Esdras 9:15 - Li Santil hu

¹⁵ At Ka̱cuaꞌ, at kaDios, la̱at li kaDios la̱o aj Israel. La̱at ti̱c la̱ chꞌo̱l. Joꞌcan nak toj yoꞌyo̱co la̱o anakcuan, li joꞌ qꞌuial chic xocoleꞌ. Ya̱l nak cuan li kama̱c cha̱cuu. Joꞌcan nak incꞌaꞌ naru nococuan chi sum a̱tin a̱cuiqꞌuin, chan laj Esdras nak quitijoc.

Q'eqchi Bible

¹⁵ “At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Esdras 9:15 ပူးပေါင်းရင်းမြစ်များ

Salmos 130:3

At Ka̱cuaꞌ, cui ta la̱at nacaqꞌue saꞌ a̱chꞌo̱l li ma̱c li nakaba̱nu, ma̱ ani raj ta̱ru̱k ta̱colekꞌ chiru li tojba ma̱c.

San Juan 8:24

Joꞌcan nak xinye e̱re nak texca̱mk saꞌ le̱ ma̱c. La̱ex texca̱mk saꞌ le̱ ma̱c cui incꞌaꞌ nequepa̱b nak la̱in ac cuanquin ajcuiꞌ chak saꞌ xticlajic joꞌ xinye e̱re, chan li Jesús.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Juan 8:21

Ut li Jesús quixye cuiꞌchic reheb: —La̱in tinxic. Tine̱sicꞌ raj chic abanan incꞌaꞌ tine̱tau xban nak incꞌaꞌ ta̱ru̱k texxic bar tinxic cuiꞌ la̱in. Texca̱mk ban saꞌ le̱ ma̱c, chan.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

Daniel 9:14

At Ka̱cuaꞌ, la̱at xaba̱nu joꞌ xaye. Xatakla chak li raylal saꞌ kabe̱n, xban nak la̱o incꞌaꞌ xkaba̱nu li cꞌaꞌru xaye ke. La̱at, at Ka̱cuaꞌ, chixjunil nacaba̱nu saꞌ ti̱quilal.

Ezequiel 33:10

At ralal cui̱nk, joꞌcaꞌin ta̱ye reheb li ralal xcꞌajol laj Israel. La̱ex nequeye, “Kꞌaxal ra cuanco xban li ma̱c ut li ma̱usilal nakaba̱nu. Yo̱co chi osocꞌ xban. ¿Chanru nak ta̱ru̱k ta̱cua̱nk kayuꞌam?” chanquex.

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Salmos 143:2

Incꞌaꞌ taxak tatrakok a̱tin saꞌ inbe̱n la̱in aj cꞌanjel cha̱cuu xban nak ma̱ ani ta̱ru̱k tixye nak ma̱cꞌaꞌ xma̱c cha̱cuu.

1 Corintios 15:17

Cui ta li Cristo incꞌaꞌ quicuacli cuiꞌchic chi yoꞌyo, ma̱cꞌaꞌ raj rajbal le̱ pa̱ba̱l. Toj cua̱nkex raj ajcuiꞌ saꞌ le̱ ma̱c.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Salmos 76:7

At Ka̱cuaꞌ Dios, la̱at kꞌaxal xiu xiu a̱cuu. ¿Ani ta cuiꞌ tixcuy xakli̱c cha̱cuu nak nachal a̱joskꞌil?

Salmos 116:5

Li Ka̱cuaꞌ, aꞌan ti̱c xchꞌo̱l ut kꞌaxal cha̱bil. Aꞌan na-uxta̱nan u.

Salmos 119:137

At nimajcual Dios, la̱at kꞌaxal ti̱c a̱chꞌo̱l ut ti̱c ajcuiꞌ la̱ chakꞌrab.

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Levítico 26:40

La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Josué 22:15

Eb aꞌan queꞌtakla̱c saꞌ li naꞌajej Galaad chi a̱tinac riqꞌuineb li ralal xcꞌajol laj Rubén, li ralal xcꞌajol laj Gad, ut li yijach li ralal xcꞌajol laj Manasés.

Esdras 1:4

Ut li joꞌ qꞌuial chic teꞌcana̱k cheꞌxtenkꞌaheb li xiqueb re chi cablac riqꞌuin xqꞌuebal li plata, li oro, ut li cꞌaꞌak re ru ta̱cꞌanjelak chiruheb. Teꞌxqꞌue li queto̱mk ut teꞌxqꞌue lix mayejeb li joꞌ qꞌuial ta̱ala̱k saꞌ xchꞌo̱leb xqꞌuebal re lix templo li Ka̱cuaꞌ Dios aran Jerusalén.—

Nehemías 9:8

La̱at caqꞌue retal nak aꞌan ti̱c xchꞌo̱l cha̱cuu. Joꞌcan nak caba̱nu li contrato riqꞌuin ut caye re nak ta̱qꞌue reheb li ralal xcꞌajol lix chꞌochꞌeb laj cananeo, eb laj heteo ut eb laj amorreo ut eb laj ferezeo, ut eb laj jebuseo ut eb laj gergeseo. La̱at caqꞌue reheb li cꞌaꞌru cayechiꞌi re laj Abraham xban nak la̱at ti̱c a̱chꞌo̱l.