Esdras 9:1 - Li Santil hu

¹ Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

Q'eqchi Bible

¹ Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Esdras 9:1 ပူးပေါင်းရင်းမြစ်များ

Nehemías 9:2

Queꞌrisi ribeb saꞌ xya̱nkeb li ma̱cuaꞌeb aj Israel. Queꞌxxakab ribeb ut queꞌxye: —Xoma̱cob la̱o ut queꞌma̱cob ajcuiꞌ chak li kaxeꞌto̱nil yucuaꞌ, chanqueb.

Éxodo 33:16

Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Salmos 106:35

Queꞌxjunaji ban ribeb riqꞌuineb ut queꞌoc chixba̱nunquil li cꞌaꞌru nequeꞌxba̱nu eb aꞌan.

Nehemías 4:3

Ut laj Tobías, Amón xtenamit, cuan rochben laj Sanbalat. Quixye re: —Ilomak li tzꞌac li yo̱queb chixyi̱banquil riqꞌuin li pec. Cui ta̱takekꞌ raj junak yac saꞌ xbe̱n, yal aꞌan raj ta̱tꞌanok re, chan.

Esdras 10:8

Eb li cuanqueb saꞌ xcuanquil ut eb li nequeꞌcꞌamoc be saꞌ xya̱nkeb laj judío queꞌxcꞌu̱b ru nak li ani incꞌaꞌ ta̱cuulak chiru oxib cutan, ta̱isi̱k chiru chixjunil li cꞌaꞌru cuan re ut ta̱isi̱k ajcuiꞌ aꞌan saꞌ xya̱nkeb laj Israel li queꞌsukꞌi Jerusalén.

2 Crónicas 33:2

Laj Manasés quixba̱nu li incꞌaꞌ us chiru li Ka̱cuaꞌ. Quixba̱nu li ma̱usilal li queꞌxba̱nu li tenamit li queꞌisi̱c xban li Ka̱cuaꞌ nak eb laj Israel queꞌoc saꞌ li naꞌajej aꞌan.

1 Reyes 11:1

Usta ac cuan lix rabin laj faraón chokꞌ rixakil laj Salomón, abanan toj cuanqueb cuiꞌchic nabaleb li ixk jalaneb xtenamit quixraheb. Ut quixcꞌameb chokꞌ rixakil. Eb li ixk aꞌan, jalan jala̱nk xtenamiteb. Aꞌaneb laj Moab, laj Amón, laj Edom, laj Sidón ut eb laj hetea.

Deuteronomio 18:9

Nak tex-oc saꞌ li naꞌajej li tixqꞌue e̱re li Ka̱cuaꞌ, incꞌaꞌ te̱tzol e̱rib chixba̱nunquil li yibru naꞌleb li nequeꞌxba̱nu li cuanqueb saꞌ eb li tenamit li texxic cuiꞌ.

Números 23:9

Toj saꞌ li tzu̱l aꞌin li cuan cuiꞌ li ni̱nki pec nequeꞌcuil. Saꞌ xbe̱n li tzu̱l aꞌin li najt xteram nequeꞌcuil. Nacuil li tenamit li nequeꞌcuan xjuneseb. Incꞌaꞌ nequeꞌxjunaji rib riqꞌuineb li xni̱nkal ru tenamit.

Levítico 18:3

Texcua̱nk saꞌ xya̱lal ut incꞌaꞌ te̱ba̱nu joꞌ nequeꞌxba̱nu li cuanqueb saꞌ li tenamit Egipto li quexcuan cuiꞌ chak. Chi moco te̱ba̱nu joꞌ nequeꞌxba̱nu li cuanqueb saꞌ li naꞌajej Canaán li yo̱quin cuiꞌ che̱cꞌambal. Chi moco te̱tzol e̱rib chixba̱nunquil li cꞌaꞌru naxye saꞌ lix chakꞌrabeb.

