Ester 6:1 - Li Santil hu

¹ Saꞌ li kꞌojyi̱n aꞌan nak incꞌaꞌ quicube xcuara li rey, quixtakla xcꞌambal chak li hu li tzꞌi̱banbil cuiꞌ retalil chixjunil li ac quilajcꞌulman, ut queꞌoc chirilbal xsaꞌ li hu aꞌan chiru.

Q'eqchi Bible

¹ Chiru li q'oqyink a'an li awab'ej ink'a' kiru chi wark; jo'kan naq kixtaqla laj tz'iib' chi xxokb'al li hu tz'iib'anb'il wi' chixjunil li ak kik'ulmank sa' li x'awab'ejihom, re naq taayaab'asimanq xsa' li hu a'an chiru.

Ester 6:1 ပူးပေါင်းရင်းမြစ်များ

Daniel 6:18

Tojoꞌnak li rey co̱ saꞌ li palacio ut quixyocob rib saꞌ xchꞌa̱t chi incꞌaꞌ quicuaꞌac, chi moco quichꞌeꞌeꞌ li cuajb re xqꞌuebal xsahil xchꞌo̱l. Ut incꞌaꞌ quicuar li rey xban xcꞌaꞌux.

Daniel 2:1

Yo̱ xcab chihab roquic chokꞌ rey laj Nabucodonosor nak quimatqꞌuec ut cꞌajoꞌ nak quixucuac xban lix matcꞌ. Incꞌaꞌ chic quicuar xban xcꞌaꞌux.

Ester 2:23

Queꞌxtzꞌil a̱tin chirix li cꞌaꞌru quixye laj Mardoqueo. Nak queꞌxqꞌue retal nak ya̱l li quixye, queꞌxtakla xyatzꞌbaleb li cuib chi cui̱nk li queꞌajoc xcamsinquil li rey. Ut chixjunil aꞌin quitzꞌi̱ba̱c retalil saꞌ li hu li tzꞌi̱banbil cuiꞌ retalil chixjunil li nacꞌulman saꞌ li tenamit aꞌan.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Isaías 41:17

Eb li nebaꞌ li ma̱cꞌaꞌ cuan reheb nequeꞌxsicꞌ li haꞌ. Abanan ma̱ bar nequeꞌxtau. Chaki saꞌ li reheb xban chaki el. La̱in li Ka̱cuaꞌ. Tincuabi lix tijeb. Incꞌaꞌ tincanabeb xjunes xban nak la̱in lix Dioseb laj Israel.

Ester 10:2

Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Génesis 22:14

Ut laj Abraham quixqꞌue chokꞌ xcꞌabaꞌ li naꞌajej aꞌan, “Li Ka̱cuaꞌ Dios naxqꞌue chak li cꞌaꞌru napaltoc ke.” Ut chalen anakcuan nayeman, “Saꞌ lix tzu̱l li Ka̱cuaꞌ Dios naqꞌueheꞌ li cꞌaꞌru na-ajman ru”.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Ester 5:8

Cui la̱at ta̱cuaj xba̱nunquil li cꞌaꞌru tintzꞌa̱ma cha̱cuu ut cui la̱at ta̱cuaj xba̱nunquil usilal cue, tatcha̱lk raj cuiꞌchic cuulaj a̱cuochben laj Amán saꞌ li ninkꞌe li tinba̱nu chokꞌ e̱re. Ut cuulaj la̱in tinsume li cꞌaꞌru xapatzꞌ cue, at rey, chan lix Ester.

Ester 2:22

Nak quirabi nak teꞌraj teꞌxcamsi li rey, laj Mardoqueo quixye re lix Ester. Ut lix Ester quixye re li rey li cꞌaꞌru quirabi ut quixye ajcuiꞌ nak laj Mardoqueo, aꞌan li quiyehoc re.

Ester 2:21

Nak chunchu chire li oqueba̱l re li rochoch li rey, laj Mardoqueo quirabi li cꞌaꞌru yo̱queb chixyebal chi ribileb rib laj Bigtán ut laj Teres. Li cuib chi cui̱nk aꞌan, aꞌaneb li nequeꞌcuan saꞌ li oqueba̱l chi cꞌacꞌale̱nc. Cꞌajoꞌ xjoskꞌileb ut yo̱queb xcꞌu̱banquil chanru nak teꞌxcamsi li rey.