Ester 7:4 - Li Santil hu

⁴ —La̱in ut eb li cuech tenamitil, xokꞌaxtesi̱c re camsi̱c. Ta̱sachekꞌ ku chi junaj cua. Cui ta xoxkꞌaxtesi̱c chokꞌ cꞌayinbil mo̱s, ma̱cꞌaꞌ raj tinye. Incꞌaꞌ raj xatinchꞌiꞌchꞌiꞌi. Aban cui la̱o tocamsi̱k, ta̱cha̱lk jun nimla chꞌaꞌajquilal saꞌ a̱be̱n la̱at, at rey, chan lix Ester.

Q'eqchi Bible

⁴ Xb'aan naq laa'in ut eb' li wech tenamitul xook'ayiik re qatawasinkil, qakamsinkil ut qasachb'al chi junajwa. Wi yal ta xook'ayiik cho'q aj mun, maak'a' raj tinye aawe. Ink'a' raj xatinch'i'ch'i'i rik'in junaq k'a'aq re ru li moko nim ta ch'a'ajkilal tixk'am chaq sa' aab'een”.

Ester 7:4 ပူးပေါင်းရင်းမြစ်များ

Ester 3:9

Joꞌcan nak cui naxcꞌul a̱chꞌo̱l, at rey, ta̱qꞌue jun li chakꞌrab re nak teꞌsachekꞌ ru chixjunileb laj judío. Ut la̱in tincꞌam chak chokꞌ a̱cue oxib ciento millón riqꞌuin laje̱b xcaꞌcꞌa̱l mil kilo li tumin li takamakꞌ chiruheb. Tinqꞌue aꞌan saꞌ xnaꞌaj la̱ tumin, chan laj Amán.

Deuteronomio 28:68

Li Ka̱cuaꞌ textakla cuiꞌchic Egipto saꞌ eb li ni̱nki jucub usta quixye e̱re nak ma̱ jaruj chic texsukꞌi̱k aran. Nak cua̱nkex aran texcꞌayi̱k raj chokꞌ rahobtesinbil mo̱s reheb li xicꞌ nequeꞌiloc e̱re, abanan ma̱ ani ta̱ajok lokꞌoc e̱re.

Ester 3:13

Chirix aꞌan eb li hu queꞌcꞌameꞌ saꞌ li junju̱nk chi tenamit xbaneb lix takl li rey. Ut yalak bar queꞌrabi lix chakꞌrab li rey nak teꞌcamsi̱k chixjunileb laj judío saꞌ li oxlaju xbe li cablaju po Adar xcꞌabaꞌ. Jun xxiquic nak teꞌsachekꞌ ruheb laj judío. Teꞌcamsi̱k li ti̱x joꞌqueb ajcuiꞌ li sa̱jeb, ut eb li ixk joꞌqueb ajcuiꞌ li cocꞌal. Ut ta̱xoquekꞌ chixjunil li cꞌaꞌru cuan reheb.

Ester 8:11

Saꞌ li hu li quixtakla li rey quiyeheꞌ reheb laj judío nak teꞌxchꞌutub ribeb saꞌ li junju̱nk chi tenamit cuanqueb cuiꞌ, ut teꞌpletik re xcolbaleb rib chiruheb li xicꞌ nequeꞌiloc reheb. Ta̱ru̱k teꞌxcamsiheb ut teꞌxsach ruheb yalak ani li teꞌcha̱lk chi camsi̱nc reheb aꞌ yal bar xtenamiteb, usta cui̱nk, usta ixk, usta cocꞌal. Ut teꞌxxoc li cꞌaꞌru cuan reheb, chan li rey saꞌ li hu.

Amós 2:6

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Israel. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Eb li ti̱queb xchꞌo̱l nequeꞌqꞌueheꞌ chokꞌ rahobtesinbil mo̱s nak incꞌaꞌ nequeꞌru xtojbal lix cꞌaseb. Ut eb li nebaꞌ, usta yal jun sumal chi xa̱b nequeꞌxcꞌas ut incꞌaꞌ nequeꞌru xtojbal, nequeꞌcanaba̱c chokꞌ lokꞌbil mo̱s.

Joel 3:6

Ut quecꞌayiheb laj Judá joꞌqueb ajcuiꞌ laj Israel reheb laj Grecia chokꞌ rahobtesinbil mo̱s re nak teꞌcꞌamekꞌ chi najt saꞌ jalan chic tenamit.

Ester 7:6

Ut lix Ester quixye re: —Li xicꞌ na-iloc ke li naraj xba̱nunquil raylal ke, aꞌan ajcuiꞌ laj Amán li cuan arin, li incꞌaꞌ us xnaꞌleb, chan. Nak quirabi li cꞌaꞌru quixye, cꞌajoꞌ nak quixucuac laj Amán chiru li rey ut chiru li reina.

Nehemías 5:5

—La̱o kacomon kib riqꞌuineb li biom. Ut li kalal kacꞌajol juntakꞌe̱teb ajcuiꞌ riqꞌuineb li ralal xcꞌajol eb aꞌan. Moco jalaneb ta chic aꞌan chiku la̱o. Abanan la̱o tento nak takacꞌayiheb li kalal kacꞌajol chokꞌ xmo̱seb aꞌan. Cuanqueb karabin ac xkacꞌayiheb chokꞌ xmo̱seb aꞌan ut incꞌaꞌ chic naru nakisiheb riqꞌuineb xban nak ma̱cꞌaꞌ chic cuan ke. Li kachꞌochꞌ ut li kacui̱mk jalan chic aj e, chanqueb.

1 Samuel 22:23

Cana̱kat arin cuiqꞌuin. Matxucuac. Li ani ta̱ajok re a̱camsinquil la̱at ta̱raj ajcuiꞌ incamsinquil la̱in. La̱at ma̱cꞌaꞌ ta̱cꞌul cui cua̱nkat cuiqꞌuin, chan.

Josué 9:23

Xban nak xoe̱balakꞌi, anakcuan tenebanbil li raylal saꞌ e̱be̱n. La̱ex texcana̱k joꞌ mo̱s junelic. Junes yocꞌoc siꞌ te̱ba̱nu ut bela̱nc haꞌ nak ta̱ajma̱nk ru li haꞌ ut li siꞌ nak takalokꞌoni li Dios, chan laj Josué.

San Lucas 12:45

Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Ester 7:5

Ut li rey Asuero quixpatzꞌ re: —¿Ani xcꞌoxlan re xba̱nunquil li ma̱usilal aꞌan? ¿Bar cuan li cui̱nk aꞌan? chan.

Ester 8:6

¿Chanru nak tincuy rilbal li raylal li teꞌraj xba̱nunquil reheb li cuech tenamitil? La̱in incꞌaꞌ tincuy cui teꞌcamsi̱k li cuechꞌalal, chan lix Ester.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Daniel 6:2

Ut quixxakabeb oxibeb chic li cui̱nk re nak eb aꞌan teꞌtakla̱nk saꞌ xbe̱neb li jun ciento riqꞌuin junmay chi cui̱nk li ac quixxakabeb. Laj Daniel aꞌan jun saꞌ xya̱nkeb li oxib li queꞌxakaba̱c re nak teꞌril ma tzꞌakal re ru lix cꞌanjeleb li jun ciento riqꞌuin junmay ut re ajcuiꞌ nak teꞌril chi us li cꞌaꞌru cuan re li rey.