Ester 9:18 - Li Santil hu

¹⁸ Aꞌut eb laj judío li cuanqueb Susa queꞌxchꞌutub ribeb re xcolbaleb rib saꞌ li oxlaju ut saꞌ li ca̱laju xbe li po. Ut saꞌ li oꞌlaju xbe li po queꞌhilan ut queꞌninkꞌei̱c xban xsahil xchꞌo̱leb.

Q'eqchi Bible

¹⁸ Ab'an eb' laj Judiiy li wankeb' Susa, li ke'xch'utub' rib' sa' li oxlaju ut kaalaju xb'e li po, ke'hilank sa' li o'laju ut ke'ninq'ehik chi q'axal saheb' sa' xch'ool.

Ester 9:18 ပူးပေါင်းရင်းမြစ်များ

Ester 9:21

Quixye reheb nak teꞌxninkꞌei ru li cutan li ca̱laju ut li oꞌlaju xbe li po Adar. Teꞌxninkꞌei rajlal chihab, chan.

Ester 9:15

Eb laj judío li cuanqueb Susa queꞌxchꞌutub cuiꞌchic rib saꞌ li ca̱laju xbe li po Adar. Ut queꞌxcamsi oxib ciento chic li cui̱nk, abanan incꞌaꞌ queꞌxchꞌeꞌ li cꞌaꞌru cuan reheb.

Ester 9:13

Lix Ester quichakꞌoc ut quixye: —Eb laj judío xeꞌxba̱nu anakcuan joꞌ tzꞌi̱banbil saꞌ li chakꞌrab li xaqꞌue reheb. Cui la̱at ta̱cuaj, ta̱takla xyebal reheb laj judío li cuanqueb arin Susa nak ta̱ru̱k teꞌxba̱nu ajcuiꞌ cuulaj joꞌ xeꞌxba̱nu anakcuan. Ut nacuaj ajcuiꞌ nak teꞌtꞌuyuba̱k riqꞌuin cꞌa̱m chiruheb li tenamit li laje̱b chi camenak li ralal laj Amán, chan.

Ester 9:1

Li oxlaju xbe li cablaju po Adar, aꞌan li cutan xakabanbil xban li rey nak teꞌsachekꞌ ruheb laj judío, ut aꞌan ajcuiꞌ li cutan li yo̱queb chiroybeninquil li xicꞌ nequeꞌiloc reheb laj judío re nak teꞌnumta̱k saꞌ xbe̱neb. Abanan incꞌaꞌ queꞌnumta saꞌ xbe̱neb laj judío. Laj judío ban queꞌnumta saꞌ xbe̱neb li xicꞌ nequeꞌiloc reheb.

Ester 9:11

Saꞌ ajcuiꞌ li cutan aꞌan quicuulac resil riqꞌuin li rey joꞌ qꞌuial li queꞌcamsi̱c aran Susa, li tenamit cuan cuiꞌ li rey.

Ester 8:11

Saꞌ li hu li quixtakla li rey quiyeheꞌ reheb laj judío nak teꞌxchꞌutub ribeb saꞌ li junju̱nk chi tenamit cuanqueb cuiꞌ, ut teꞌpletik re xcolbaleb rib chiruheb li xicꞌ nequeꞌiloc reheb. Ta̱ru̱k teꞌxcamsiheb ut teꞌxsach ruheb yalak ani li teꞌcha̱lk chi camsi̱nc reheb aꞌ yal bar xtenamiteb, usta cui̱nk, usta ixk, usta cocꞌal. Ut teꞌxxoc li cꞌaꞌru cuan reheb, chan li rey saꞌ li hu.

Ester 9:2

Ut saꞌ eb li tenamit li cuanqueb rubel xcuanquil li rey Asuero, eb laj judío queꞌxchꞌutub ribeb chi pletic riqꞌuineb li queꞌajoc xsachbal ruheb. Ut ma̱ jun quiru xcolbal rib chiruheb laj judío xban nak qui-oc xxiuheb chiruheb.