Ester 10:3 - Li Santil hu

³ Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.

Q'eqchi Bible

³ Laj Mardokeo a'an li xkab'il sa' xna'aj li awab'ej, xnimal ru winq sa' xyanqeb' laj Judiiy ut raaro xb'aaneb' chixjunileb' li ras riitz'in, xb'aan naq kixsik' li usilal ut li tuqtuukilal cho'q reheb' chixjunil li rech tenamitul.

Ester 10:3 ပူးပေါင်းရင်းမြစ်များ

Nehemías 2:10

Laj Sanbalat, Horón xtenamit ut laj Tobías li nataklan saꞌ li tenamit Amón, cꞌajoꞌ nak queꞌjoskꞌoꞌ nak queꞌrabi nak quincuulac chixtenkꞌanquileb laj Israel.

Romanos 14:18

Joꞌcan nak li ani nacꞌanjelac chiru li Cristo saꞌ ti̱quilal ut chi sa saꞌ xchꞌo̱l, li Dios nasahoꞌ xchꞌo̱l riqꞌuin. Ut naqꞌueheꞌ ajcuiꞌ xlokꞌal xbaneb li ras ri̱tzꞌin.

Romanos 10:1

Ex inherma̱n, relic chi ya̱l nacuaj nak eb laj Israel teꞌcolekꞌ. Aꞌan li nintzꞌa̱ma junelic chiru li Dios.

Daniel 5:29

Tojoꞌnak li rey Belsasar quixtakla xtikibanquil laj Daniel riqꞌuin li caki akꞌ ut quixqꞌue ajcuiꞌ xkꞌol oro. Ut quixtakla resil nak laj Daniel, aꞌan chic li roxil chi takla̱nc.

2 Crónicas 28:7

Laj Zicri, aꞌan jun li cui̱nk nim xcuanquil saꞌ xya̱nkeb li ralal xcꞌajol laj Efraín. Laj Zicri quixcamsi laj Maasías li ralal li rey. Ut quixcamsi laj Azricam li na-iloc re lix jun cablal li rey ut quixcamsi ajcuiꞌ laj Elcana li xcab chi takla̱nc.

Génesis 41:40

La̱at tattakla̱nk reheb li cuanqueb saꞌ cuochoch. Ut chixjunileb lin tenamit teꞌcana̱k rubel a̱takl. Caꞌaj cuiꞌ la̱in kꞌaxal nimak incuanquil cha̱cuu xban nak la̱in li rey, chan.

Daniel 5:16

Cuabiom resil nak naru ta̱chꞌolob xya̱lal li cꞌaꞌru chꞌaꞌaj xtaubal ru. Anakcuan cui ta̱ru̱k ta̱cuil li tzꞌi̱banbil chiru li tzꞌac ut ta̱ye cue cꞌaꞌru naxye, tattikiba̱k riqꞌuin caki akꞌej ut ta̱qꞌuema̱nk junak kꞌol oro cha̱cux ut la̱atak li rox chi takla̱nc saꞌ xbe̱n li tenamit aꞌin, chan.

Ester 3:2

Nak quinumeꞌ laj Amán, chixjunileb li nequeꞌcꞌanjelac chiru li rey saꞌ li rochoch queꞌxcuikꞌib ribeb chiru ut queꞌxxulub xjolomeb re xqꞌuebal xlokꞌal xban nak joꞌcan quixye li rey. Abanan laj Mardoqueo incꞌaꞌ quixcuikꞌib rib chiru chi moco quixqꞌue xlokꞌal.

1 Samuel 23:17

Quixye re: —Matxucuac, at David. Lin yucuaꞌ, laj Saúl, incꞌaꞌ tatxtau. La̱at tat-oc chokꞌ xreyeb laj Israel. Ut la̱inak li xcabil chi takla̱nc. Laj Saúl lin yucuaꞌ ac naxnau aꞌan, chan.

Daniel 6:3

Laj Daniel kꞌaxal cuiꞌchic us quixba̱nu chiruheb li cuib chic chi gobernador joꞌqueb ajcuiꞌ chixjunileb li nequeꞌtaklan xban nak kꞌaxal cuiꞌchic cha̱bil xnaꞌleb chiruheb chixjunileb. Joꞌcan nak li rey quixcꞌoxla xqꞌuebal laj Daniel chi takla̱nc saꞌ xbe̱neb chixjunileb li tenamit.

Génesis 45:10

Texinqꞌue chi cua̱nc saꞌ li tenamit Gosén re nak nachꞌak caꞌchꞌinak kaya̱nk cuochbenex. Te̱cꞌameb chak le̱ ralal e̱cꞌajol. Te̱cꞌameb chak le̱ queto̱mk joꞌ eb ajcuiꞌ chixjunil li cꞌaꞌak re ru cuan e̱re.

Génesis 45:11

Toj o̱b chihab chic ta̱cua̱nk li cueꞌej. Nak ac cuanquex chic arin, talajinqꞌue e̱tzacae̱mk. Ma̱ ani e̱re ta̱ca̱mk xban cueꞌej.” Chixjunil aꞌin te̱ye re lin yucuaꞌ.

1 Samuel 18:16

Chixjunileb laj Israel ut eb laj Judá queꞌxra laj David xban nak nacꞌamoc be chi us chiruheb nak nequeꞌxic chi pletic ut nak nequeꞌsukꞌi chak.

Ester 2:5

Aran Susa cuan jun li cui̱nk aj judío aj Mardoqueo xcꞌabaꞌ. Aꞌan ralal laj Jair. Laj Jair, aꞌan li ralal laj Simei. Laj Simei, aꞌan li ralal laj Cis. Eb aꞌan xcomoneb li ralal xcꞌajol laj Benjamín.