Esdras 9:2 - Li Santil hu

² Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Q'eqchi Bible

² Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Esdras 9:2 ပူးပေါင်းရင်းမြစ်များ

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

Esdras 10:2

Ut laj Secanías li ralal laj Jehiel xcomoneb laj Elam quia̱tinac ut quixye re laj Esdras: —La̱o xoma̱cob chiru li kaDios xban nak xosumla riqꞌuineb li ixk li jalan xtenamiteb. Abanan toj naru teꞌcolekꞌ laj Israel.

1 Corintios 7:14

Us cui incꞌaꞌ teꞌxjach rib. Li be̱lomej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ li rixakil. Ut li ixakilbej li toj ma̱jiꞌ napa̱ban, aꞌan lokꞌ chiru li Dios saꞌ xcꞌabaꞌ lix be̱lom li napa̱ban. Cui ta incꞌaꞌ joꞌcan, lix cocꞌal eb aꞌan chanchaneb raj lix cocꞌaleb li ma̱cuaꞌeb ralal xcꞌajol li Dios. Abanan cui incꞌaꞌ teꞌxjach rib, lix cocꞌaleb lokꞌ chiru li Dios saꞌ xcꞌabaꞌ li jun li napa̱ban.

Malaquías 2:15

¿Ma ma̱cuaꞌ ta biꞌ li Ka̱cuaꞌ xba̱nun re nak junajakeb chic ru li jun sumal chi cristian? ¿Cꞌaꞌut nak joꞌcan xba̱nu li Dios? ¿Ma ma̱cuaꞌ ta biꞌ re nak teꞌcua̱nk li ralal xcꞌajoleb ut ti̱cakeb xchꞌo̱l? Joꞌcan nak chenauhak xra̱bal le̱ yuꞌam ut canabomak xbalakꞌinquil le̱ rixakil li quexsumla cuiꞌ saꞌ e̱sa̱jilal.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

Éxodo 22:31

La̱ex lin tenamit. Joꞌcan nak chexcua̱nk saꞌ santilal ut me̱tiu xtibel li xul li nacamsi̱c xbaneb li joskꞌ aj xul li cuanqueb saꞌ qꞌuicheꞌ. Qꞌuehomak ban chixtiuheb li tzꞌiꞌ.

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

2 Corintios 6:14

Me̱junaji e̱rib riqꞌuineb li toj ma̱jiꞌ nequeꞌpa̱ban. ¿Ma naru ta biꞌ ta̱cua̱nk saꞌ comonil li ti̱quilal riqꞌuin li ma̱usilal? ¿Ma naru ta biꞌ ta̱cua̱nk chi sum a̱tin li santilal riqꞌuin li ma̱c?

Génesis 6:2

Li ralal xcꞌajol li Dios queꞌril nak chꞌinaꞌus nequeꞌiloc eb li ixk aꞌin ut queꞌxcꞌameb chokꞌ rixakileb.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Nehemías 13:28

Laj Joiada, aꞌan li ralal laj Eliasib li xbe̱nil aj tij. Jun li ralal laj Joiada quixcꞌam chokꞌ rixakil lix rabin laj Sanbalat laj horonita. Joꞌcan nak quicuisi aꞌan saꞌ li tenamit Jerusalén.

Nehemías 13:17

La̱in quebinkꞌus li nequeꞌcꞌamoc be saꞌ xya̱nkeb laj Judá ut quinye reheb: —Incꞌaꞌ us yo̱quex chixba̱nunquil xban nak yo̱quex chixmuxbal ru li hiloba̱l cutan.

Josué 23:12

Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

Esdras 9:14

¿Ma toj yo̱ko ajcuiꞌ chixkꞌetbal la̱ chakꞌrab? Ut, ¿ma toj yo̱ko ajcuiꞌ chixjunajinquil kib riqꞌuineb li tenamit aꞌin li nequeꞌxba̱nu ma̱usilal? ¿Ma incꞌaꞌ ta biꞌ tatjoskꞌokꞌ saꞌ kabe̱n cui toj yo̱ko chixba̱nunquil li ma̱c? Ut, ¿ma incꞌaꞌ ta biꞌ ta̱ru̱k raj ta̱sach ku chi junaj cua chikajunilo?

Levítico 21:15

Tento nak tixba̱nu chi joꞌcan re nak incꞌaꞌ tixmux ruheb li ralal xcꞌajol saꞌ lix tenamiteb. La̱in li Ka̱cuaꞌ li ninsantobresin re, chan li Dios.

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

1 Reyes 11:1

Usta ac cuan lix rabin laj faraón chokꞌ rixakil laj Salomón, abanan toj cuanqueb cuiꞌchic nabaleb li ixk jalaneb xtenamit quixraheb. Ut quixcꞌameb chokꞌ rixakil. Eb li ixk aꞌan, jalan jala̱nk xtenamiteb. Aꞌaneb laj Moab, laj Amón, laj Edom, laj Sidón ut eb laj hetea.