Ester 2:6 - Li Santil hu

⁶ Eb aꞌan xcomoneb li qꞌuila tenamit li queꞌisi̱c Jerusalén xban laj Nabucodonosor, lix reyeb laj Babilonia. Rochbeneb laj Jeconías lix reyeb laj Judá nak queꞌcꞌameꞌ aran Babilonia.

Q'eqchi Bible

⁶ A'an xkomoneb' li k'iila tenamit li ke'isiik Jerusalén xb'aan laj Nabukodonosor, li awab'ej re Babilonia, ut ke'k'ame'k aran Babilonia, rochb'eeneb' laj Jekonías, awab'ej re Judá.

Ester 2:6 ပူးပေါင်းရင်းမြစ်များ

Jeremías 24:1

Li Ka̱cuaꞌ quixcꞌut chicuu cuib li chacach nujenak chi higo cuan chiru li templo. Aꞌin quicꞌulman nak ac xcꞌameꞌ aran Babilonia laj Jeconías ralal laj Joacim lix reyeb laj Judá. Quichapeꞌ Jerusalén xban laj Nabucodonosor, lix reyeb laj Babilonia ut queꞌcꞌameꞌ ajcuiꞌ chixjunileb laj cꞌamol be saꞌ xya̱nkeb laj Judá, joꞌ eb ajcuiꞌ laj tenol chꞌi̱chꞌ ut eb laj pechꞌ.

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

2 Reyes 24:6

Laj Joacim quicam ut coxtau lix xeꞌto̱nil yucuaꞌ. Ut aꞌ chic laj Joaquín li ralal qui-oc chokꞌ xreyeb laj Judá chokꞌ re̱kaj.

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.