Ester 2:18 - Li Santil hu

¹⁸ Li rey quixba̱nu jun li ninkꞌe re xqꞌuebal xlokꞌal lix Ester ut quixbokeb saꞌ li ninkꞌe chixjunileb li nequeꞌcꞌanjelac chiru. Incꞌaꞌ qꞌui li tumin quixpatzꞌ reheb li junju̱nk chi tenamit. Quixqꞌue ban xma̱taneb joꞌ quiraj li rey.

Q'eqchi Bible

¹⁸ Tikto kixk'uub' jun nimla ninq'e sa' xk'ab'a' lix Ester ut kixb'oqeb' chixjunileb' li xjolomileb' li tenamit jo'wi' eb' laj tenq'ahom re. Kixk'eheb' xhilaal kutan chixjunileb' li poyanam ut kijek'ink maatan reheb' chixjunil jo' xk'ulub' xb'aanunkil junaq awab'ej.

Ester 2:18 ပူးပေါင်းရင်းမြစ်များ

Apocalipsis 19:9

Ut li ángel quixye cue: —Tzꞌi̱ba retalil aꞌin: Us xak reheb li bokbileb chixninkꞌeinquil lix sumlajic li Jun li chanchan carner.— Ut quixye ajcuiꞌ cue: —Aꞌin ra̱tin li Dios ut tzꞌakal ya̱l, chan.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

San Lucas 14:8

—Nak texbokekꞌ saꞌ junak sumla̱c, mexcꞌojla saꞌ li naꞌajej li naqꞌueheꞌ reheb li cuanqueb xcuanquil. Ma̱re ta̱cuulak junak chic mas nim xcuanquil che̱ru la̱ex.

San Mateo 22:2

Quixye reheb: —Lix nimajcual cuanquilal li Dios chanchan jun li rey li quixninkꞌei lix sumlajic li ralal.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Cantares 3:11

Ex tukꞌ ixk li cuanquex Sión, quimkex chirilbal li rey Salomón. Cuan saꞌ xjolom li corona li quiqꞌueheꞌ re xban lix naꞌ saꞌ li cutan nak quisumla. Quiqꞌueheꞌ re saꞌ li cutan nak kꞌaxal sa saꞌ xchꞌo̱l.

Ester 9:22

Teꞌxninkꞌei ru li cutan aꞌan xban nak aꞌan li cutan queꞌcoleꞌ cuiꞌ chiruheb li xicꞌ queꞌiloc reheb. Ut saꞌ li po aꞌan quisukꞌi chokꞌ sahil chꞌo̱lej li rahil chꞌo̱lej li cuanqueb cuiꞌ. Teꞌxninkꞌei ruheb li cutan aꞌan ut teꞌxqꞌue xma̱taneb chi ribileb rib ut teꞌxqꞌue xma̱taneb li nebaꞌ.

Ester 1:7

Li secꞌ li queꞌucꞌac cuiꞌ junes oro ut jalan jala̱nk xyi̱banquil. Kꞌaxal nabal li vino xcomon li cha̱bil li narucꞌ li rey ut quiqꞌueheꞌ chi nabal joꞌ quiraj aꞌan.

Nehemías 8:11

Eb laj levita yo̱queb ajcuiꞌ xcꞌojobanquil xchꞌo̱leb li tenamit ut queꞌxye reheb: —Mirahoꞌ chic le̱ chꞌo̱l. Canabomak ya̱bac xban nak li cutan aꞌin kꞌaxal lokꞌ chiru li Ka̱cuaꞌ, chanqueb.

1 Samuel 25:8

Naru ta̱patzꞌ reheb la̱ mo̱s ut teꞌxye a̱cue nak ya̱l li yo̱quin chixyebal. Xintakla lin takl a̱cuiqꞌuin anakcuan saꞌ li cutan nak sa saꞌ a̱chꞌo̱l ut nintzꞌa̱ma cha̱cuu nak ta̱cꞌuleb saꞌ xya̱lal. Nintzꞌa̱ma cha̱cuu nak ta̱qꞌue li joꞌ qꞌuial cuan cha̱cuu reheb lin takl ut cue ajcuiꞌ la̱in, la̱ cuami̱g”, chan laj David.

Génesis 29:22

Laj Labán quixba̱nu jun li ninkꞌe saꞌ xsumlajic lix rabin ut quixbokeb chixjunil li rech cabal.

San Marcos 6:21

Abanan lix Herodías quixtau chanru nak naru xcamsinquil laj Juan. Joꞌcaꞌin quicꞌulman. Nak laj Herodes quixninkꞌei lix chihab, quixbokeb chi cuaꞌac li ni̱nkeb xcuanquil saꞌ li tenamit, ut quixbokeb ajcuiꞌ li nequeꞌtaklan reheb li soldado ut joꞌcan ajcuiꞌ chixjunileb li xni̱nkal ru cui̱nk re Galilea.