Ester 3:13 - Li Santil hu

¹³ Chirix aꞌan eb li hu queꞌcꞌameꞌ saꞌ li junju̱nk chi tenamit xbaneb lix takl li rey. Ut yalak bar queꞌrabi lix chakꞌrab li rey nak teꞌcamsi̱k chixjunileb laj judío saꞌ li oxlaju xbe li cablaju po Adar xcꞌabaꞌ. Jun xxiquic nak teꞌsachekꞌ ruheb laj judío. Teꞌcamsi̱k li ti̱x joꞌqueb ajcuiꞌ li sa̱jeb, ut eb li ixk joꞌqueb ajcuiꞌ li cocꞌal. Ut ta̱xoquekꞌ chixjunil li cꞌaꞌru cuan reheb.

Q'eqchi Bible

¹³ ut ke'taqlaje'k chirixeb' li taql sa' chixjunil li tenamit wankeb' sa' li awab'ejihom. Sa' li hu tz'iib'anb'il reetalil naq te'sache'q chixjunileb' laj Judiiy, a' yaal ma saajeb', malaj cheekel poyanameb', kok'al malaj ixqeb'; ut taa'eechanimanq li k'a'aq re ru reheb' sa' jun chi kutan, sa' li kab'laju xb'e li xkab'laju pohil li chihab', a'an li po Adar.

Ester 3:13 ပူးပေါင်းရင်းမြစ်များ

Ester 9:10

Aꞌaneb li laje̱b chi ralal laj Amán li ralal laj Hamedata, li xicꞌ queꞌiloc reheb laj judío. Eb laj judío queꞌxcamsiheb, abanan incꞌaꞌ queꞌxcꞌam li cꞌaꞌru cuan reheb.

2 Crónicas 30:6

Li rey ut eb li nequeꞌtenkꞌan re queꞌxtaklaheb lix takl saꞌ chixjunil li naꞌajej Israel ut Judá. Queꞌxcꞌam li hu li quixye chi joꞌcaꞌin: —La̱ex aj Israel, sukꞌinkex riqꞌuin li Ka̱cuaꞌ lix Dioseb laj Abraham, laj Isaac, ut laj Israel re nak li Dios ta̱sukꞌi̱k cuiꞌchic e̱riqꞌuin la̱ex li joꞌ qꞌuial chic quexcoleꞌ saꞌ rukꞌ lix reyeb laj Asiria.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Romanos 3:15

Saꞌ junpa̱t nequeꞌchal xjoskꞌil. Nequeꞌxrahobtesi ut nequeꞌxcamsi li ras ri̱tzꞌin.

Jeremías 51:31

Nabaleb li takl xeꞌco̱eb chixyebal resil re li rey nak ac xeꞌxchap chixjunil li tenamit li xicꞌ nequeꞌiloc reheb.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Li xHu LAJ JOB 9:25

Saꞌ junpa̱t yo̱ chi numecꞌ lin cutan. Yo̱quin chi osocꞌ chi incꞌaꞌ xincuan saꞌ sahil chꞌo̱lej.

Ester 7:4

—La̱in ut eb li cuech tenamitil, xokꞌaxtesi̱c re camsi̱c. Ta̱sachekꞌ ku chi junaj cua. Cui ta xoxkꞌaxtesi̱c chokꞌ cꞌayinbil mo̱s, ma̱cꞌaꞌ raj tinye. Incꞌaꞌ raj xatinchꞌiꞌchꞌiꞌi. Aban cui la̱o tocamsi̱k, ta̱cha̱lk jun nimla chꞌaꞌajquilal saꞌ a̱be̱n la̱at, at rey, chan lix Ester.

1 Samuel 22:19

Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

Ester 8:5

Ut quixye re: —At rey, cui la̱at ta̱cuaj xba̱nunquil usilal cue, ut cui nacacꞌoxla nak us xba̱nunquil ut cui niquina̱ra, ta̱qꞌue taxak junak li chakꞌrab li tixsach xcuanquil li hu li quixtakla laj Amán li ralal laj Hamedata aj agagueo re xcamsinquil chixjunileb laj judío yalak bar cuanqueb saꞌ eb li tenamit li cuanqueb rubel la̱ cuanquil.

Ester 9:1

Li oxlaju xbe li cablaju po Adar, aꞌan li cutan xakabanbil xban li rey nak teꞌsachekꞌ ruheb laj judío, ut aꞌan ajcuiꞌ li cutan li yo̱queb chiroybeninquil li xicꞌ nequeꞌiloc reheb laj judío re nak teꞌnumta̱k saꞌ xbe̱neb. Abanan incꞌaꞌ queꞌnumta saꞌ xbe̱neb laj judío. Laj judío ban queꞌnumta saꞌ xbe̱neb li xicꞌ nequeꞌiloc reheb.

Ester 9:5

Ut eb laj judío queꞌxcamsiheb chi chꞌi̱chꞌ chixjunileb li xicꞌ nequeꞌiloc reheb. Queꞌxba̱nu reheb li cꞌaꞌru queꞌraj.