Ester 3:12 - Li Santil hu

¹² Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Q'eqchi Bible

¹² Sa' li kab'laju xb'e li xb'een po re xtiklajik li chihab' ke'b'oqmank eb' laj tz'iib' neke'k'anjelak chiru li awab'ej, ut eb' a'in ke'xtz'iib'a li aatin kixye laj Amán reheb' li ruuchileb' li awab'ej jo'wi' reheb' laj jolominel li wankatqeb' sa'eb' li ninq ut kok' tenamit. Li esilal ke'tz'iib'amank sa' raatinob'aaleb' ut xtz'iib'eb' li junjunq chi tenamit, ut kaaxtinb'ileb' sa' xk'ab'a' laj Asuero li awab'ej;

Ester 3:12 ပူးပေါင်းရင်းမြစ်များ

1 Reyes 21:8

Ut lix Jezabel quixtzꞌi̱ba li hu saꞌ xcꞌabaꞌ li rey Acab ut quixqꞌue li retalil lix matkꞌab chiru. Quixtakla li hu aꞌan riqꞌuineb laj cꞌamol be ut riqꞌuineb li nequeꞌtaklan saꞌ lix tenamit laj Nabot.

Ester 1:22

Ut li rey quixtaklaheb li hu saꞌ li junju̱nk chi tenamit. Quixtzꞌi̱ba saꞌ li ra̱tinoba̱leb ut quixtzꞌi̱ba ajcuiꞌ joꞌ nequeꞌtzꞌi̱bac saꞌ eb li junju̱nk chi tenamit. Quixye reheb nak eb li cui̱nk, aꞌaneb li teꞌtakla̱nk saꞌ li rochocheb. Ut quixye ajcuiꞌ nak ta̱yehekꞌ resil li chakꞌrab aꞌan reheb chixjunileb li tenamit saꞌ li ra̱tinoba̱leb li junju̱nk chi tenamit.

Daniel 6:15

Eb li cui̱nk queꞌsukꞌi cuiꞌchic riqꞌuin li rey ut queꞌxchꞌutub rib riqꞌuin ut queꞌxye re: —At rey, la̱at nacanau nak lix chakꞌrab eb laj Medo ut eb laj Persia naxye nak ma̱ ani naru najaloc ru li chakꞌrab xakabanbil xcuanquil xban junak rey, chanqueb.

Daniel 6:12

Ut queꞌco̱eb saꞌ junpa̱t riqꞌuin li rey ut queꞌa̱tinac riqꞌuin chirix li chakꞌrab li quixqꞌue ut queꞌxye re: —¿Ma incꞌaꞌ ta biꞌ xaqꞌue li chakꞌrab nak chiru laje̱b xcaꞌcꞌa̱l (30) cutan ma̱ ani ta̱tzꞌa̱ma̱nk chiru lix Dios, malaj ut chiru junak cui̱nk cui ma̱cuaꞌ a̱cuiqꞌuin la̱at, at rey? ¿Ma incꞌaꞌ ta biꞌ caye nak li ani ta̱tzꞌa̱ma̱nk chiru lix Dios, li jun aꞌan ta̱cutekꞌ saꞌ xnaꞌajeb li cakcoj? chanqueb. Quichakꞌoc li rey ut quixye: —Ya̱l nak joꞌcan. Aꞌan lix chakꞌrabeb laj Medo ut eb laj Persia ut ma̱ ani naru ta̱jalok re aꞌan, chan.

Daniel 6:8

Ta̱qꞌue li chakꞌrab aꞌin ut ta̱tzꞌi̱ba la̱ cꞌabaꞌ chiru re nak ta̱xakaba̱k xcuanquil ut ma̱ ani ta̱ru̱k ta̱jalok ru. Aꞌanak lix chakꞌrabeb laj Medo ut eb laj Persia ut ma̱ ani ta̱ru̱k ta̱sachok re xcuanquil, chanqueb re li rey.

Ester 9:27

chixjunileb laj judío queꞌxye nak teꞌxba̱nu li ninkꞌe aꞌin rajlal chihab. Ut queꞌxcꞌaytesi ajcuiꞌ li ralal xcꞌajoleb xninkꞌeinquil li cutan aꞌan. Ut queꞌxye nak li joꞌ qꞌuialeb li queꞌoc saꞌ xya̱nkeb laj judío teꞌxninkꞌei ajcuiꞌ li cutan aꞌan. Junelic teꞌxninkꞌei ru li cuib chi cutan aꞌan rajlal chihab.

Ester 8:2

Ut li rey quirisi chi ruꞌuj rukꞌ lix matkꞌab li quixmakꞌ chiru laj Amán ut quixqꞌue re laj Mardoqueo. Ut lix Ester quixxakab laj Mardoqueo re nak aꞌan chic ta̱ilok re chixjunil li cꞌaꞌru quicuan chokꞌ re laj Amán.

Esdras 8:36

Ut queꞌxkꞌaxtesi li chakꞌrab li quixqꞌue li rey reheb li cuanqueb saꞌ xcuanquil ut reheb ajcuiꞌ li nequeꞌtaklan saꞌ eb li tenamit li cuanqueb jun pacꞌal li nimaꞌ Éufrates. Ut eb aꞌan queꞌxtenkꞌaheb li tenamit ut queꞌoquen ajcuiꞌ chixyi̱banquil lix templo li Dios.

Ester 3:11

Ut quixye re: —Xoc chokꞌ a̱cue li tumin aꞌan. Ut ba̱nu li cꞌaꞌru ta̱cuaj riqꞌuineb li tenamit aꞌan, chan li rey.

Daniel 3:10

La̱at, at rey, xaqꞌue la̱ chakꞌrab nak chixjunileb teꞌxcuikꞌib ribeb ut teꞌxlokꞌoni li jalam u̱ch yi̱banbil riqꞌuin oro nak teꞌecꞌa̱nk li trompeta, li xo̱lb, li tambor, li arpa, li salterio, ut chixjunil li jun chꞌol chic li cuajb.

Daniel 6:25

Tojoꞌnak li rey Darío quitzꞌi̱bac riqꞌuineb chixjunileb li tenamit cuanqueb saꞌ chixjunil li ruchichꞌochꞌ ut riqꞌuineb li jalan jala̱nk ra̱tinoba̱leb ut quixye reheb: —Chinumta̱k taxak li tuktu̱quil usilal e̱riqꞌuin.