Ester 9:20 - Li Santil hu

²⁰ Ut laj Mardoqueo quixtzꞌi̱ba retalil li cꞌaꞌru quicꞌulman ut quixtakla li hu reheb laj judío li cuanqueb saꞌ eb li tenamit li cuanqueb rubel xcuanquil li rey Asuero, li cuanqueb chi nachꞌ joꞌ ajcuiꞌ li cuanqueb chi najt.

Q'eqchi Bible

²⁰ Laj Mardokeo kixk'e chi tz'iib'anb'il chixjunil a'in ut kixtaqlaheb' xhu rik'ineb' laj Judiiy sa' chixjunileb' li tenamit re li x'awab'ejihom laj Asuero, jo' rik'ineb' li wankeb' chi nach' ut eb' li wankeb' chi najt,

Ester 9:20 ပူးပေါင်းရင်းမြစ်များ

Ester 8:9

Saꞌ junpa̱t queꞌbokeꞌ laj tzꞌi̱b li nequeꞌcꞌanjelac chiru li rey saꞌ li oxib xcaꞌcꞌa̱l xbe li rox po Siván xcꞌabaꞌ. Ut queꞌxtzꞌi̱ba chixjunil li quixye laj Mardoqueo. Li hu quicuulac saꞌ li jun ciento riqꞌuin cuukub xcaꞌcꞌa̱l chi tenamit li cuanqueb rubel xcuanquil li rey saꞌ li tenamit La India, toj saꞌ li tenamit Etiopía. Li hu quicuulac riqꞌuineb laj judío ut riqꞌuineb li cuanqueb xcuanquil ut riqꞌuineb ajcuiꞌ li nequeꞌtaklan saꞌ xbe̱neb li soldado. Li hu quitzꞌi̱ba̱c saꞌ li ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Ut quitzꞌi̱ba̱c ajcuiꞌ li hu saꞌ li ra̱tinoba̱leb laj judío ut joꞌ nequeꞌtzꞌi̱bac eb aꞌan.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Ester 1:22

Ut li rey quixtaklaheb li hu saꞌ li junju̱nk chi tenamit. Quixtzꞌi̱ba saꞌ li ra̱tinoba̱leb ut quixtzꞌi̱ba ajcuiꞌ joꞌ nequeꞌtzꞌi̱bac saꞌ eb li junju̱nk chi tenamit. Quixye reheb nak eb li cui̱nk, aꞌaneb li teꞌtakla̱nk saꞌ li rochocheb. Ut quixye ajcuiꞌ nak ta̱yehekꞌ resil li chakꞌrab aꞌan reheb chixjunileb li tenamit saꞌ li ra̱tinoba̱leb li junju̱nk chi tenamit.

Ester 1:1

Aꞌan aꞌin li quicꞌulman saꞌ eb li cutan nak quicuan chokꞌ rey laj Asuero. Aꞌan quitaklan saꞌ xbe̱n li tenamit La India. Ut aꞌan ajcuiꞌ quitaklan saꞌ xbe̱neb chixjunileb li tenamit quicuulac toj saꞌ li tenamit Etiopía. Jun ciento riqꞌuin cuukub xcaꞌcꞌa̱l (127) chi tenamit queꞌcuan rubel xcuanquil laj Asuero.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

1 Crónicas 16:12

Chijulticokꞌ e̱re li sachba chꞌo̱lej li quixba̱nu riqꞌuin lix cuanquil. Chijulticokꞌ e̱re chanru nak quirakoc a̱tin saꞌ ti̱quilal.

Ester 9:19

Joꞌcan nak eb laj judío li cuanqueb saꞌ eb li cꞌaleba̱l li incꞌaꞌ sutsu xnaꞌajeb saꞌ tzꞌac, nequeꞌxninkꞌei li ca̱laju xbe li po Adar re xjulticanquil chanru nak queꞌcoleꞌ. Nequeꞌsahoꞌ saꞌ xchꞌo̱leb ut nequeꞌxqꞌue xma̱taneb chi ribileb rib.

Ester 9:21

Quixye reheb nak teꞌxninkꞌei ru li cutan li ca̱laju ut li oꞌlaju xbe li po Adar. Teꞌxninkꞌei rajlal chihab, chan.

Ester 9:26

Joꞌcan nak Purim nayeman reheb li cutan li nequeꞌxninkꞌei ru. Li cꞌabaꞌej aꞌan isinbil riqꞌuin li a̱tin “pur”. Li a̱tin “pur” naraj naxye “suerte”. Xban li cꞌaꞌru tzꞌi̱banbil saꞌ li hu ut xban li cꞌaꞌru quicꞌulman, li cꞌaꞌru queꞌril ut li cꞌaꞌru queꞌrabi resil,

Ester 9:27

chixjunileb laj judío queꞌxye nak teꞌxba̱nu li ninkꞌe aꞌin rajlal chihab. Ut queꞌxcꞌaytesi ajcuiꞌ li ralal xcꞌajoleb xninkꞌeinquil li cutan aꞌan. Ut queꞌxye nak li joꞌ qꞌuialeb li queꞌoc saꞌ xya̱nkeb laj judío teꞌxninkꞌei ajcuiꞌ li cutan aꞌan. Junelic teꞌxninkꞌei ru li cuib chi cutan aꞌan rajlal chihab.

Ester 9:29

Ut li reina Ester, lix rabin laj Abihail, rochben laj Mardoqueo laj judío, queꞌxtzꞌi̱ba jun chic li hu. Ut queꞌxye nak tento xba̱nunquil li ninkꞌe Purim. Ut xban nak cuanqueb xcuanquil chi takla̱nc, tento nak ta̱uxma̱nk li cꞌaꞌru queꞌxtzꞌi̱ba saꞌ li hu.

Jeremías 29:1

Laj Jeremías quixtzꞌi̱ba jun li hu nak cuan Jerusalén ut quixtakla Babilonia riqꞌuineb laj tij ut eb laj cꞌamol be, joꞌ eb ajcuiꞌ li profeta ut chixjunileb li tenamit li queꞌcꞌameꞌ chi pre̱xil xban laj Nabucodonosor.