Esdras 9:3 - Li Santil hu

³ Nak quicuabi li a̱tin aꞌan, quinpej li cuakꞌ ut quinmichꞌ li cuismal ut lin mach. Ut quincꞌojla chi kꞌaxal ra saꞌ inchꞌo̱l.

Q'eqchi Bible

³ Naq kiwab'i a'in, kinq'ich li waq' ut linb'aatal, kinmich' rismal linjolom ut linmach, ut kink'ojlaak chi q'axal ra sa' inch'ool.

Esdras 9:3 ပူးပေါင်းရင်းမြစ်များ

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Miqueas 1:16

La̱ex li cuanquex Judá nak te̱bes le̱ rismal jobil te̱ba̱nu. Tꞌuruꞌ ta̱cana̱k joꞌ xjolom li tꞌiu. Te̱ba̱nu aꞌan chokꞌ retalil xrahil e̱chꞌo̱l xban nak le̱ cocꞌal li raro̱queb e̱ban teꞌchapekꞌ ut teꞌcꞌamekꞌ saꞌ jalan tenamit.

Daniel 8:27

Ut la̱in laj Daniel sachso inchꞌo̱l quincana ut quinyajer cuib oxib cutan. Ut nak ac usin chic, quin-oc cuiꞌchic chi cꞌanjelac chiru li rey. Abanan toj yo̱ ajcuiꞌ incꞌaꞌux chirix li quicꞌutbesi̱c chicuu xban nak incꞌaꞌ quintau ru lix ya̱lal.

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Ezequiel 3:15

Ut quincuulac riqꞌuineb laj Israel li cuanqueb chi pre̱xil aran Tel-abib, li cuan chire li nimaꞌ Quebar. Ut quincuan cuukub cutan saꞌ xya̱nkeb chi sachso inchꞌo̱l.

Jeremías 36:24

Eb li cuanqueb xcuanquil, ut li rey incꞌaꞌ queꞌoc xxiu chi moco queꞌrahoꞌ xchꞌo̱l riqꞌuin li a̱tin queꞌrabi.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Salmos 143:4

Yo̱ chi yotꞌecꞌ inchꞌo̱l xban li raylal ut incꞌaꞌ chic nincuy nak nacuecꞌa.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

2 Reyes 18:37

Ut laj Eliaquim, li ralal laj Hilcías, li na-iloc re li palacio ut laj Sebna laj tzꞌi̱b joꞌ ajcuiꞌ laj Joa li ralal laj Asaf, li najolomin reheb li nequeꞌxococ re li hu, queꞌxpej li rakꞌeb ut queꞌco̱eb riqꞌuin laj Ezequías ut queꞌxye re chixjunil li quixye laj Rabsaces.

Levítico 21:5

Laj tij incꞌaꞌ tixbes li rismal xjolom chixcꞌatk lix xic, chi moco tixset ruꞌuj lix mach, chi moco tixset lix tibel xban xrahil xchꞌo̱l.

2 Samuel 1:11

Laj David, joꞌ eb ajcuiꞌ chixjunileb li cui̱nk li cuanqueb rochben, queꞌxpej li rakꞌeb xban xrahil xchꞌo̱leb.

Salmos 119:53

Cꞌajoꞌ nak nachal injoskꞌil saꞌ xbe̱neb li incꞌaꞌ useb xnaꞌleb xban nak nequeꞌxkꞌet la̱ cua̱tin.