Esdras 9:13 - Li Santil hu

¹³ Li raylal li xkacꞌul, aꞌan xban li kama̱usilal ut xban li kama̱c. Abanan la̱at incꞌaꞌ xoa̱qꞌue chixtojbal rix li kama̱c joꞌ kacꞌulub raj xcꞌulbal. Xacuy ban li kama̱c ut incꞌaꞌ xasach ku chi junaj cua.

Q'eqchi Bible

¹³ “Chirix naq xqak'ul chixjunil a'in xb'aan li qamaak ut li qamaa'usilal (us ta laa'at, at qaYos, ink'a' xoohaak'e chi xtojb'al rix li qamaak jo' qak'ulub' raj xk'ulb'al, xoohaak'e b'an chi wank chi ach'ab'anb'il),

Esdras 9:13 ပူးပေါင်းရင်းမြစ်များ

Salmos 103:10

Moco xba̱nu ta ke joꞌ chanru kacꞌulub xban li ma̱usilal xkaba̱nu. Chi moco coxqꞌue chixtojbal rix li kama̱c joꞌ kacꞌulub.

Lamentaciones 3:22

Xban nak junelic naruxta̱na ku li Ka̱cuaꞌ, joꞌcan nak incꞌaꞌ xo-osoꞌ. Junelic naril xtokꞌoba̱l ku.

Li xHu LAJ JOB 11:6

Tixcꞌut raj cha̱cuu li naꞌleb li chꞌaꞌaj xtaubal ru re nak ta̱qꞌue retal nak incꞌaꞌ xqꞌue nabal raylal saꞌ a̱be̱n joꞌ xcꞌulub li ma̱c li xaba̱nu.

Gálatas 3:4

¿Ma te̱canab chi ma̱cꞌaꞌ rajbal chixjunil li quecꞌul chi joꞌcanan? La̱in ninye nak incꞌaꞌ te̱ba̱nu chi joꞌcan.

Habacuc 3:2

At nimajcual Dios, nak quicuabi resil li joꞌ qꞌuial xaba̱nu, quinxucua a̱cuu. At Ka̱cuaꞌ Dios, chacꞌutbesi ta cuiꞌchic chiku anakcuan li caba̱nu chak junxil. Chacuuxta̱na taxak ku usta yo̱ a̱joskꞌil saꞌ kabe̱n.

Nehemías 9:32

Aꞌut anakcuan, at Ka̱cuaꞌ, at kaDios, la̱at li kꞌaxal nim a̱cuanquil. Kꞌaxal cau a̱cuib ut xiu xiu a̱cuu. Junelic nacaba̱nu li cꞌaꞌru caye saꞌ li contrato ut kꞌaxal nim la̱ cuuxta̱n. Incꞌaꞌ taxak ta̱cana̱k yal chi joꞌcan li raylal li queꞌxcꞌul li karey, eb li nequeꞌcꞌamoc be chiku, eb laj tij, eb li kaprofeta, eb li kaxeꞌto̱nil yucuaꞌ, joꞌqueb ajcuiꞌ chixjunileb la̱ cualal a̱cꞌajol. Chalen saꞌ eb li cutan nak queꞌcuan lix reyeb laj Asiria ut toj anakcuan yo̱co chixcꞌulbal li raylal.

Nehemías 13:18

¿Ma ma̱cuaꞌ ta biꞌ joꞌcan queꞌxba̱nu chak le̱ xeꞌto̱nil yucuaꞌ junxil? Ut, ¿ma ma̱cuaꞌ ta biꞌ xma̱c aꞌan nak li Dios quixqꞌue chak chixjunil li raylal aꞌin saꞌ kabe̱n la̱o ut saꞌ xbe̱n li katenamit? ¿Ma toj te̱raj ajcuiꞌ xchikꞌbal xjoskꞌil li Dios saꞌ xbe̱n li tenamit Israel riqꞌuin xmuxbal ru li hiloba̱l cutan? chanquin reheb.