Esdras 9:14 - Li Santil hu

¹⁴ ¿Ma toj yo̱ko ajcuiꞌ chixkꞌetbal la̱ chakꞌrab? Ut, ¿ma toj yo̱ko ajcuiꞌ chixjunajinquil kib riqꞌuineb li tenamit aꞌin li nequeꞌxba̱nu ma̱usilal? ¿Ma incꞌaꞌ ta biꞌ tatjoskꞌokꞌ saꞌ kabe̱n cui toj yo̱ko chixba̱nunquil li ma̱c? Ut, ¿ma incꞌaꞌ ta biꞌ ta̱ru̱k raj ta̱sach ku chi junaj cua chikajunilo?

Q'eqchi Bible

¹⁴ ma truuq tab'i' too'ok wi' chik chi xq'etb'al laachaq'rab' ut xlaq'ab'ankil qib' rik'ineb' li poyanam a'in li neke'xb'aanu li maa'usilal? Ma ink'a' raj tchalq laajosq'il sa' qab'een ut toohaasach chi maajun junaq taakole'q?

Esdras 9:14 ပူးပေါင်းရင်းမြစ်များ

Deuteronomio 9:8

Nak cuanquex Horeb quechikꞌ xjoskꞌil li Dios. Joꞌcan nak li Ka̱cuaꞌ quixsach raj e̱ru.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Deuteronomio 9:14

Canabin chixba̱nunquil li tincuaj. Tinsach ruheb chi junaj cua ut incꞌaꞌ chic ta̱patzꞌekꞌ lix cꞌabaꞌ jun sut rubel choxa. Ut la̱in tinqꞌueheb chi ta̱mc la̱ cualal a̱cꞌajol la̱at. Kꞌaxal nabalakeb chiruheb aꞌan. Ut riqꞌuineb aꞌan tinyi̱b jun tenamit kꞌaxal cauheb rib chiruheb aꞌan”, chan li Dios.

Romanos 6:1

¿Cꞌaꞌru takaye chirix chixjunil aꞌin? ¿Ma toj yo̱ko ajcuiꞌ chixba̱nunquil li ma̱c re nak kꞌaxal cuiꞌchic ta̱numta̱k li rusilal li Dios saꞌ kabe̱n?

San Juan 5:14

Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Números 16:45

—Isihomak e̱rib saꞌ xya̱nkeb laj Israel re nak ta̱ru̱k tinsach ruheb chi junaj cua, chan. Ut queꞌxhupub ribeb saꞌ chꞌochꞌ.

Números 16:21

—Elenkex saꞌ xya̱nkeb li tenamit aꞌin re nak tinsach ruheb chixjunileb saꞌ junpa̱t, chan.

Éxodo 32:10

Canabin chixba̱nunquil li tincuaj. Xchal injoskꞌil xbaneb. Tinsach ruheb chi jun aj cua. Ut la̱at, at Moisés, eb chic la̱ cualal a̱cꞌajol teꞌqꞌuia̱nk ut teꞌta̱mk. Ut eb aꞌan chic li sicꞌbilakeb ru inban, chan li Dios.

Ezequiel 6:8

Abanan incꞌaꞌ tinsacheb ru chi junaj cua li tenamit Israel. Saꞌ xya̱nkeb li jeqꞌuinbil ruheb saꞌ jalan tenamit, cuan li incꞌaꞌ teꞌcamsi̱k saꞌ li ple̱t.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Esdras 9:8

Abanan anakcuan, at Ka̱cuaꞌ, at kaDios, la̱at xacuil xtokꞌoba̱l ku ut xoa̱col la̱o la̱ cualal a̱cꞌajol li joꞌ qꞌuial chic xocana. Xaqꞌue kanaꞌaj saꞌ li santil naꞌajej bar ma̱cꞌaꞌ na-oc ke. La̱at nacacutanobresi li kabe ut xoa̱qꞌue chi hila̱nc junpa̱t.

Éxodo 23:32

Joꞌcan nak me̱ba̱nu junak contrato riqꞌuineb li tenamit, chi moco te̱qꞌue xcuanquil lix dioseb.

Esdras 10:10

Qui-oc chi a̱tinac laj Esdras laj tij ut quixye reheb: —La̱ex xexma̱cob xban nak xecꞌam chokꞌ e̱rixakil li ixk jalan xtenamiteb. Joꞌcan nak xnumta le̱ ma̱c la̱ex aj Israel.

Nehemías 13:18

¿Ma ma̱cuaꞌ ta biꞌ joꞌcan queꞌxba̱nu chak le̱ xeꞌto̱nil yucuaꞌ junxil? Ut, ¿ma ma̱cuaꞌ ta biꞌ xma̱c aꞌan nak li Dios quixqꞌue chak chixjunil li raylal aꞌin saꞌ kabe̱n la̱o ut saꞌ xbe̱n li katenamit? ¿Ma toj te̱raj ajcuiꞌ xchikꞌbal xjoskꞌil li Dios saꞌ xbe̱n li tenamit Israel riqꞌuin xmuxbal ru li hiloba̱l cutan? chanquin reheb.

Jeremías 44:9

¿Ma xsach saꞌ e̱chꞌo̱l li ma̱usilal li queꞌxba̱nu le̱ xeꞌto̱nil yucuaꞌ ut eb li rey ut eb li rixakileb saꞌ li naꞌajej Judá? ¿Ma xsach saꞌ e̱chꞌo̱l li ma̱usilal li xeba̱nu la̱ex ut eb le̱ rixakil aran Judá ut aran Jerusalén?