Ester 3:6 - Li Santil hu

⁶ Ac quirabi resil nak laj Mardoqueo aj judío. Incꞌaꞌ quiraj xcamsinquil xjunes laj Mardoqueo. Quixcꞌoxla nak kꞌaxal us xcamsinquileb chixjunileb laj judío li cuanqueb saꞌ eb li naꞌajej li cuanqueb rubel xtakl li rey Asuero.

Q'eqchi Bible

⁶ Ut naq ke'xye re li xtenamitul laj Mardokeo, kixk'oxla naq moko tz'aqal ta xrahob'tesinkil xjunes laj Mardokeo, tento aj b'an wi' xsachb'aleb' chixjunileb' laj Judiiy li wankeb' sa' x'awab'ejihom laj Asuero.

Ester 3:6 ပူးပေါင်းရင်းမြစ်များ

Salmos 83:4

Nequeꞌxye: Quimkex ut kasachak ruheb. Takasach lix tenamiteb chi junaj cua re nak ma̱ ani chic ta̱jultica̱nk re lix cꞌabaꞌeb laj Israel, chanqueb.

Apocalipsis 12:12

Joꞌcan nak chisahokꞌ taxak saꞌ e̱chꞌo̱l la̱ex li cuanquex saꞌ choxa. Abanan li cuanqueb saꞌ ruchichꞌochꞌ ut saꞌ li palau tokꞌobeb ru xban nak laj tza quicuteꞌ saꞌ ruchichꞌochꞌ chi cua̱nc riqꞌuineb. Cꞌajoꞌ lix joskꞌil xban nak naxnau nak cuulac re xkꞌehil nak ta̱sachekꞌ ru, chan.

Esdras 4:6

Saꞌ eb li cutan nak laj Asuero qui-oc chokꞌ rey, queꞌtzꞌi̱bac riqꞌuin re xjitbaleb li cuanqueb Judá ut li cuanqueb Jerusalén.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Salmos 83:5

Junaj xcꞌaꞌuxeb nak queꞌxcꞌu̱b ru chanru teꞌxba̱nu re kasachbal.