Esdras 9:12 - Li Santil hu

¹² La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

Q'eqchi Bible

¹² Jo'kan utan, meek'e leerab'in reheb' li ralaleb', chi moko teesumub' leeralal rik'ineb' li xrab'ineb' a'an. Maajun wa teesik' tuqtuukilal ut sahilal cho'q reheb' li poyanam a'an, re naq kawaq eerib' laa'ex, teetzeka linchaab'il eechej na'elk sa' li ch'och' ut teekanab' leeralal eek'ajol chi reechaninkil li na'ajej chi junelik».

Esdras 9:12 ပူးပေါင်းရင်းမြစ်များ

Deuteronomio 7:3

Incꞌaꞌ texsumla̱k riqꞌuineb ut incꞌaꞌ te̱sumubeb le̱ rabin riqꞌuineb li ralal eb aꞌan, chi moco te̱sumubeb le̱ ralal riqꞌuin lix rabin eb aꞌan.

Deuteronomio 23:6

Incꞌaꞌ te̱cꞌam e̱rib saꞌ usilal riqꞌuineb li tenamit aꞌan, chi moco te̱sicꞌ li us chokꞌ reheb joꞌ najtil yoꞌyo̱kex.

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Isaías 1:19

Cui tixcꞌul e̱chꞌo̱l xba̱nunquil li cꞌaꞌru ninye e̱re, te̱tzaca li ru li acui̱mk li na-el saꞌ li chꞌochꞌ.

Proverbios 20:7

Us xak reheb li alal cꞌajolbej li xeꞌcuan xnaꞌ xyucuaꞌ saꞌ ti̱quilal ut saꞌ cha̱bilal.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Éxodo 23:32

Joꞌcan nak me̱ba̱nu junak contrato riqꞌuineb li tenamit, chi moco te̱qꞌue xcuanquil lix dioseb.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Deuteronomio 23:7

Incꞌaꞌ xicꞌ te̱ril eb laj Edom xban nak eb aꞌan le̱ rechꞌalal. Ut incꞌaꞌ xicꞌ te̱ril eb laj Egipto xban nak quexcuan saꞌ lix tenamiteb.

1 Crónicas 28:8

Joꞌcan ut anakcuan, ex cuas cui̱tzꞌin, chiru li nimajcual Dios ut chiruheb chixjunileb laj Israel, lix tenamit li Dios, yo̱quin chixtzꞌa̱manquil che̱ru nak te̱qꞌue e̱chꞌo̱l chixba̱nunquil chixjunil li chakꞌrab li quixqꞌue ke li Ka̱cuaꞌ li kaDios re nak te̱col rix li cha̱bil naꞌajej aꞌin ut te̱canab reheb le̱ ralal e̱cꞌajol li teꞌcua̱nk mokon.