Ester 9:13 - Li Santil hu

¹³ Lix Ester quichakꞌoc ut quixye: —Eb laj judío xeꞌxba̱nu anakcuan joꞌ tzꞌi̱banbil saꞌ li chakꞌrab li xaqꞌue reheb. Cui la̱at ta̱cuaj, ta̱takla xyebal reheb laj judío li cuanqueb arin Susa nak ta̱ru̱k teꞌxba̱nu ajcuiꞌ cuulaj joꞌ xeꞌxba̱nu anakcuan. Ut nacuaj ajcuiꞌ nak teꞌtꞌuyuba̱k riqꞌuin cꞌa̱m chiruheb li tenamit li laje̱b chi camenak li ralal laj Amán, chan.

Q'eqchi Bible

¹³ Kichaq'ok lix Ester ut kixye: “Wi li awab'ej naxk'ul xch'ool, eb' laj Judiiy li wankeb' Susa xb'aanuuqeb' wulaj jo' xe'xb'aanu anaqwan; ut eb' li xlajeeb' chi ralal laj Amán che't'uyub'aaq sa' li kamsib'aal”.

Ester 9:13 ပူးပေါင်းရင်းမြစ်များ

Ester 8:11

Saꞌ li hu li quixtakla li rey quiyeheꞌ reheb laj judío nak teꞌxchꞌutub ribeb saꞌ li junju̱nk chi tenamit cuanqueb cuiꞌ, ut teꞌpletik re xcolbaleb rib chiruheb li xicꞌ nequeꞌiloc reheb. Ta̱ru̱k teꞌxcamsiheb ut teꞌxsach ruheb yalak ani li teꞌcha̱lk chi camsi̱nc reheb aꞌ yal bar xtenamiteb, usta cui̱nk, usta ixk, usta cocꞌal. Ut teꞌxxoc li cꞌaꞌru cuan reheb, chan li rey saꞌ li hu.

Deuteronomio 21:23

incꞌaꞌ naru te̱canab li camenak chi tꞌuytꞌu chiru li kꞌojyi̱n. Tento nak ta̱mukekꞌ saꞌ ajcuiꞌ li cutan aꞌan xban nak tzꞌekta̱nanbil xban li Dios li ani natꞌuyuba̱c chiru cheꞌ. Incꞌaꞌ naru te̱mux ru li naꞌajej li tixqꞌue e̱re li Ka̱cuaꞌ le̱ Dios.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

Ester 9:15

Eb laj judío li cuanqueb Susa queꞌxchꞌutub cuiꞌchic rib saꞌ li ca̱laju xbe li po Adar. Ut queꞌxcamsi oxib ciento chic li cui̱nk, abanan incꞌaꞌ queꞌxchꞌeꞌ li cꞌaꞌru cuan reheb.

2 Samuel 21:9

Laj David quixkꞌaxtesiheb saꞌ rukꞌeb laj Gabaón. Ut queꞌyatzꞌeꞌ xbaneb laj Gabaón saꞌ li tzu̱l chiru li Ka̱cuaꞌ. Cuotz queꞌcamsi̱c li cuukub saꞌ xkꞌehil nak xticla xsicꞌbal ru li cebada.

2 Samuel 21:6

La̱o nakaj nak ta̱kꞌaxtesi saꞌ kukꞌ cuukubeb li cui̱nk xcomoneb li ralal xcꞌajol laj Saúl. La̱o takayatzꞌeb chiru li Ka̱cuaꞌ aran Gabaa, lix tenamit laj Saúl, li sicꞌbil ru xban li Ka̱cuaꞌ, chanqueb. Ut li rey David quixye reheb: —Us. La̱in tinkꞌaxtesiheb e̱re, chan.

Ester 9:14

Li rey quixtakla xyebal nak ta̱uxma̱nk joꞌ quixye lix Ester. Ut qui-el resil saꞌ li tenamit Susa. Ut eb li laje̱b chi ralal laj Amán, li queꞌcamsi̱c queꞌtꞌuyuba̱c aran Susa chiruheb li tenamit.