Ester 3:8 - Li Santil hu

⁸ Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Q'eqchi Bible

⁸ Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Ester 3:8 ပူးပေါင်းရင်းမြစ်များ

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Santiago 1:1

La̱in laj Santiago, laj cꞌanjel chiru li Dios ut chiru li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li cablaju chi xte̱paleb laj Israel. Nintakla xsahil e̱chꞌo̱l la̱ex li xejeqꞌui e̱rib yalak bar saꞌ li junju̱nk chi naꞌajej.

Hechos 28:22

Takaj rabinquil cꞌaꞌru nacacꞌoxla chirix aꞌan xban nak kabiom nak yalak bar xicꞌ nequeꞌrabi li tijleb chirix li Jesús, chanqueb.

Hechos 24:5

La̱o xkaqꞌue retal nak li cui̱nk aꞌin kꞌaxal yibru xnaꞌleb. Naxtiquib ra xi̱cꞌ saꞌ xya̱nkeb chixjunileb laj judío saꞌ chixjunil li ruchichꞌochꞌ. Ut aꞌan najolomin re li jun chꞌu̱tal aj Nazareno nequeꞌxye re.

San Juan 7:35

Ut eb laj judío queꞌoc chi a̱tinac chi ribileb rib ut queꞌxye: —¿Bar anchal ta̱xic li cui̱nk aꞌin nak incꞌaꞌ ta̱ru̱k takatau? Ma̱re ta̱xic riqꞌuineb laj judío li cuanqueb saꞌ xtenamiteb laj griego. Malaj ta̱oc chixtzolbaleb laj griego.

Zacarías 7:14

Chanchan xeꞌcꞌameꞌ xban li ikꞌ li naxsuti rib nak quinjeqꞌui ruheb yalak bar saꞌ eb li jalan tenamit bar incꞌaꞌ nequeꞌxnau. Ut lix naꞌajeb li queꞌel cuiꞌ xcana chi ma̱cꞌaꞌ chic cuan chi saꞌ. Xcana joꞌ jun chaki chꞌochꞌ ut ma̱ ani chic naru nacuan aran. Kꞌaxal cha̱bil raj li chꞌochꞌ, abanan quicanaba̱c joꞌ jun chaki chꞌochꞌ.—

Ezequiel 11:16

Joꞌcan nak ta̱ye reheb laj Israel la̱ cuech tenamitil li queꞌcꞌameꞌ chi najt li cꞌaꞌru yo̱quin chixyebal. La̱in quintaklan reheb chi najt ut quinjeqꞌuiheb saꞌ xya̱nkeb li jalanil tenamit. Abanan la̱in tincua̱nk riqꞌuineb nak cua̱nkeb aran.

Ezequiel 6:8

Abanan incꞌaꞌ tinsacheb ru chi junaj cua li tenamit Israel. Saꞌ xya̱nkeb li jeqꞌuinbil ruheb saꞌ jalan tenamit, cuan li incꞌaꞌ teꞌcamsi̱k saꞌ li ple̱t.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Nehemías 1:8

La̱at jultic a̱cue li cꞌaꞌru caye chak chikix junxil nak caye chak re laj Moisés nak cui la̱o toma̱cobk cha̱cuu, la̱at ta̱chaꞌchaꞌi ku saꞌ eb li junju̱nk chi tenamit.

Deuteronomio 32:26

Ut xinye nak tinjeqꞌuiheb yalak bar. Ut incꞌaꞌ chic teꞌpatzꞌekꞌ xcꞌabaꞌeb.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

1 Pedro 1:1

La̱in laj Pedro. La̱in x-apóstol li Ka̱cuaꞌ Jesucristo. Yo̱quin chi tzꞌi̱bac e̱riqꞌuin la̱ex, li xejeqꞌui e̱rib saꞌ li junju̱nk chi naꞌajej. Yal numecꞌ yo̱quex xban nak ma̱cuaꞌ e̱tenamit li cuanquex cuiꞌ, la̱ex li cuanquex saꞌ xcue̱nt Ponto, ut saꞌ xcue̱nt Galacia ut Capadocia, joꞌ ajcuiꞌ li cuanquex saꞌ xcue̱nt Asia ut Bitinia.

Ester 3:9

Joꞌcan nak cui naxcꞌul a̱chꞌo̱l, at rey, ta̱qꞌue jun li chakꞌrab re nak teꞌsachekꞌ ru chixjunileb laj judío. Ut la̱in tincꞌam chak chokꞌ a̱cue oxib ciento millón riqꞌuin laje̱b xcaꞌcꞌa̱l mil kilo li tumin li takamakꞌ chiruheb. Tinqꞌue aꞌan saꞌ xnaꞌaj la̱ tumin, chan laj Amán.

Ester 4:1

Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Daniel 3:8

Saꞌ ajcuiꞌ li cutan aꞌan cuanqueb laj Caldea queꞌoc chi jitoc chirixeb laj judío.

Daniel 6:13

Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Números 23:9

Toj saꞌ li tzu̱l aꞌin li cuan cuiꞌ li ni̱nki pec nequeꞌcuil. Saꞌ xbe̱n li tzu̱l aꞌin li najt xteram nequeꞌcuil. Nacuil li tenamit li nequeꞌcuan xjuneseb. Incꞌaꞌ nequeꞌxjunaji rib riqꞌuineb li xni̱nkal ru tenamit.

Esdras 4:6

Saꞌ eb li cutan nak laj Asuero qui-oc chokꞌ rey, queꞌtzꞌi̱bac riqꞌuin re xjitbaleb li cuanqueb Judá ut li cuanqueb Jerusalén.

Daniel 6:14

Cꞌajoꞌ nak quirahoꞌ xchꞌo̱l li rey nak quirabi cꞌaꞌru queꞌxye eb aꞌan. Ut aꞌan quixcꞌoxla saꞌ xchꞌo̱l nak tixcol laj Daniel. Ut quixyal xkꞌe xsicꞌbal chanru nak tixcol toj chalen nak qui-ecuu.