Ester 9:22 - Li Santil hu

²² Teꞌxninkꞌei ru li cutan aꞌan xban nak aꞌan li cutan queꞌcoleꞌ cuiꞌ chiruheb li xicꞌ queꞌiloc reheb. Ut saꞌ li po aꞌan quisukꞌi chokꞌ sahil chꞌo̱lej li rahil chꞌo̱lej li cuanqueb cuiꞌ. Teꞌxninkꞌei ruheb li cutan aꞌan ut teꞌxqꞌue xma̱taneb chi ribileb rib ut teꞌxqꞌue xma̱taneb li nebaꞌ.

Q'eqchi Bible

²² xb'aan naq chiruheb' li kutan a'an eb' laj Judiiy ke'xtaw tz'aqal li tuqtuukil usilal chiruheb' li xik' neke'ilok reheb', ut chiru li po a'an li rahilal kikanaak cho'q sahil ch'oolej ut li yaab'ak kisutq'iik chi ninq'e. Chiru chixjunil li po a'an tento te'ninq'ehiq rik'in tzekank ut sahil ch'oolej; te'xk'e xmaataneb' chirib'ileb' rib' ut te'xtenq'aheb' li neb'a'.

Ester 9:22 ပူးပေါင်းရင်းမြစ်များ

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

Gálatas 2:10

Caꞌaj cuiꞌ li queꞌxtzꞌa̱ma chiku nak cheꞌjulticokꞌ ke eb li nebaꞌ li cuanqueb Jerusalén, ut aꞌan li ninqꞌue inchꞌo̱l chixba̱nunquil.

Isaías 14:3

Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Ester 9:19

Joꞌcan nak eb laj judío li cuanqueb saꞌ eb li cꞌaleba̱l li incꞌaꞌ sutsu xnaꞌajeb saꞌ tzꞌac, nequeꞌxninkꞌei li ca̱laju xbe li po Adar re xjulticanquil chanru nak queꞌcoleꞌ. Nequeꞌsahoꞌ saꞌ xchꞌo̱leb ut nequeꞌxqꞌue xma̱taneb chi ribileb rib.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

San Mateo 5:4

Us xak reheb li nequeꞌya̱bac xban xrahileb xchꞌo̱l xban nak eb aꞌan ta̱cꞌojoba̱k xchꞌo̱leb.

Salmos 103:2

Tinlokꞌoni ru li Ka̱cuaꞌ ut incꞌaꞌ ta̱sachk saꞌ inchꞌo̱l nak aꞌan kꞌaxal cha̱bil cuiqꞌuin.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

1 Samuel 25:8

Naru ta̱patzꞌ reheb la̱ mo̱s ut teꞌxye a̱cue nak ya̱l li yo̱quin chixyebal. Xintakla lin takl a̱cuiqꞌuin anakcuan saꞌ li cutan nak sa saꞌ a̱chꞌo̱l ut nintzꞌa̱ma cha̱cuu nak ta̱cꞌuleb saꞌ xya̱lal. Nintzꞌa̱ma cha̱cuu nak ta̱qꞌue li joꞌ qꞌuial cuan cha̱cuu reheb lin takl ut cue ajcuiꞌ la̱in, la̱ cuami̱g”, chan laj David.

Ester 9:21

Quixye reheb nak teꞌxninkꞌei ru li cutan li ca̱laju ut li oꞌlaju xbe li po Adar. Teꞌxninkꞌei rajlal chihab, chan.

Ester 9:23

Ut eb laj judío queꞌcꞌay chixba̱nunquil joꞌ queꞌyeheꞌ reheb xban laj Mardoqueo saꞌ li hu li quixtakla reheb.

Deuteronomio 15:7

Cui junak le̱ rech tenamitil nebaꞌ saꞌ junak reheb le̱ tenamit li tixqꞌue e̱re li Ka̱cuaꞌ le̱ Dios, me̱kꞌetkꞌeti e̱rib chixtenkꞌanquil. Te̱tenkꞌa ban chi incꞌaꞌ minbilak e̱ru.

Deuteronomio 16:14

Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, eb le̱ mo̱s ixk ut eb le̱ mo̱s cui̱nk. Ut ta̱sahokꞌ ajcuiꞌ saꞌ xchꞌo̱leb laj levita, eb li jalaneb xtenamit li cuanqueb saꞌ le̱ naꞌaj, ut eb li ma̱cꞌaꞌ xnaꞌ xyucuaꞌ joꞌ eb ajcuiꞌ li xma̱lcaꞌan li cuanqueb saꞌ le̱ tenamit.

Deuteronomio 16:15

Cuukub cutan texninkꞌei̱k re xlokꞌoninquil li Ka̱cuaꞌ le̱ Dios saꞌ li naꞌajej li tixsicꞌ ru. Li Ka̱cuaꞌ le̱ Dios ta̱osobtesi̱nk e̱re ut tixqꞌue e̱re nabal li ru le̱ racui̱mk. Ta̱rosobtesi chixjunil li cꞌaꞌru te̱ba̱nu. Relic chi ya̱l ta̱sahokꞌ saꞌ e̱chꞌo̱l.

Salmos 30:12

Joꞌcan nak tinbicha̱nk re a̱lokꞌoninquil, at Ka̱cuaꞌ Dios. Incꞌaꞌ naru nincana chi incꞌaꞌ tinqꞌue a̱lokꞌal. At Ka̱cuaꞌ Dios, tinqꞌue a̱lokꞌal chi junelic.

Salmos 37:15

Abanan eb aꞌan ajcuiꞌ li teꞌcamsi̱k chiruheb lix chꞌi̱chꞌ. Ut lix tzimaj telajeꞌtokekꞌ.

Salmos 149:7

re nak teꞌxqꞌueheb chixtojbaleb xma̱c li incꞌaꞌ nequeꞌpa̱ban re li Ka̱cuaꞌ ut re ajcuiꞌ nak teꞌxqꞌueheb chixtojbaleb xma̱c li jalaneb xtenamit.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.