Esdras 9:5 - Li Santil hu

⁵ Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

Q'eqchi Bible

⁵ Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

Esdras 9:5 ပူးပေါင်းရင်းမြစ်များ

1 Reyes 8:54

Nak quitijoc laj Salomón, quicuikꞌla chiru li artal ut quixtaksi li rukꞌ.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

1 Reyes 8:22

Chirix aꞌan laj Salomón quixxakab rib chiru lix artal li Ka̱cuaꞌ chiruheb chixjunileb laj Israel li cuanqueb aran. Quixtaksi li rukꞌ saꞌ choxa ut quitijoc.

Éxodo 9:33

Tojoꞌnak laj Moisés qui-el riqꞌuin laj faraón. Nak cuan chire li tenamit, quixtaksi li rukꞌ ut quitijoc chiru li Ka̱cuaꞌ Dios. Ut li Dios quixchꞌanab li sakbach joꞌ ajcuiꞌ li ca̱k. Incꞌaꞌ chic xqꞌue li hab.

Éxodo 9:29

Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Efesios 3:14

Nak nincꞌoxlac chirix lix naꞌleb li Dios riqꞌuin chixjunil li quixba̱nu, nincuikꞌib cuib ut ninbantioxin chiru li Acuabej Dios.

Salmos 143:6

Yo̱quin chi tijoc cha̱cuu xban nak tincuaj ru nak tina̱tenkꞌa. Chanchanin li chaki chꞌochꞌ ta̱raj ru li haꞌ.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Salmos 95:6

Cha̱lkex ut kacuikꞌibak kib re xlokꞌoninquil li nimajcual Dios. Takacuikꞌib kib ut takalokꞌoni li Ka̱cuaꞌ li quiyoꞌobtesin ke.

2 Crónicas 6:13

Laj Salomón ac quixyi̱b riqꞌuin bronce jun li naꞌajej najt xteram bar ta̱xakli̱k cuiꞌ. Li naꞌajej aꞌan cuib metro riqꞌuin o̱b xcaꞌcꞌa̱l centímetro xnimal rok ut cuib metro riqꞌuin o̱b xcaꞌcꞌa̱l centímetro xnimal ru ut jun metro riqꞌuin oꞌlaju xcaꞌcꞌa̱l centímetro xteram. Li naꞌajej aꞌan quixyi̱b saꞌ xyi li neba̱l. Chirix aꞌan quixcuikꞌib rib chiruheb laj Israel ut quixtaksi li rukꞌ saꞌ choxa. Quitijoc ut quixye:

Hechos 21:5

Nak ac xnumeꞌ li cuukub cutan, co-el saꞌ li tenamit Tiro ut co̱o. Ut queꞌco̱eb laj pa̱banel chikacanabanquil rochbeneb li rixakil ut lix cocꞌaleb. Nak cocuulac chire li palau, cocuikꞌla ut co-oc chi tijoc.

San Lucas 22:41

Ut li Jesús quirisi rib saꞌ xya̱nkeb joꞌ na xnajtil nacuteꞌ cuiꞌ junak pec. Ut aran quixcuikꞌib rib chi tijoc.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Daniel 10:2

Laj Daniel quixye: —Nak quicꞌutbesi̱c chicuu li visión aꞌin, oxib xama̱n quirahoꞌ inchꞌo̱l xban.

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.