Ester 2:14 - Li Santil hu

¹⁴ Chiru kꞌojyi̱n ta̱xic riqꞌuin li rey ut cuulajak chic ta̱xic saꞌ lix naꞌajeb li ixk li ac xeꞌcuan riqꞌuin li rey. Li eunuco aj Saasgaz aꞌan li na-iloc reheb. Ut li ixk incꞌaꞌ chic ta̱xic riqꞌuin li rey cui incꞌaꞌ ta̱cuulak chiru li rey ut cui incꞌaꞌ ta̱bokekꞌ xban.

Q'eqchi Bible

¹⁴ Chiru q'oqyink nawulak sa' rochoch li awab'ej, ut eq'la re li kutan jun chik naq'axonk sa' jalan chik ochoch li na'ilmank xb'aan laj Sahaskás, li k'ojk'o wi' xch'ool laj Asuero ut aj ilol reheb' li ixq; chirix chik a'an ink'a' chik toxk'ut rib' chiru li awab'ej wi ink'a' taab'oqe'q malaj taarahiiq ru xb'aan li awab'ej.

Ester 2:14 ပူးပေါင်းရင်းမြစ်များ

Ester 4:11

—Chixjunileb li nequeꞌcꞌanjelac chiru li rey, joꞌqueb ajcuiꞌ li tenamit li cuanqueb rubel xcuanquil, nequeꞌxnau nak li chakꞌrab naxye nak ta̱camsi̱k li ani ta̱oc riqꞌuin li rey chi incꞌaꞌ bokbil xban li rey, usta cui̱nk usta ixk. Caꞌaj cuiꞌ nacoleꞌ cui li rey tixtaksi li xukꞌ oro saꞌ xbe̱n retalil nak incꞌaꞌ ta̱camsi̱k. Ac xnumeꞌ laje̱b xcaꞌcꞌa̱l cutan ut la̱in toj ma̱jiꞌ chic ninbokeꞌ xban li rey, chan lix Ester.

Isaías 45:4

Saꞌ xcꞌabaꞌ laj Jacob laj cꞌanjel chicuu, ut saꞌ xcꞌabaꞌeb lin tenamit Israel, xinsicꞌ a̱cuu re ta̱tenkꞌaheb lin tenamit. Xinqꞌue a̱lokꞌal usta la̱at incꞌaꞌ nacanau cuu.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Deuteronomio 21:14

Cui li cui̱nk incꞌaꞌ cꞌojcꞌo xchꞌo̱l riqꞌuin li ixk, naru tixcanab chi xic. Abanan incꞌaꞌ naru tixcꞌayi li ixk, chi moco naru tixba̱nu re joꞌ naxba̱nu reheb lix lokꞌbil mo̱s, xban nak li cui̱nk, aꞌan li xmux ru li ixk.

Génesis 34:19

Laj Siquem saꞌ junpa̱t quixcꞌul li circuncisión xban nak cꞌajoꞌ nak nacuulac chiru lix rabin laj Jacob. Laj Siquem, aꞌan li kꞌaxal oxlokꞌinbil chiruheb li cuanqueb saꞌ rochoch lix yucuaꞌ.

Ester 2:13

Ut li tukꞌ ixk, li ta̱xic riqꞌuin li rey, tento nak ta̱qꞌuehekꞌ re chixjunil li cꞌaꞌru ta̱raj re xyi̱banquil rib chi kꞌaxal cha̱bil re nak ta̱xic saꞌ li rochoch li rey.

Ester 2:15

Nak quicuulac xkꞌehil, quicꞌameꞌ lix Ester riqꞌuin li rey. Ma̱cꞌaꞌ quixtzꞌa̱ma. Caꞌaj cuiꞌ quirocsi li cꞌaꞌru quiqꞌueheꞌ re xban laj Hegai li eunuco li na-iloc reheb li tukꞌ ixk. Ut chixjunileb li queꞌiloc re lix Ester, cꞌajoꞌ nak queꞌsahoꞌ xchꞌo̱l riqꞌuin. Lix Ester li quiqꞌuiresi̱c xban laj Mardoqueo, aꞌan xrabin laj Abihail.