Esdras 9:7 - Li Santil hu

⁷ Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Q'eqchi Bible

⁷ Chalen chaq sa' xkutankileb' li qana' qayuwa' toj anaqwan wanko sa' maak. Xb'aan li qamaa'usilal laa'o ut xmaakeb' li awab'ej ut eb' laj tij xooq'axtesiik sa' ruq'eb' li awab'ej li jalanq xtenamiteb'. Xootiq'e'k, xook'ehe'k sa' tz'alam, xoohob'e'k ut xe'relq'a li k'aru wank qe, ut toj yo a'in anaqwan.

Esdras 9:7 ပူးပေါင်းရင်းမြစ်များ

2 Crónicas 29:6

Eb li kaxeꞌto̱nil yucuaꞌ queꞌxkꞌetkꞌeti ribeb chiru li Ka̱cuaꞌ li kaDios ut queꞌxba̱nu li incꞌaꞌ nacuulac chiru. Queꞌxcanab xlokꞌoninquil li Ka̱cuaꞌ Dios saꞌ lix templo ut queꞌxtzꞌekta̱na.

Lamentaciones 5:7

Queꞌma̱cob li kaxeꞌto̱nil yucuaꞌ ut anakcuan camenakeb chic. Abanan la̱o yo̱co chixcꞌulbal li raylal xban li ma̱c queꞌxba̱nu eb aꞌan.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Jeremías 25:18

Aꞌaneb aꞌin li tenamit li teꞌcꞌuluk raylal: eb li cuanqueb Jerusalén ut eb li cuanqueb saꞌ eb li tenamit li cuanqueb Judá; joꞌ eb ajcuiꞌ lix reyeb ut eb li cuanqueb xcuanquil. Xinba̱nu chi joꞌcan re nak xucuajel rilbal teꞌcana̱k ut re nak teꞌsachekꞌ ruheb ut re ajcuiꞌ nak teꞌseꞌe̱k ut teꞌhobekꞌ joꞌ yo̱queb xcꞌulbal toj chalen anakcuan.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

2 Crónicas 30:7

Me̱ba̱nu joꞌ queꞌxba̱nu eb le̱ xeꞌto̱nil yucuaꞌ ut eb le̱ rechꞌalal li queꞌxkꞌetkꞌeti ribeb chiru li Ka̱cuaꞌ lix Dioseb le̱ xeꞌto̱nil yucuaꞌ. Li Dios quixkꞌaxtesiheb chi sachecꞌ xban li cꞌaꞌru queꞌxba̱nu joꞌ yo̱quex chirilbal anakcuan.

1 Samuel 12:15

Abanan cui incꞌaꞌ te̱ba̱nu li cꞌaꞌru naxye, ut cui te̱kꞌet li chakꞌrab li quixqꞌue e̱re, li Dios texqꞌue chixtojbal rix le̱ ma̱c joꞌ quixba̱nu riqꞌuin le̱ xeꞌto̱nil yucuaꞌ.

Números 32:14

Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

1 Reyes 8:47

Abanan nak chapcho̱keb xbaneb li jalaneb xtenamit, ma̱re ta̱julticokꞌ reheb nak incꞌaꞌ us xeꞌxba̱nu ut teꞌxjal xcꞌaꞌuxeb. Ut ma̱re teꞌtijok chak saꞌ li tenamit bar cua̱nkeb cuiꞌ chak ut teꞌxye: “Xoma̱cob. Incꞌaꞌ us xkaba̱nu. Xkaba̱nu li ma̱usilal,” chaꞌkeb.

Esdras 9:13

Li raylal li xkacꞌul, aꞌan xban li kama̱usilal ut xban li kama̱c. Abanan la̱at incꞌaꞌ xoa̱qꞌue chixtojbal rix li kama̱c joꞌ kacꞌulub raj xcꞌulbal. Xacuy ban li kama̱c ut incꞌaꞌ xasach ku chi junaj cua.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Jeremías 32:23

Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.

Jeremías 32:32

Xban chixjunil li ma̱usilal li xeꞌxba̱nu eb laj Israel ut eb laj Judá, xeꞌxchikꞌ injoskꞌil. Xeꞌxchikꞌ ajcuiꞌ injoskꞌil lix reyeb ut eb li nequeꞌtenkꞌan reheb, joꞌ eb ajcuiꞌ laj tij ut eb li profetas ut eb li cuanqueb Judá ut eb li cuanqueb Jerusalén.

2 Crónicas 34:24

“Tintakla raylal saꞌ xbe̱n li naꞌajej aꞌin ut saꞌ xbe̱neb ajcuiꞌ li cristian li cuanqueb arin. Tinqꞌueheb chixtojbal lix ma̱queb. Tintakla saꞌ xbe̱neb chixjunil li raylal li tzꞌi̱banbil saꞌ li hu li qui-ileꞌ xsaꞌ chiru lix reyeb laj Judá.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Jeremías 44:9

¿Ma xsach saꞌ e̱chꞌo̱l li ma̱usilal li queꞌxba̱nu le̱ xeꞌto̱nil yucuaꞌ ut eb li rey ut eb li rixakileb saꞌ li naꞌajej Judá? ¿Ma xsach saꞌ e̱chꞌo̱l li ma̱usilal li xeba̱nu la̱ex ut eb le̱ rixakil aran Judá ut aran Jerusalén?

Ezequiel 11:9

Texcuisi saꞌ le̱ tenamit ut texinkꞌaxtesi saꞌ rukꞌeb li jalaneb xtenamit. Texinqꞌue chixtojbal le̱ ma̱c.

Ezequiel 39:23

Ut eb li xni̱nkal ru tenamit teꞌxnau nak eb laj Israel queꞌcꞌameꞌ chi pre̱xil saꞌ jalan tenamit xban li ma̱usilal queꞌxba̱nu nak queꞌxkꞌetkꞌeti ribeb chicuu. Joꞌcan nak la̱in xincanabeb xjuneseb. Xinkꞌaxtesiheb saꞌ rukꞌeb li xicꞌ nequeꞌiloc reheb ut eb laj Israel queꞌcamsi̱c saꞌ li ple̱t.