Ester 8:2 - Li Santil hu

² Ut li rey quirisi chi ruꞌuj rukꞌ lix matkꞌab li quixmakꞌ chiru laj Amán ut quixqꞌue re laj Mardoqueo. Ut lix Ester quixxakab laj Mardoqueo re nak aꞌan chic ta̱ilok re chixjunil li cꞌaꞌru quicuan chokꞌ re laj Amán.

Q'eqchi Bible

² Toja' naq li awab'ej kirisi chaq li matq'ab' li kixmaq' chiru laj Amán ut kixq'axtesi re laj Mardokeo, ut lix Ester kixxaqab' laj Mardokeo re naq a'an chik taa'iloq re chixjunil li k'aru kiwank re laj Amán.

Ester 8:2 ပူးပေါင်းရင်းမြစ်များ

Ester 3:10

Ut quirisi lix matkꞌab li rey Asuero ut quixqꞌue re laj Amán. Aꞌan retalil nak quixcꞌul xchꞌo̱l li quixye laj Amán, li xicꞌ na-iloc reheb laj judío.

Daniel 2:48

Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Salmos 37:34

Cauhak e̱chꞌo̱l riqꞌuin li Ka̱cuaꞌ ut chexpa̱ba̱nk chiru. Ut aꞌan tixqꞌue e̱lokꞌal nak tixqꞌue le̱ naꞌaj li yechiꞌinbil e̱re xban. Ut te̱ril ajcuiꞌ nak teꞌsachekꞌ li incꞌaꞌ useb xnaꞌleb.

Ester 8:3

Lix Ester quia̱tinac cuiꞌchic riqꞌuin li rey. Ta̱ya̱bak nak quixcut rib chi rok li rey ut quixye: —Ta̱sach taxak xcuanquil li chakꞌrab li quixqꞌue laj Amán xban xma̱usilal. Incꞌaꞌ taxak ta̱uxma̱nk li raylal li quixcꞌoxla xba̱nunquil reheb laj judío, chan lix Ester.

Ester 10:2

Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.