Ester 6:4 - Li Santil hu

⁴ Saꞌ ajcuiꞌ li ho̱nal aꞌan laj Amán qui-oc saꞌ li neba̱l cuan cuiꞌ lix naꞌaj li rey. Quiraj xtzꞌa̱manquil chiru li rey nak tixqꞌue chi yatzꞌecꞌ laj Mardoqueo saꞌ li naꞌajej li quixqꞌue chi yi̱ba̱c laj Amán. Li rey quixpatzꞌ: —¿Ani yo̱ chi be̱c saꞌ li neba̱l? chan.

Q'eqchi Bible

⁴ Sa' li honal a'an laj Amán yo chi ok chiru li xneb'aalil li rochoch li awab'ej, re xtz'aamankil chiru naq chit'uyub'aaq laj Mardokeo sa' li t'uyleb'aal kixtaqla xyiib'ankil. “Ani wank chiru neb'aal?”, chan laj Asuero.

Ester 6:4 ပူးပေါင်းရင်းမြစ်များ

Ester 5:14

Ut lix Zeres li rixakil joꞌqueb ajcuiꞌ li rami̱g queꞌxye re: —Takla xyi̱banquil junak li naꞌajej cuib xcaꞌcꞌa̱l (22) metro xteram ut ta̱yi̱b li cꞌa̱m re xyatzꞌbal laj Mardoqueo. Ut ekꞌela cuulaj ta̱tzꞌa̱ma chiru li rey nak tixtakla xyatzꞌbal laj Mardoqueo re nak naru tatxic saꞌ li ninkꞌe a̱cuochben li rey chi ma̱cꞌaꞌ a̱cꞌaꞌux, chanqueb. Ut quisahoꞌ xchꞌo̱l laj Amán riqꞌuin li naꞌleb aꞌan ut quixtakla xyi̱banquil li naꞌajej re xyatzꞌbal laj Mardoqueo.

Ester 4:11

—Chixjunileb li nequeꞌcꞌanjelac chiru li rey, joꞌqueb ajcuiꞌ li tenamit li cuanqueb rubel xcuanquil, nequeꞌxnau nak li chakꞌrab naxye nak ta̱camsi̱k li ani ta̱oc riqꞌuin li rey chi incꞌaꞌ bokbil xban li rey, usta cui̱nk usta ixk. Caꞌaj cuiꞌ nacoleꞌ cui li rey tixtaksi li xukꞌ oro saꞌ xbe̱n retalil nak incꞌaꞌ ta̱camsi̱k. Ac xnumeꞌ laje̱b xcaꞌcꞌa̱l cutan ut la̱in toj ma̱jiꞌ chic ninbokeꞌ xban li rey, chan lix Ester.

Salmos 2:4

Abanan li Ka̱cuaꞌ Dios, toj saꞌ choxa naseꞌec xban li cꞌaꞌru nequeꞌxcꞌoxla xba̱nunquil.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

Salmos 33:19

Li Ka̱cuaꞌ, aꞌan nacoloc reheb chiru li ca̱mc, ut aꞌan ajcuiꞌ nacoloc reheb saꞌ xkꞌehil li cueꞌej.

Li xHu LAJ JOB 5:13

Ut aꞌan ajcuiꞌ naqꞌuehoc reheb chi tꞌanecꞌ saꞌ li ma̱usilal li nequeꞌxba̱nu eb li se̱beb xchꞌo̱l chixba̱nunquil li ma̱usilal. Ut incꞌaꞌ us na-el chiruheb li cꞌaꞌru nequeꞌxcꞌoxla xba̱nunquil.

Ester 7:9

Ut laj Harbona, jun reheb li eunucos li nequeꞌcꞌanjelac chiru li rey quixye: —Saꞌ rochoch laj Amán cuan li cheꞌ cuib xcaꞌcꞌa̱l metro xteram li quixqꞌue chi yi̱ba̱c laj Amán. Ac cuan aran li cꞌa̱m li quixqꞌue re xyatzꞌbal laj Mardoqueo, li cui̱nk li quiyehoc re nak queꞌraj a̱camsinquil, at rey, chan. Ut li rey quixye reheb: —Cꞌamomak laj Amán ut aran te̱yatzꞌ, chan.

Ester 6:3

Li rey quixpatzꞌ reheb li yo̱queb chi cꞌanjelac chiru: —¿Cꞌaꞌru xkaqꞌue re laj Mardoqueo? ¿Ma xkaqꞌue xkꞌajca̱munquil li usilal xba̱nu cue? chan. Eb li nequeꞌcꞌanjelac chiru queꞌxye: —Ma̱cꞌaꞌ quiqꞌueheꞌ re, chanqueb.

Ester 6:5

—Aꞌan laj Amán, chanqueb li nequeꞌcꞌanjelac chiru li rey. Ut li rey quixye: —Ocsimak chak, chan.