Ester 9:27 - Li Santil hu

²⁷ chixjunileb laj judío queꞌxye nak teꞌxba̱nu li ninkꞌe aꞌin rajlal chihab. Ut queꞌxcꞌaytesi ajcuiꞌ li ralal xcꞌajoleb xninkꞌeinquil li cutan aꞌan. Ut queꞌxye nak li joꞌ qꞌuialeb li queꞌoc saꞌ xya̱nkeb laj judío teꞌxninkꞌei ajcuiꞌ li cutan aꞌan. Junelic teꞌxninkꞌei ru li cuib chi cutan aꞌan rajlal chihab.

Q'eqchi Bible

²⁷ eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.

Ester 9:27 ပူးပေါင်းရင်းမြစ်များ

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Isaías 56:6

Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

Isaías 56:3

Cui cuan junak li jalan xtenamit tixpa̱b li Ka̱cuaꞌ incꞌaꞌ naru tixye nak li Ka̱cuaꞌ incꞌaꞌ tixcꞌul saꞌ xya̱nkeb li ralal xcꞌajol. Chi moco junak li eunuco naru tixye, “ma̱cꞌaꞌ nin-oc cuiꞌ xban nak incꞌaꞌ naru nacuan cualal incꞌajol”.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Ester 9:21

Quixye reheb nak teꞌxninkꞌei ru li cutan li ca̱laju ut li oꞌlaju xbe li po Adar. Teꞌxninkꞌei rajlal chihab, chan.

1 Samuel 30:25

Chalen saꞌ li cutan aꞌan toj anakcuan, joꞌcan nequeꞌxba̱nu eb laj Israel.

Josué 9:15

Joꞌcan nak laj Josué quixba̱nu li contrato re nak teꞌxcꞌam rib saꞌ usilal riqꞌuineb laj Gabaón. Ut quixyechiꞌi reheb nak incꞌaꞌ tixcamsiheb. Ut joꞌcan ajcuiꞌ queꞌxba̱nu eb laj cꞌamol be saꞌ xya̱nkeb laj Israel.

Deuteronomio 5:3

Moco caꞌaj cuiꞌ ta riqꞌuineb li kaxeꞌto̱nil yucuaꞌ quixba̱nu li contrato. Quixba̱nu ban ajcuiꞌ kiqꞌuin la̱o li cuanco arin anakcuan.

Ester 9:20

Ut laj Mardoqueo quixtzꞌi̱ba retalil li cꞌaꞌru quicꞌulman ut quixtakla li hu reheb laj judío li cuanqueb saꞌ eb li tenamit li cuanqueb rubel xcuanquil li rey Asuero, li cuanqueb chi nachꞌ joꞌ ajcuiꞌ li cuanqueb chi najt.

Ester 9:28

Saꞌ eb li tenamit li cua̱nkeb cuiꞌ laj judío rajlal chihab teꞌxba̱nu li ninkꞌe Purim joꞌqueb ajcuiꞌ li ralal xcꞌajol li teꞌcua̱nk mokon. Incꞌaꞌ teꞌxcanab xba̱nunquil li ninkꞌe Purim re nak incꞌaꞌ ta̱sachk saꞌ xchꞌo̱leb laj judío li cꞌaꞌru quicꞌulman.

Números 15:15

Li chakꞌrab aꞌin qꞌuebil e̱re la̱ex ut qꞌuebil ajcuiꞌ reheb li jalaneb xtenamit li cuanqueb saꞌ e̱ya̱nk. Aꞌin jun li chakꞌrab te̱ba̱nu chi junelic la̱ex joꞌ eb ajcuiꞌ li jalaneb xtenamit li cuanqueb saꞌ e̱ya̱nk.

Jueces 11:40

Xban aꞌan, eb li sa̱j ixk nequeꞌxic saꞌ eb li tzu̱l rajlal chihab chi ya̱bac chirix lix camic lix rabin laj Jefté aj Galaad. Ca̱hib cutan nequeꞌcuan chak aran.

Salmos 78:7

Teꞌxserakꞌi reheb re nak cauhakeb xchꞌo̱l riqꞌuin li Dios ut incꞌaꞌ ta̱sachk saꞌ xchꞌo̱leb li cꞌaꞌru quixba̱nu li Dios reheb ut re ajcuiꞌ nak incꞌaꞌ teꞌxkꞌet li chakꞌrab li quiqꞌueheꞌ reheb.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Ezequiel 16:61

Ta̱julticokꞌ a̱cue li ma̱usilal xaba̱nu ut tatxuta̱na̱k nak la̱in tinkꞌaxtesi chokꞌ a̱coꞌ li tenamit Samaria la̱ cuas ut nak tinkꞌaxtesi chokꞌ a̱coꞌ li tenamit Sodoma la̱ cui̱tzꞌin. Tinba̱nu chi joꞌcan usta incꞌaꞌ tento tinba̱nu xban nak incꞌaꞌ quinye a̱cue saꞌ li contrato nak tinkꞌaxtesiheb a̱cue.