Esdras 9:9 - Li Santil hu

⁹ La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.

Q'eqchi Bible

⁹ Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.

Esdras 9:9 ပူးပေါင်းရင်းမြစ်များ

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.

Ezequiel 11:16

Joꞌcan nak ta̱ye reheb laj Israel la̱ cuech tenamitil li queꞌcꞌameꞌ chi najt li cꞌaꞌru yo̱quin chixyebal. La̱in quintaklan reheb chi najt ut quinjeqꞌuiheb saꞌ xya̱nkeb li jalanil tenamit. Abanan la̱in tincua̱nk riqꞌuineb nak cua̱nkeb aran.

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Isaías 5:2

Quixyi̱b lix corral. Quixbec ru li chꞌochꞌ ut quilajrisi li pec chi saꞌ. Quixsicꞌ li cha̱bil uvas ut quirau saꞌ li chꞌochꞌ. Ut saꞌ xyi li acui̱mk quixyi̱b jun li chꞌina cab najt xteram re xcꞌacꞌalenquil. Ut quixyi̱b jun li yatzꞌleb ut quiroybeni ta̱u̱chi̱nk li acui̱mk. Aban nak quiu̱chin, ma̱cuaꞌ chic li cha̱bil uva quiru̱chin. Aꞌ ban chic li rare qui-el.

Esdras 7:8

O̱b po xcuuk chihab roquic chokꞌ rey laj Artajerjes nak laj Esdras quicuulac Jerusalén.

Esdras 9:10

Abanan anakcuan, at Ka̱cuaꞌ, at kaDios, ¿Cꞌaꞌru ta̱ru̱k takaye chirix chixjunil aꞌin? La̱o xkakꞌet la̱ chakꞌrab,

Salmos 109:12

Ma̱ ani ta chi-ilok xtokꞌoba̱l ru aꞌan. Ut ma̱ ani ta chi-ilok xtokꞌoba̱l ruheb li ralal xcꞌajol li teꞌcana̱k chi ma̱cꞌaꞌ chic xyucuaꞌeb.

Salmos 138:7

Usta yo̱quin chixcꞌulbal li raylal, la̱at nacaqꞌue inyuꞌam. Ut riqꞌuin la̱ cuanquil niquina̱col chiruheb li xicꞌ nequeꞌiloc cue.

Isaías 14:3

Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Esdras 2:68

Ut li junju̱nk chi cui̱nk li nequeꞌjolomin re li junju̱nk cabal, nak queꞌcuulac Jerusalén queꞌxkꞌaxtesi lix mayejeb re xyi̱banquil cuiꞌchic li templo saꞌ ajcuiꞌ lix naꞌaj li quicuan cuiꞌ junxil.

Nehemías 2:17

La̱in quinye reheb: —La̱ex nequenau li raylal cuanco cuiꞌ. La̱ex nequenau nak li tenamit Jerusalén juqꞌuinbil ut eb lix puertil cꞌataleb. Joꞌcan nak quimkex ut qꞌuehomak e̱chꞌo̱l re nak takayi̱b cuiꞌchic li tzꞌac li sutsu cuiꞌ li tenamit re nak incꞌaꞌ chic toxuta̱na̱k xban li katenamit Jerusalén.—

Nehemías 9:17

Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.