Ester 8:8 - Li Santil hu

⁸ Anakcuan te̱tzꞌi̱ba jun chic li hu saꞌ incꞌabaꞌ la̱in ut te̱tzꞌi̱ba li cꞌaꞌru te̱raj re xtenkꞌanquileb laj judío. Ut te̱qꞌue retalil lin matkꞌab chiru xban nak cui tzꞌi̱banbil saꞌ incꞌabaꞌ, ut cui cuan retalil li matkꞌab chiru, incꞌaꞌ naru xjalbal ru li cꞌaꞌru tzꞌi̱banbil, chan li rey.

Q'eqchi Bible

⁸ Tz'iib'ahomaq eehu anaqwan cho'q reheb' laj Judiiy sa' ink'ab'a' ut b'aanuhomaq jo' chanru teeraj xb'aanunkil; ut kaaxtiiq ru rik'in linmatq'ab'. Xb'aan naq chixjunil li natz'iib'aak sa' xk'ab'a' li awab'ej ut nakaaxtiik rik'in li xmatq'ab', wank xwankil chi junajwa”.

Ester 8:8 ပူးပေါင်းရင်းမြစ်များ

Ester 1:19

Cui la̱at tixcꞌul a̱chꞌo̱l, at rey, ta̱qꞌue junak chakꞌrab ut tzꞌi̱banbilak retalil saꞌ li chakꞌrab re Persia ut re Media re nak ma̱ ani ta̱kꞌetok re. Li chakꞌrab aꞌan tixye nak li reina Vasti incꞌaꞌ chic tixcꞌut rib chi junaj cua chiru li rey ut ta̱isi̱k chokꞌ reina. Ut junak chic kꞌaxal cha̱bil chiru aꞌan ta̱qꞌuehekꞌ chokꞌ reina.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Daniel 6:8

Ta̱qꞌue li chakꞌrab aꞌin ut ta̱tzꞌi̱ba la̱ cꞌabaꞌ chiru re nak ta̱xakaba̱k xcuanquil ut ma̱ ani ta̱ru̱k ta̱jalok ru. Aꞌanak lix chakꞌrabeb laj Medo ut eb laj Persia ut ma̱ ani ta̱ru̱k ta̱sachok re xcuanquil, chanqueb re li rey.

Ester 8:5

Ut quixye re: —At rey, cui la̱at ta̱cuaj xba̱nunquil usilal cue, ut cui nacacꞌoxla nak us xba̱nunquil ut cui niquina̱ra, ta̱qꞌue taxak junak li chakꞌrab li tixsach xcuanquil li hu li quixtakla laj Amán li ralal laj Hamedata aj agagueo re xcamsinquil chixjunileb laj judío yalak bar cuanqueb saꞌ eb li tenamit li cuanqueb rubel la̱ cuanquil.

1 Reyes 21:8

Ut lix Jezabel quixtzꞌi̱ba li hu saꞌ xcꞌabaꞌ li rey Acab ut quixqꞌue li retalil lix matkꞌab chiru. Quixtakla li hu aꞌan riqꞌuineb laj cꞌamol be ut riqꞌuineb li nequeꞌtaklan saꞌ lix tenamit laj Nabot.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Ester 8:10

Laj Mardoqueo quixtzꞌi̱ba li hu saꞌ xcꞌabaꞌ li rey ut quixqꞌue retalil lix matkꞌab li rey chiruheb li hu. Quixtaklaheb li cui̱nk chixcanabanquileb li hu. Queꞌco̱eb chirixeb lix cacua̱y li rey, li kꞌaxal cau nequeꞌa̱linac.