱nu riqꞌuin la̱ cuanquil. Ut eb aꞌan teꞌxye resil reheb li ralal xcꞌajoleb li teꞌcua̱nk mokon.