Ester 10:2 - Li Santil hu

² Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

Q'eqchi Bible

² Li xwankilal ut li xloq'al li awab'ej a'an, jo' ajwi' chanru naq kixtaqsi xwankil laj Mardokeo, tz'iib'anb'il sa' xhuhil li xyehom ut xb'aanuhom eb' li awab'ej re Persia ut Media.

Ester 10:2 ပူးပေါင်းရင်းမြစ်များ

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Ester 9:4

Queꞌxucuac xban nak laj Mardoqueo nim xcuanquil saꞌ li rochoch li rey ut naꞌno ru yalak bar saꞌ eb li tenamit li cuanqueb rubel xcuanquil li rey. Ut rajlal yo̱ chi nima̱nc lix cuanquil li quiqꞌueheꞌ re.

Ester 2:23

Queꞌxtzꞌil a̱tin chirix li cꞌaꞌru quixye laj Mardoqueo. Nak queꞌxqꞌue retal nak ya̱l li quixye, queꞌxtakla xyatzꞌbaleb li cuib chi cui̱nk li queꞌajoc xcamsinquil li rey. Ut chixjunil aꞌin quitzꞌi̱ba̱c retalil saꞌ li hu li tzꞌi̱banbil cuiꞌ retalil chixjunil li nacꞌulman saꞌ li tenamit aꞌan.

Ester 6:1

Saꞌ li kꞌojyi̱n aꞌan nak incꞌaꞌ quicube xcuara li rey, quixtakla xcꞌambal chak li hu li tzꞌi̱banbil cuiꞌ retalil chixjunil li ac quilajcꞌulman, ut queꞌoc chirilbal xsaꞌ li hu aꞌan chiru.

Daniel 2:48

Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.

Salmos 18:35

At Ka̱cuaꞌ, la̱at nacat-iloc cue ut nacatcoloc cue. La̱at nacattenkꞌan cue riqꞌuin xnimal la̱ cuanquilal. Yal xban la̱ cuusilal nak cuan incuanquil.

1 Reyes 22:39

Chixjunil li quixba̱nu li rey Acab tzꞌi̱banbil retalil saꞌ li hu Crónicas, li tzꞌi̱banbil cuiꞌ retalil li quilajeꞌxba̱nu lix reyeb laj Israel. Ut tzꞌi̱banbil ajcuiꞌ retalil li palacio li quixyi̱b riqꞌuin marfil. Tzꞌi̱banbil ajcuiꞌ retalileb li tenamit li quixyi̱b.

1 Reyes 14:19

Chixjunil li quilajxba̱nu li rey Jeroboam, joꞌ ajcuiꞌ li ple̱t quixba̱nu, tzꞌi̱banbil retalil saꞌ li hu Crónicas, li tzꞌi̱banbil cuiꞌ chixjunil li quilajeꞌxba̱nu lix reyeb laj Israel.

1 Reyes 11:41

Chixjunil li cꞌaꞌru quixba̱nu li rey Salomón, joꞌ ajcuiꞌ lix naꞌleb, tzꞌi̱banbil saꞌ li hu Crónicas, li tzꞌi̱banbil cuiꞌ retalil li quilajxba̱nu laj Salomón nak cuan chokꞌ rey.

Ester 8:2

Ut li rey quirisi chi ruꞌuj rukꞌ lix matkꞌab li quixmakꞌ chiru laj Amán ut quixqꞌue re laj Mardoqueo. Ut lix Ester quixxakab laj Mardoqueo re nak aꞌan chic ta̱ilok re chixjunil li cꞌaꞌru quicuan chokꞌ re laj Amán.