Ester 6:3 - Li Santil hu

³ Li rey quixpatzꞌ reheb li yo̱queb chi cꞌanjelac chiru: —¿Cꞌaꞌru xkaqꞌue re laj Mardoqueo? ¿Ma xkaqꞌue xkꞌajca̱munquil li usilal xba̱nu cue? chan. Eb li nequeꞌcꞌanjelac chiru queꞌxye: —Ma̱cꞌaꞌ quiqꞌueheꞌ re, chanqueb.

Q'eqchi Bible

³ Toja' naq li awab'ej kixye: “K'aru li loq'al malaj xq'ajkamunkil xk'ul laj Mardokeo xb'aan li usilal a'an?”. Ut eb' li wankeb' chi k'anjelak chiru li awab'ej ke'xsume: “Maak'a' x'uxmank re xq'ajkamunkil”, chankeb'.

Ester 6:3 ပူးပေါင်းရင်းမြစ်များ

Eclesiastés 9:15

Ut saꞌ li tenamit aꞌan, cuan jun li cui̱nk cuan xnaꞌleb usta nebaꞌ. Li cui̱nk aꞌan xru raj xcolbal li tenamit xban nak cuan xnaꞌleb. Abanan ma̱ ani quixcꞌoxla nak aꞌan cuan xnaꞌleb xban nak nebaꞌ.

Génesis 40:23

Ut li cui̱nk li nataklan reheb laj qꞌuehol rucꞌa laj faraón incꞌaꞌ chic quijulticoꞌ re laj José. Quisach ban saꞌ xchꞌo̱l.

Daniel 5:29

Tojoꞌnak li rey Belsasar quixtakla xtikibanquil laj Daniel riqꞌuin li caki akꞌ ut quixqꞌue ajcuiꞌ xkꞌol oro. Ut quixtakla resil nak laj Daniel, aꞌan chic li roxil chi takla̱nc.

Daniel 5:16

Cuabiom resil nak naru ta̱chꞌolob xya̱lal li cꞌaꞌru chꞌaꞌaj xtaubal ru. Anakcuan cui ta̱ru̱k ta̱cuil li tzꞌi̱banbil chiru li tzꞌac ut ta̱ye cue cꞌaꞌru naxye, tattikiba̱k riqꞌuin caki akꞌej ut ta̱qꞌuema̱nk junak kꞌol oro cha̱cux ut la̱atak li rox chi takla̱nc saꞌ xbe̱n li tenamit aꞌin, chan.

Daniel 5:7

Li rey quixjap re chi cau ut quixye nak teꞌcꞌamekꞌ chak riqꞌuin chixjunileb laj qꞌuehol naꞌleb ut eb laj Caldea ut eb laj kꞌe. Ut li rey quixye reheb: —Li ani ta̱ru̱k xtaubal ru li a̱tin aꞌin ut tixye cue cꞌaꞌru lix ya̱lal, la̱in tinqꞌue li caki akꞌ chirix retalil lix cuanquil. Tinqꞌue lix kꞌol oro chi xcux ut aꞌanak li rox chi takla̱nc saꞌ xbe̱n li tenamit, chan.

1 Crónicas 11:6

Laj David ac quixye: —Li ani ta̱oc xbe̱n cua chi pletic riqꞌuineb laj jebuseo, aꞌan li ta̱xakaba̱k chi takla̱nc saꞌ xbe̱neb li soldado, chan. Ut laj Joab lix yum lix Sarvia, aꞌan li xbe̱n li qui-oc chi pletic. Joꞌcan nak laj Joab quiqꞌueheꞌ xcuanquil chi takla̱nc.

Ester 6:2

Saꞌ li hu aꞌan queꞌxtau retalil chanru nak laj Mardoqueo quixye resil nak laj Bigtán ut laj Teres queꞌraj xcamsinquil li rey Asuero. Li cuib chi cui̱nk aꞌan xcomoneb li queꞌcꞌacꞌalen re li oqueba̱l re li rochoch li rey.

Ester 6:4

Saꞌ ajcuiꞌ li ho̱nal aꞌan laj Amán qui-oc saꞌ li neba̱l cuan cuiꞌ lix naꞌaj li rey. Quiraj xtzꞌa̱manquil chiru li rey nak tixqꞌue chi yatzꞌecꞌ laj Mardoqueo saꞌ li naꞌajej li quixqꞌue chi yi̱ba̱c laj Amán. Li rey quixpatzꞌ: —¿Ani yo̱ chi be̱c saꞌ li neba̱l? chan.