Ester 3:2 - Li Santil hu

² Nak quinumeꞌ laj Amán, chixjunileb li nequeꞌcꞌanjelac chiru li rey saꞌ li rochoch queꞌxcuikꞌib ribeb chiru ut queꞌxxulub xjolomeb re xqꞌuebal xlokꞌal xban nak joꞌcan quixye li rey. Abanan laj Mardoqueo incꞌaꞌ quixcuikꞌib rib chiru chi moco quixqꞌue xlokꞌal.

Q'eqchi Bible

² Chixjunileb' laj k'anjel chiru li awab'ej neke'xwiq'ib' rib' ut neke'xxulub' li xjolomeb' chiru laj Amán naq nanume'k malaj naq xaqxo chiruheb', xb'aan naq jo'kan xyehom li awab'ej; ab'an laj Mardokeo ink'a' kiraj xpaab'ankil li chaq'rab' a'in.

Ester 3:2 ပူးပေါင်းရင်းမြစ်များ

Filipenses 2:10

Li Dios quixba̱nu aꞌan re nak chixjunileb teꞌxcuikꞌib rib chixlokꞌoninquil li Ka̱cuaꞌ Jesucristo nak teꞌrabi lix cꞌabaꞌ. Teꞌxcuikꞌib ribeb chixlokꞌoninquil chixjunileb li cuanqueb saꞌ choxa ut li cuanqueb saꞌ ruchichꞌochꞌ joꞌqueb ajcuiꞌ li camenakeb.

Salmos 15:4

Nequeꞌjoskꞌoꞌ saꞌ xbe̱neb li nequeꞌtzꞌekta̱nan re li Dios ut nequeꞌx-oxlokꞌi li nequeꞌxxucua ru li Dios. Junelic nequeꞌxba̱nu li cꞌaꞌru nequeꞌxye, usta nequeꞌxcꞌul raylal.

Ester 5:9

Laj Amán qui-el saꞌ li ninkꞌe chi sa saꞌ xchꞌo̱l. Abanan cꞌajoꞌ nak quijoskꞌoꞌ nak quiril laj Mardoqueo saꞌ li oqueba̱l re li rochoch li rey xban nak incꞌaꞌ quixcuikꞌib rib chiru chi moco qui-ecꞌan saꞌ xnaꞌaj nak quinumeꞌ.

Ester 3:5

Nak laj Amán quixqꞌue retal nak laj Mardoqueo incꞌaꞌ naxcuikꞌib rib chiru, chi moco naxxulub xjolom nak nanumeꞌ, cꞌajoꞌ nak quichal xjoskꞌil.

Ester 3:1

Mokon chic li rey Asuero quixqꞌue xcuanquil laj Amán chi takla̱nc saꞌ xbe̱neb chixjunileb li nequeꞌtaklan saꞌ eb li tenamit. Laj Amán aꞌan li ralal laj Hamedata, xcomoneb aj agagueo.

Ester 2:21

Nak chunchu chire li oqueba̱l re li rochoch li rey, laj Mardoqueo quirabi li cꞌaꞌru yo̱queb chixyebal chi ribileb rib laj Bigtán ut laj Teres. Li cuib chi cui̱nk aꞌan, aꞌaneb li nequeꞌcuan saꞌ li oqueba̱l chi cꞌacꞌale̱nc. Cꞌajoꞌ xjoskꞌileb ut yo̱queb xcꞌu̱banquil chanru nak teꞌxcamsi li rey.

Ester 2:19

Nak queꞌchꞌutuba̱c cuiꞌchic xcaꞌ sut li tukꞌ ixk, laj Mardoqueo chunchu aran chire li oqueba̱l re li rochoch li rey.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Deuteronomio 25:19

Nak li Ka̱cuaꞌ le̱ Dios texqꞌue chi hila̱nc ut incꞌaꞌ chic texpletik riqꞌuineb li xicꞌ nequeꞌiloc e̱re li cuanqueb chi xjun sutam li naꞌajej li tixqꞌue e̱re li Ka̱cuaꞌ, tento nak te̱camsi chixjunileb li ralal xcꞌajol laj Amalec re nak ta̱sachk xcꞌabaꞌeb chi junaj cua saꞌ ruchichꞌochꞌ. Misach saꞌ e̱chꞌo̱l xba̱nunquil aꞌan.

Éxodo 17:16

Ut laj Moisés quixye: —Xban nak eb laj Amalec queꞌxtiquib li ple̱t riqꞌuineb laj Israel, li Dios ta̱pletik riqꞌuin laj Amalec ut joꞌ ajcuiꞌ riqꞌuineb li ralal xcꞌajol ut riqꞌuineb li ri xmam, chan.

Éxodo 17:14

Ut li Dios quixye re laj Moisés: —Ta̱tzꞌi̱ba retalil aꞌin saꞌ junak hu re nak junelic cua̱nk saꞌ xchꞌo̱leb. Ta̱ye re laj Josué nak la̱in tinrakok a̱tin saꞌ xbe̱neb laj Amalec ut teꞌosokꞌ chixjunileb, chan.

Génesis 41:43

Laj faraón quixqꞌue laj José chi beresi̱c saꞌ li xcab lix carre̱t ut quixye reheb chixjunileb li tenamit nak teꞌxcuikꞌib rib chiru. Ut chixjunileb li tenamit queꞌcana rubel xtakl laj José.

Ester 2:5

Aran Susa cuan jun li cui̱nk aj judío aj Mardoqueo xcꞌabaꞌ. Aꞌan ralal laj Jair. Laj Jair, aꞌan li ralal laj Simei. Laj Simei, aꞌan li ralal laj Cis. Eb aꞌan xcomoneb li ralal xcꞌajol laj Benjamín.

Ester 3:3

Ut eb li nequeꞌcꞌanjelac chiru li rey queꞌxpatzꞌ re laj Mardoqueo cꞌaꞌut nak incꞌaꞌ naxba̱nu li cꞌaꞌru quixye li rey.

Daniel 2:49

Laj Daniel quixtzꞌa̱ma chiru li rey nak teꞌqꞌuehekꞌ chi cꞌanjelac saꞌ li tenamit Babilonia laj Sadrac, laj Mesac, ut laj Abed-nego. Yal xban nak joꞌcan quixtzꞌa̱ma laj Daniel, joꞌcan nak queꞌqꞌueheꞌ saꞌ xcuanquileb. Ut laj Daniel aꞌan li kꞌaxal nim xcuanquil saꞌ xya̱nkeb li nequeꞌtaklan saꞌ xbe̱n li tenamit.