Ester 3:10 - Li Santil hu

¹⁰ Ut quirisi lix matkꞌab li rey Asuero ut quixqꞌue re laj Amán. Aꞌan retalil nak quixcꞌul xchꞌo̱l li quixye laj Amán, li xicꞌ na-iloc reheb laj judío.

Q'eqchi Bible

¹⁰ Toja' naq li awab'ej kirisi li xmatq'ab' chi ru'uj ruq' ut kixq'axtesi re laj Amán, li xik' narileb' laj Judiiy,

Ester 3:10 ပူးပေါင်းရင်းမြစ်များ

Ester 8:2

Ut li rey quirisi chi ruꞌuj rukꞌ lix matkꞌab li quixmakꞌ chiru laj Amán ut quixqꞌue re laj Mardoqueo. Ut lix Ester quixxakab laj Mardoqueo re nak aꞌan chic ta̱ilok re chixjunil li cꞌaꞌru quicuan chokꞌ re laj Amán.

Génesis 41:42

Ut quirisi chi ruꞌuj rukꞌ lix matkꞌab li retalil lix cuanquil, ut quixqꞌue chi ruꞌuj rukꞌ laj José. Quixqꞌue lix cha̱bil akꞌ yi̱banbil riqꞌuin li cha̱bil tꞌicr lino, re nak laj José tixtikib rib chi chꞌinaꞌus. Ut quixqꞌue ajcuiꞌ chi xcux laj José jun lix cadena tzꞌakal oro.

Ester 7:6

Ut lix Ester quixye re: —Li xicꞌ na-iloc ke li naraj xba̱nunquil raylal ke, aꞌan ajcuiꞌ laj Amán li cuan arin, li incꞌaꞌ us xnaꞌleb, chan. Nak quirabi li cꞌaꞌru quixye, cꞌajoꞌ nak quixucuac laj Amán chiru li rey ut chiru li reina.

Ester 8:8

Anakcuan te̱tzꞌi̱ba jun chic li hu saꞌ incꞌabaꞌ la̱in ut te̱tzꞌi̱ba li cꞌaꞌru te̱raj re xtenkꞌanquileb laj judío. Ut te̱qꞌue retalil lin matkꞌab chiru xban nak cui tzꞌi̱banbil saꞌ incꞌabaꞌ, ut cui cuan retalil li matkꞌab chiru, incꞌaꞌ naru xjalbal ru li cꞌaꞌru tzꞌi̱banbil, chan li rey.

Ester 3:1

Mokon chic li rey Asuero quixqꞌue xcuanquil laj Amán chi takla̱nc saꞌ xbe̱neb chixjunileb li nequeꞌtaklan saꞌ eb li tenamit. Laj Amán aꞌan li ralal laj Hamedata, xcomoneb aj agagueo.

Ester 3:9

Joꞌcan nak cui naxcꞌul a̱chꞌo̱l, at rey, ta̱qꞌue jun li chakꞌrab re nak teꞌsachekꞌ ru chixjunileb laj judío. Ut la̱in tincꞌam chak chokꞌ a̱cue oxib ciento millón riqꞌuin laje̱b xcaꞌcꞌa̱l mil kilo li tumin li takamakꞌ chiruheb. Tinqꞌue aꞌan saꞌ xnaꞌaj la̱ tumin, chan laj Amán.

Ester 3:11

Ut quixye re: —Xoc chokꞌ a̱cue li tumin aꞌan. Ut ba̱nu li cꞌaꞌru ta̱cuaj riqꞌuineb li tenamit aꞌan, chan li rey.