Ester 2:5 - Li Santil hu

⁵ Aran Susa cuan jun li cui̱nk aj judío aj Mardoqueo xcꞌabaꞌ. Aꞌan ralal laj Jair. Laj Jair, aꞌan li ralal laj Simei. Laj Simei, aꞌan li ralal laj Cis. Eb aꞌan xcomoneb li ralal xcꞌajol laj Benjamín.

Q'eqchi Bible

⁵ Sa' li tenamit Susa wank jun li winq aj Judá, aj Mardokeo xk'ab'a', ralal laj Yaír, ralal laj Semehí, ralal laj Kis, xkomoneb' laj Benjamín.

Ester 2:5 ပူးပေါင်းရင်းမြစ်များ

Ester 10:3

Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Ester 2:3

Li rey tixxakabeb li teꞌxic saꞌ chixjunileb li tenamit li cuanqueb rubel xcuanquil chixsicꞌbaleb li tukꞌ ixk li cꞌajoꞌ xchꞌinaꞌusaleb. Teꞌcꞌamekꞌ chak Susa li tukꞌ ixk saꞌ li rochoch li rey ut teꞌqꞌuehekꞌ chi cua̱nc saꞌ li naꞌajej li nequeꞌcuan cuiꞌ li ixk. Teꞌcanaba̱k saꞌ xcue̱nt laj Hegai li na-iloc reheb li ixk. Aꞌan li eunuco li nacꞌanjelac chiru li rey. Ut aꞌan ta̱qꞌuehok reheb chixjunil li cꞌaꞌak re ru re teꞌxtikib ribeb chi cha̱bil.

Ester 1:2

Saꞌ li tenamit Susa quicuan lix naꞌaj li quitaklan cuiꞌ.

2 Samuel 16:5

Li rey David quicuulac Bahurim. Aran cuan jun li cui̱nk aj Simei xcꞌabaꞌ. Aꞌan ralal laj Gera xcomoneb li ralal xcꞌajol laj Saúl. Qui-oc chixmajecuanquil laj David.

1 Samuel 9:1

Saꞌ xya̱nkeb li ralal xcꞌajol laj Benjamín quicuan jun li cui̱nk aj Cis xcꞌabaꞌ. Aꞌan jun li cui̱nk naꞌno ru. Aꞌan li ralal laj Abiel. Ut laj Abiel, aꞌan li ralal laj Zeror. Ut laj Zeror, aꞌan li ralal laj Becorat. Ut laj Becorat, aꞌan li ralal laj Afía.

Ester 2:4

Ut li tukꞌ ixk li kꞌaxal ta̱cuulak chiru li rey, aꞌan li ta̱qꞌuehekꞌ chokꞌ reina chokꞌ re̱kaj lix Vasti, chanqueb. Ut quixcꞌul xchꞌo̱l li rey li naꞌleb aꞌin. Ut quixba̱nu joꞌ quiyeheꞌ re.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

2 Reyes 24:15

Quixcꞌam chi pre̱xil li rey Joaquín toj Babilonia joꞌ ajcuiꞌ lix naꞌ ut eb li rixakil ut eb li cui̱nk li nequeꞌtenkꞌan re chi taklac. Ut quixcꞌameb ajcuiꞌ chi pre̱xil li cui̱nk li cuanqueb xcuanquil saꞌ li tenamit Jerusalén.