Ester 2:17 - Li Santil hu

¹⁷ Ut li rey Asuero nak quiril ru lix Ester, cꞌajoꞌ nak quicuulac chiru ut aꞌan li kꞌaxal quixra chiruheb chixjunileb li ixk li ac queꞌcuulac riqꞌuin. Quixqꞌue lix corona saꞌ xjolom ut quixqꞌue chokꞌ reina chokꞌ re̱kaj lix Vasti.

Q'eqchi Bible

¹⁷ Laj Asuero koho xch'ool chirix lix Ester jo' maajun wa kixk'ul xb'aan junaq chik ixq. Jo'kan naq k'ajo' naq kirusila ru ut q'axal kixra chiru chixjunileb' li ixq ak xnawom ruheb'. Kixk'e li koroon chi xjolom ut kixxaqab' cho'q reeqaj lix Vasti.

Ester 2:17 ပူးပေါင်းရင်းမြစ်များ

Ezequiel 17:24

Chixjunileb li cheꞌ li cuanqueb saꞌ li qꞌuicheꞌ teꞌxnau nak la̱in nintꞌaneb li cheꞌ li najt xteram ut ninqꞌue chi qꞌui̱c li cocꞌ rokeb. La̱in ninchakihobresiheb li cheꞌ li rax ru ut ninqꞌueheb chi raxocꞌ li chaki. La̱in li Ka̱cuaꞌ quinyehoc re aꞌin ut la̱in ninba̱nu li cꞌaꞌru ninye.—

Ester 4:14

Cui ti̱c ma̱cꞌaꞌ nacaba̱nu la̱at anakcuan, la̱in ninnau nak cuan jun li ta̱colok reheb laj judío. Aꞌut la̱at joꞌqueb ajcuiꞌ li ralal xcꞌajol la̱ yucuaꞌ texcamsi̱k. Ma̱re anchal re xtenkꞌanquileb la̱ tenamit nak xatqꞌueheꞌ chokꞌ reina, chan laj Mardoqueo.

Ester 1:11

Li rey quixye reheb nak teꞌxbok chak li reina Vasti. Ut quixye reheb nak cua̱nk chak lix corona saꞌ xjolom nak ta̱cha̱lk chiru li rey re xcꞌutbal lix chꞌinaꞌusal chiruheb li tenamit ut chiruheb ajcuiꞌ li nequeꞌtaklan saꞌ li junju̱nk chi tenamit xban nak kꞌaxal chꞌinaꞌus lix Vasti.

1 Samuel 2:8

Aꞌan narisiheb li nebaꞌ saꞌ nebaꞌil ut aꞌan ajcuiꞌ na-isin reheb saꞌ nebaꞌil li nequeꞌxtzꞌa̱ma xcua chire cablal. Naxqꞌueheb chi cua̱nc saꞌ xya̱nkeb li cuanqueb xcuanquil ut naxqꞌueheb saꞌ jun li naꞌajej kꞌaxal lokꞌ. Naxba̱nu chi joꞌcan xban nak aꞌan ya̱l re saꞌ xbe̱n li nacu̱tun re li ruchichꞌochꞌ, ut aꞌan ajcuiꞌ li quiqꞌuehoc re li ruchichꞌochꞌ saꞌ xnaꞌaj.

Ester 2:16

Saꞌ li xlaje po Tebet xcꞌabaꞌ re li xcuuk chihab roquic chokꞌ rey laj Asuero, nak quicꞌameꞌ lix Ester riqꞌuin li rey.

Ester 6:8

ta̱cꞌamekꞌ chak li cha̱bil akꞌ xcomon li nacaqꞌue cha̱cuix, at rey. Ut ta̱cꞌamekꞌ ajcuiꞌ chak li cacua̱y li nacatbe̱c cuiꞌ la̱at ut ta̱qꞌuehekꞌ lix corona li cacua̱y saꞌ xjolom li narocsi nak nacatbe̱c chirix la̱at.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.