Éxodo 23:23

Lin ángel ta̱cꞌamok be che̱ru toj retal texcuulak saꞌ li naꞌajej li cuanqueb cuiꞌ eb laj amorreo, eb laj heteo, eb laj ferezeo, eb laj cananeo, eb laj heveo, joꞌ eb ajcuiꞌ laj jebuseo. La̱in tinsach ruheb aꞌan.

Éxodo 13:5

Texninkꞌei̱k rajlal chihab saꞌ li po aꞌin nak cua̱nkex saꞌ li naꞌajej li yo̱ cuiꞌ che̱cꞌambal li Ka̱cuaꞌ Dios. Aꞌan li cha̱bil naꞌajej li quiyechiꞌi̱c reheb le̱ xeꞌto̱nil yucuaꞌ junxil ut te̱re̱chani ajcuiꞌ la̱ex. Aꞌan li naꞌajej cuanqueb cuiꞌ laj cananeo, laj heteo, laj amorreo, laj heveo ut laj jebuseo.

Génesis 15:16

Li xca̱ xte̱pal la̱ cualal a̱cꞌajol teꞌsukꞌi̱k chak saꞌ li naꞌajej aꞌin. Abanan toj ta̱numta̱k li ma̱usilal teꞌxba̱nu laj amorreo, tojoꞌnak tinmakꞌ li naꞌajej aꞌin chiruheb, chan li Dios re laj Abram.

Nehemías 4:7

Cꞌajoꞌ nak queꞌjoskꞌoꞌ laj Sanbalat ut laj Tobías nak queꞌrabi nak ma̱ bar chic teto re li tzꞌac li sutsu cuiꞌ li tenamit Jerusalén. Ut queꞌjoskꞌoꞌ ajcuiꞌ eb laj árabes, eb laj amonita ut eb laj Asdod.

Nehemías 13:23

Ut quinqꞌue ajcuiꞌ retal nak cuanqueb laj Israel li queꞌsumla riqꞌuineb li ixk aj Asdod, ut aj amonita ut eb laj moabitas.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Números 25:6

Ut jun li cui̱nk aj Israel quixcꞌam riqꞌuin jun li ixk aj Madián ut quirocsi saꞌ lix muheba̱l re ta̱cua̱nk riqꞌuin. Quixba̱nu aꞌan chiru laj Moisés ut chiruheb chixjunileb laj Israel nak yo̱queb chi ya̱bac chiru li oqueba̱l re li tabernáculo.

Deuteronomio 7:1

Li Ka̱cuaꞌ le̱ Dios ta̱ocsi̱nk e̱re saꞌ li naꞌajej li te̱re̱chani la̱ex. Ta̱risiheb che̱ru li cuukub chi xni̱nkal ru tenamit. Aꞌaneb laj heteo, eb laj gergeseo, eb laj amorreo, eb laj cananeo, eb laj ferezeo, eb laj heveo, joꞌ eb ajcuiꞌ laj jebuseo. Eb li tenamit aꞌin cauheb rib ut kꞌaxal ni̱nkeb xcuanquil che̱ru la̱ex.

Deuteronomio 23:8

Li rox xte̱paleb li ralal xcꞌajol eb aꞌan naru teꞌoc chokꞌ xcomoneb laj Israel lix tenamit li Dios.

Josué 23:12

Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

2 Crónicas 8:7

Ut chixjunileb li tenamit li queꞌcana li incꞌaꞌ queꞌsacheꞌ ru xbaneb laj Israel, aꞌaneb laj heteo, eb laj amorreo, eb laj ferezeo, eb laj heveo ut eb laj jebuseo. Eb aꞌan ma̱cuaꞌeb aj Israel.

Esdras 10:2

Ut laj Secanías li ralal laj Jehiel xcomoneb laj Elam quia̱tinac ut quixye re laj Esdras: —La̱o xoma̱cob chiru li kaDios xban nak xosumla riqꞌuineb li ixk li jalan xtenamiteb. Abanan toj naru teꞌcolekꞌ laj Israel.