Ester 9:14 - Li Santil hu

¹⁴ Li rey quixtakla xyebal nak ta̱uxma̱nk joꞌ quixye lix Ester. Ut qui-el resil saꞌ li tenamit Susa. Ut eb li laje̱b chi ralal laj Amán, li queꞌcamsi̱c queꞌtꞌuyuba̱c aran Susa chiruheb li tenamit.

Q'eqchi Bible

¹⁴ Tikto li awab'ej kixye li raatin naq chi'uxmanq chi jo'kan; ki'elk li esil sa' li tenamit Susa, ut eb' li ralal laj Amán ke't'uyub'aak.

Ester 9:14 ပူးပေါင်းရင်းမြစ်များ

Ester 9:13

Lix Ester quichakꞌoc ut quixye: —Eb laj judío xeꞌxba̱nu anakcuan joꞌ tzꞌi̱banbil saꞌ li chakꞌrab li xaqꞌue reheb. Cui la̱at ta̱cuaj, ta̱takla xyebal reheb laj judío li cuanqueb arin Susa nak ta̱ru̱k teꞌxba̱nu ajcuiꞌ cuulaj joꞌ xeꞌxba̱nu anakcuan. Ut nacuaj ajcuiꞌ nak teꞌtꞌuyuba̱k riqꞌuin cꞌa̱m chiruheb li tenamit li laje̱b chi camenak li ralal laj Amán, chan.

Ester 9:15

Eb laj judío li cuanqueb Susa queꞌxchꞌutub cuiꞌchic rib saꞌ li ca̱laju xbe li po Adar. Ut queꞌxcamsi oxib ciento chic li cui̱nk, abanan incꞌaꞌ queꞌxchꞌeꞌ li cꞌaꞌru cuan reheb.

Números 24:20

Ut laj Balaam qui-iloc saꞌ xjayal lix tenamit laj Amalec ut quixye li cꞌaꞌru teꞌxcꞌul. Quixye: —Laj Amalec, aꞌan li kꞌaxal nim xcuanquil saꞌ xya̱nkeb li xni̱nkal ru tenamit. Abanan ta̱sachekꞌ ru chi junaj cua.—

Esdras 7:13

La̱in xinqꞌue jun li chakꞌrab nak chixjunileb laj Israel li cuanqueb rubel incuanquil, joꞌ eb laj tij ut eb laj levita, cui teꞌraj xic Jerusalén, naru nequeꞌxic cha̱cuix.

Ester 7:9

Ut laj Harbona, jun reheb li eunucos li nequeꞌcꞌanjelac chiru li rey quixye: —Saꞌ rochoch laj Amán cuan li cheꞌ cuib xcaꞌcꞌa̱l metro xteram li quixqꞌue chi yi̱ba̱c laj Amán. Ac cuan aran li cꞌa̱m li quixqꞌue re xyatzꞌbal laj Mardoqueo, li cui̱nk li quiyehoc re nak queꞌraj a̱camsinquil, at rey, chan. Ut li rey quixye reheb: —Cꞌamomak laj Amán ut aran te̱yatzꞌ, chan.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Proverbios 12:7

Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)