Ester 5:14 - Li Santil hu

¹⁴ Ut lix Zeres li rixakil joꞌqueb ajcuiꞌ li rami̱g queꞌxye re: —Takla xyi̱banquil junak li naꞌajej cuib xcaꞌcꞌa̱l (22) metro xteram ut ta̱yi̱b li cꞌa̱m re xyatzꞌbal laj Mardoqueo. Ut ekꞌela cuulaj ta̱tzꞌa̱ma chiru li rey nak tixtakla xyatzꞌbal laj Mardoqueo re nak naru tatxic saꞌ li ninkꞌe a̱cuochben li rey chi ma̱cꞌaꞌ a̱cꞌaꞌux, chanqueb. Ut quisahoꞌ xchꞌo̱l laj Amán riqꞌuin li naꞌleb aꞌan ut quixtakla xyi̱banquil li naꞌajej re xyatzꞌbal laj Mardoqueo.

Q'eqchi Bible

¹⁴ Toja' naq lix Seres li rixaqil ut chixjunileb' li ramiiw ke'xye re: “K'e chi yiib'aak jun li t'uyleb'aal poyanam, aj oxlaju moqoj xteram, ut aran taat'uyub' laj Mardokeo. Chi jo'kan sahaq sa' aach'ool naq tatxik chi tzekank aawochb'een li awab'ej”, chankeb'. Laj Amán kixk'ul xch'ool li na'leb' a'an ut kixtaqla xyiib'ankil li kamsib'aal.

Ester 5:14 ပူးပေါင်းရင်းမြစ်များ

Ester 6:4

Saꞌ ajcuiꞌ li ho̱nal aꞌan laj Amán qui-oc saꞌ li neba̱l cuan cuiꞌ lix naꞌaj li rey. Quiraj xtzꞌa̱manquil chiru li rey nak tixqꞌue chi yatzꞌecꞌ laj Mardoqueo saꞌ li naꞌajej li quixqꞌue chi yi̱ba̱c laj Amán. Li rey quixpatzꞌ: —¿Ani yo̱ chi be̱c saꞌ li neba̱l? chan.

Salmos 37:32

Li incꞌaꞌ useb xnaꞌleb nequeꞌxqꞌue retal li ti̱queb xchꞌo̱l ut nequeꞌxsicꞌ chanru nak teꞌxcamsi.

Salmos 37:14

Eb li incꞌaꞌ useb xnaꞌleb nequeꞌrisi lix chꞌi̱chꞌeb ut lix tzimaj re xcamsinquileb li tu̱laneb ut li nebaꞌeb. Ut nequeꞌraj xcamsinquileb li ti̱queb xchꞌo̱l.

1 Reyes 21:7

Ut lix Jezabel li rixakil quixye re: —La̱at li rey. La̱at nacattaklan arin Israel. Cuaclin ut cuaꞌin. Cꞌojob a̱chꞌo̱l. La̱in tinsicꞌ xya̱lal chanru tinba̱nu re nak aꞌan tixqꞌue a̱cue lix naꞌaj li racui̱mk, chan.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

Romanos 3:15

Saꞌ junpa̱t nequeꞌchal xjoskꞌil. Nequeꞌxrahobtesi ut nequeꞌxcamsi li ras ri̱tzꞌin.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

Salmos 9:15

Li tenamit li incꞌaꞌ nequeꞌpa̱ban cha̱cuu, xjuneseb queꞌxsicꞌ xraylaleb. Chanchan nak queꞌxbec jun li jul ut aꞌaneb ajcuiꞌ queꞌoc chi saꞌ. Ut xeꞌxyi̱b jun li raꞌal ut aꞌaneb ajcuiꞌ li queꞌtꞌaneꞌ chi saꞌ.

1 Reyes 21:25

Kꞌaxal quinumta li ma̱usilal quixba̱nu laj Acab chiru li Dios. Ma̱ ani junak reheb li rey quixba̱nu ma̱usilal joꞌ quixba̱nu aꞌan. Ut lix Jezabel li rixakil, aꞌan li quicꞌamoc be chiru chixba̱nunquil li ma̱usilal.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.