Ester 8:9 - Li Santil hu

⁹ Saꞌ junpa̱t queꞌbokeꞌ laj tzꞌi̱b li nequeꞌcꞌanjelac chiru li rey saꞌ li oxib xcaꞌcꞌa̱l xbe li rox po Siván xcꞌabaꞌ. Ut queꞌxtzꞌi̱ba chixjunil li quixye laj Mardoqueo. Li hu quicuulac saꞌ li jun ciento riqꞌuin cuukub xcaꞌcꞌa̱l chi tenamit li cuanqueb rubel xcuanquil li rey saꞌ li tenamit La India, toj saꞌ li tenamit Etiopía. Li hu quicuulac riqꞌuineb laj judío ut riqꞌuineb li cuanqueb xcuanquil ut riqꞌuineb ajcuiꞌ li nequeꞌtaklan saꞌ xbe̱neb li soldado. Li hu quitzꞌi̱ba̱c saꞌ li ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Ut quitzꞌi̱ba̱c ajcuiꞌ li hu saꞌ li ra̱tinoba̱leb laj judío ut joꞌ nequeꞌtzꞌi̱bac eb aꞌan.

Q'eqchi Bible

⁹ Chi junpaat ke'b'oqe'k laj tz'iib' li neke'k'anjelak chiru li awab'ej, sa' li oxib' xka'k'aal kutan xb'e li rox po, Sibán xk'ab'a', ut ke'xtz'iib'a eb' li aatin kixye laj Mardokeo, cho'q reheb' laj Judiiy, eb' li ninqeb' xwankil, eb' laj taqlanel ut eb' li xjolomil tenamit, chalen chaq sa' xteepal India toj Etiopía, cho'q reheb' ajwi' li wuqub' xwuqk'aal (127) teep chi tenamit, li junjunq jo' chanru li xtz'iib' ut li raatinob'aal; jo'kaneb' ajwi' cho'q reheb' laj Judiiy.

Ester 8:9 ပူးပေါင်းရင်းမြစ်များ

Ester 1:22

Ut li rey quixtaklaheb li hu saꞌ li junju̱nk chi tenamit. Quixtzꞌi̱ba saꞌ li ra̱tinoba̱leb ut quixtzꞌi̱ba ajcuiꞌ joꞌ nequeꞌtzꞌi̱bac saꞌ eb li junju̱nk chi tenamit. Quixye reheb nak eb li cui̱nk, aꞌaneb li teꞌtakla̱nk saꞌ li rochocheb. Ut quixye ajcuiꞌ nak ta̱yehekꞌ resil li chakꞌrab aꞌan reheb chixjunileb li tenamit saꞌ li ra̱tinoba̱leb li junju̱nk chi tenamit.

Ester 1:1

Aꞌan aꞌin li quicꞌulman saꞌ eb li cutan nak quicuan chokꞌ rey laj Asuero. Aꞌan quitaklan saꞌ xbe̱n li tenamit La India. Ut aꞌan ajcuiꞌ quitaklan saꞌ xbe̱neb chixjunileb li tenamit quicuulac toj saꞌ li tenamit Etiopía. Jun ciento riqꞌuin cuukub xcaꞌcꞌa̱l (127) chi tenamit queꞌcuan rubel xcuanquil laj Asuero.

Daniel 6:1

Qui-ala saꞌ xchꞌo̱l li rey Darío xxakabanquil jun ciento riqꞌuin junmay chi cui̱nk re tixqꞌue xcuanquileb chi takla̱nc saꞌ chixjunil li naꞌajej.

Daniel 4:1

Aꞌan aꞌin li esil li quixtakla li rey Nabucodonosor reheb chixjunileb li cuanqueb saꞌ ruchichꞌochꞌ, aꞌ yal bar xtenamiteb ut aꞌ yal chanru li ra̱tinoba̱leb. Quixye chi joꞌcaꞌin: —Chinumta̱k taxak li tuktu̱quil usilal saꞌ e̱ya̱nk che̱junilex.

2 Reyes 18:26

Tojoꞌnak laj Eliaquim li ralal laj Hilcías ut laj Sebna ut laj Joa queꞌxye re laj Rabsaces: —Nakatzꞌa̱ma cha̱cuu nak toa̱cua̱tina saꞌ li a̱tinoba̱l arameo xban nak la̱o nakatau ru li a̱tin aꞌan. Moa̱cua̱tina saꞌ li ra̱tinoba̱leb laj Judá xban nak chixjunileb li tenamit li cuanqueb saꞌ xbe̱n li tzꞌac yo̱queb chirabinquil li yo̱cat chixyebal, chan.

Daniel 6:25

Tojoꞌnak li rey Darío quitzꞌi̱bac riqꞌuineb chixjunileb li tenamit cuanqueb saꞌ chixjunil li ruchichꞌochꞌ ut riqꞌuineb li jalan jala̱nk ra̱tinoba̱leb ut quixye reheb: —Chinumta̱k taxak li tuktu̱quil usilal e̱riqꞌuin.

2 Crónicas 15:10

Queꞌxchꞌutub ribeb aran Jerusalén saꞌ li rox po re li chihab aꞌan nak yo̱ oꞌlaju chihab roquic chokꞌ rey laj Asa.

Ester 10:1

Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.