Ester 8:1 - Li Santil hu

¹ Saꞌ ajcuiꞌ li cutan aꞌan li rey quixkꞌaxtesi re lix Ester li rochoch laj Amán, li xicꞌ qui-iloc reheb laj judío. Laj Mardoqueo quicuulac riqꞌuin li rey xban nak lix Ester quixye re li rey nak aꞌan rechꞌalal.

Q'eqchi Bible

¹ Sa' ajwi' li kutan a'an laj Asuero li awab'ej kixq'axtesi re lix Ester li xjunkab'lal laj Amán, li xik' narileb' laj Judiiy, ut laj Mardokeo kib'oqe'k xb'aan li awab'ej, xb'aan naq lix Ester kixye naq a'an jun xkomon.

Ester 8:1 ပူးပေါင်းရင်းမြစ်များ

Ester 2:7

Quicuan jun lix rabin li rican laj Mardoqueo. Nak quicam lix naꞌ xyucuaꞌ li xkaꞌal, laj Mardoqueo quixxoc ut quixqꞌuiresi joꞌ jun tzꞌakal xrabin, xHadasa xcꞌabaꞌ. Ester nayeman ajcuiꞌ re. Cꞌajoꞌ xchꞌinaꞌusal li xkaꞌal aꞌan.

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Ester 2:15

Nak quicuulac xkꞌehil, quicꞌameꞌ lix Ester riqꞌuin li rey. Ma̱cꞌaꞌ quixtzꞌa̱ma. Caꞌaj cuiꞌ quirocsi li cꞌaꞌru quiqꞌueheꞌ re xban laj Hegai li eunuco li na-iloc reheb li tukꞌ ixk. Ut chixjunileb li queꞌiloc re lix Ester, cꞌajoꞌ nak queꞌsahoꞌ xchꞌo̱l riqꞌuin. Lix Ester li quiqꞌuiresi̱c xban laj Mardoqueo, aꞌan xrabin laj Abihail.

Salmos 39:6

Incꞌaꞌ najt nacuan xyuꞌam junak ut ma̱cꞌaꞌ na-oc cuiꞌ chixjunil li naxba̱nu. Naxcꞌu̱la lix biomal ut incꞌaꞌ naxnau ani chic ta̱e̱chani̱nk re mokon.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Ester 7:6

Ut lix Ester quixye re: —Li xicꞌ na-iloc ke li naraj xba̱nunquil raylal ke, aꞌan ajcuiꞌ laj Amán li cuan arin, li incꞌaꞌ us xnaꞌleb, chan. Nak quirabi li cꞌaꞌru quixye, cꞌajoꞌ nak quixucuac laj Amán chiru li rey ut chiru li reina.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Ester 1:14

Cuanqueb riqꞌuin li rey laj Carsena, laj Setar, laj Admata ut laj Tarsis. Ut cuanqueb ajcuiꞌ laj Meres, laj Marsena ut laj Memucán. Aꞌaneb li cuukub chi xni̱nkal ru cui̱nk saꞌ xya̱nkeb laj Persia ut laj Media. Junelic cuanqueb aran chixqꞌuebal xnaꞌleb li rey ut kꞌaxal ni̱nkeb xcuanquil.

Ester 8:7

Li rey Asuero quichakꞌoc ut quixye re li reina Ester ut re ajcuiꞌ laj Mardoqueo laj judío: —Xban nak laj Amán quiraj xsachbaleb ru laj judío, la̱in xintakla xyatzꞌbal ut xinqꞌue re lix Ester chixjunil li cꞌaꞌru re laj Amán.