Ester 1:6 - Li Santil hu

⁶ Queꞌxyi̱b chi cha̱bil li neba̱l. Queꞌxqꞌue li cha̱bil tꞌicr sak, rax ut azul ut queꞌxbacꞌ chiru li ni̱nki pilar yi̱banbil riqꞌuin li cha̱bil pec mármol. Li tꞌicr chapcho riqꞌuin cꞌa̱m lino morado. Li cꞌa̱m chapcho saꞌ li junju̱nk chi pilar riqꞌuin argollas yi̱banbil riqꞌuin plata. Li cꞌojariba̱l, li queꞌhilan cuiꞌ li ulaꞌ yi̱banbil riqꞌuin oro ut plata. Li xan yi̱banbil riqꞌuin li cha̱bil pec pórfido ut mármol ut riqꞌuin li pec alabastro ut jacinto. Eb li pec aꞌan kꞌaxal terto̱queb xtzꞌak.

Q'eqchi Bible

⁶ Uutz'u'ujinb'il chi us li na'ajej rik'in chaab'il t'ilkem, saq ut rax choxa li xb'onoleb', b'ak'b'ookeb' rik'in kaqik'aam liin ut chapchookeb' chiru kotkookil chapleb' yiib'anb'il rik'in plaat, sa' xyanqeb' li oqech mármol. Ke'xk'e ajwi' eb' li k'ojarib'aal yiib'anb'il rik'in plaat ut oor, ut li ch'och' tz'akanb'il ru rik'in chaab'il pek jo'wi' rik'in saq ut q'eqi mármol.

Ester 1:6 ပူးပေါင်းရင်းမြစ်များ

Amós 6:4

Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Ezequiel 23:41

Queꞌcꞌojla chire li me̱x saꞌ li naꞌajej li yi̱banbil chi cha̱bil. Cꞌajoꞌ li sahil echej saꞌ li me̱x. Ut aran xeꞌxqꞌue li incienso ut li aceite li xeꞌxqꞌue raj chokꞌ cue.

Amós 2:8

Chixcꞌatkeb li artal nequeꞌxhel chokꞌ xnaꞌajeb li tꞌicr li nacanaba̱c riqꞌuineb chokꞌ prenda xbaneb laj toꞌ tumin. Nequeꞌxlokꞌ lix vino li nequeꞌrucꞌ saꞌ rochoch lix dioseb riqꞌuin li tumin li nequeꞌxmakꞌ chiruheb li ma̱cꞌaꞌeb xma̱c.

Ester 7:8

Xban nak cꞌajoꞌ lix xiu laj Amán, quitꞌaneꞌ chi rok lix Ester. Nak quisukꞌi saꞌ cab li rey, quiril nak laj Amán quitꞌaneꞌ saꞌ li cꞌojariba̱l bar yo̱ cuiꞌ chi hila̱nc lix Ester. Li rey quixjap re ut quixye: —¿Ma yo̱cat ajcuiꞌ xcꞌoxlanquil xba̱nunquil li incꞌaꞌ us re li reina chicuu arin saꞌ li cuochoch? chan. Toj yo̱ ajcuiꞌ xyebal aꞌan li rey nak queꞌxchap laj Amán ut queꞌxtzꞌap li ru.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Éxodo 26:1

Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

1 Samuel 28:23

Laj Saúl incꞌaꞌ raj quiraj cuaꞌac. Abanan eb li rochben queꞌxye re nak tento ta̱cuaꞌak. Joꞌcan nak quicuacli ut quichunla saꞌ li cuarib.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.