Ester 8:15 - Li Santil hu

¹⁵ Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Q'eqchi Bible

¹⁵ Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Ester 8:15 ပူးပေါင်းရင်းမြစ်များ

Ester 3:15

Eb li hu aꞌan queꞌtakla̱c xbaneb lix takl li rey ut qui-el ajcuiꞌ resil saꞌ li tenamit Susa. Ut li rey Asuero rochben laj Amán queꞌcꞌojla ut queꞌoc chi ucꞌac chi saheb saꞌ xchꞌo̱l. Abanan chixjunileb li cuanqueb saꞌ li tenamit Susa, queꞌyotꞌeꞌ xchꞌo̱leb ut sachso̱queb xchꞌo̱l queꞌcana.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Proverbios 29:2

Nak li ti̱queb xchꞌo̱l nequeꞌqꞌueheꞌ saꞌ xcuanquil, eb li tenamit nequeꞌsahoꞌ saꞌ xchꞌo̱leb. Abanan kꞌaxal narahoꞌ saꞌ xchꞌo̱leb nak eb li incꞌaꞌ useb xnaꞌleb nequeꞌqꞌueheꞌ saꞌ xcuanquil.

Ester 6:8

ta̱cꞌamekꞌ chak li cha̱bil akꞌ xcomon li nacaqꞌue cha̱cuix, at rey. Ut ta̱cꞌamekꞌ ajcuiꞌ chak li cacua̱y li nacatbe̱c cuiꞌ la̱at ut ta̱qꞌuehekꞌ lix corona li cacua̱y saꞌ xjolom li narocsi nak nacatbe̱c chirix la̱at.

Ester 1:6

Queꞌxyi̱b chi cha̱bil li neba̱l. Queꞌxqꞌue li cha̱bil tꞌicr sak, rax ut azul ut queꞌxbacꞌ chiru li ni̱nki pilar yi̱banbil riqꞌuin li cha̱bil pec mármol. Li tꞌicr chapcho riqꞌuin cꞌa̱m lino morado. Li cꞌa̱m chapcho saꞌ li junju̱nk chi pilar riqꞌuin argollas yi̱banbil riqꞌuin plata. Li cꞌojariba̱l, li queꞌhilan cuiꞌ li ulaꞌ yi̱banbil riqꞌuin oro ut plata. Li xan yi̱banbil riqꞌuin li cha̱bil pec pórfido ut mármol ut riqꞌuin li pec alabastro ut jacinto. Eb li pec aꞌan kꞌaxal terto̱queb xtzꞌak.

San Mateo 11:8

¿Cꞌaꞌ put ru coxe̱ril chak? ¿Ma junak cui̱nk cha̱bil xtikibanquil coxe̱ril chak? Aꞌ li cha̱bileb rakꞌ saꞌ rochocheb li rey cuanqueb.

San Mateo 6:29

Aꞌut la̱in tinye e̱re, usta cꞌajoꞌ xchakꞌal ru lix tikibanquil laj Salomón, abanan incꞌaꞌ quixtau xchakꞌal ru li utzꞌuꞌuj aꞌin.

Ester 6:11

Laj Amán quixcꞌam li rakꞌ li rey riqꞌuin laj Mardoqueo ut quixcꞌam ajcuiꞌ li cacua̱y. Quixqꞌue li rakꞌ chirix laj Mardoqueo. Ut nak cuan chirix li cacua̱y laj Mardoqueo, laj Amán quixberesi li cacua̱y saꞌ eb li be ut quixjap re chixyebal: —Joꞌcaꞌin naxba̱nu li rey re li ani naraj xqꞌuebal xlokꞌal, chan.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Ester 5:11

Laj Amán qui-oc chixserakꞌinquil reheb chixjunil lix biomal. Quixye reheb nak nabaleb li ralal xcꞌajol ut nak sicꞌbil ru xban li rey. Ut quixye chanru nak quiqꞌueheꞌ xlokꞌal chiruheb chixjunileb ut quiqꞌueheꞌ xcuanquil saꞌ xbe̱neb chixjunileb li nequeꞌcꞌanjelac chiru li rey.

Ester 8:14

Eb lix takl li rey queꞌco̱eb saꞌ junpa̱t chirixeb lix cacua̱y li rey, li kꞌaxal cau nequeꞌa̱linac, joꞌ quiyeheꞌ reheb xban li rey. Ut qui-el ajcuiꞌ resilal li hu saꞌ li tenamit Susa bar cuan cuiꞌ li rey.

Ester 10:2

Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Proverbios 11:10

Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Proverbios 28:12

Nak eb li ti̱queb xchꞌo̱l nequeꞌxakaba̱c saꞌ xcuanquil, chixjunileb nequeꞌsahoꞌ saꞌ xchꞌo̱leb. Abanan nak nequeꞌxakaba̱c saꞌ xcuanquil li incꞌaꞌ useb xnaꞌleb, li tenamit nequeꞌxmuk ribeb xbaneb xxiu.