Esdras 8:36 - Li Santil hu

³⁶ Ut queꞌxkꞌaxtesi li chakꞌrab li quixqꞌue li rey reheb li cuanqueb saꞌ xcuanquil ut reheb ajcuiꞌ li nequeꞌtaklan saꞌ eb li tenamit li cuanqueb jun pacꞌal li nimaꞌ Éufrates. Ut eb aꞌan queꞌxtenkꞌaheb li tenamit ut queꞌoquen ajcuiꞌ chixyi̱banquil lix templo li Dios.

Q'eqchi Bible

³⁶ Chirix chik a'an ke'xq'axtesi li xchaq'rab' li awab'ej reheb' laj tenq'anel re jo'wi' reheb' li neke'taqlank sa' xb'eeneb' li tenamit wankeb' junpak'al li nima' Éwfrates. Ut eb' a'in ke'xtenq'a li tenamit ut li rochoch li Yos.

Esdras 8:36 ပူးပေါင်းရင်းမြစ်များ

Apocalipsis 12:16

Li ixk quitenkꞌa̱c xban li chꞌochꞌ. Quixte rib li chꞌochꞌ ut quixtzꞌub li haꞌ li quixxaꞌcua li joskꞌ aj dragón.

Hechos 18:27

Nak ac yo̱ xcꞌoxlanquil xic laj Apolos aran Acaya, eb laj pa̱banel queꞌxqꞌue xcacuil xchꞌo̱l re ta̱xic. Ut queꞌxtzꞌi̱ba jun li hu ut queꞌxtakla reheb laj pa̱banel li cuanqueb aran. Queꞌxye reheb nak teꞌxcꞌul chi sa saꞌ xchꞌo̱l. Ut nak quicuulac aran, laj Apolos quixtenkꞌaheb chi cha̱bil li ac xeꞌpa̱ban xban rusilal li Dios.

Ester 9:3

Chixjunileb li cuanqueb xcuanquil ut eb li nequeꞌtaklan saꞌ eb li tenamit, joꞌqueb ajcuiꞌ li nequeꞌtaklan saꞌ xbe̱neb li soldado, queꞌxtenkꞌaheb laj judío xban nak queꞌxucuac chiru laj Mardoqueo.

Esdras 6:13

Joꞌcan nak laj Tatnai li nataklan saꞌ eb li tenamit li cuanqueb jun pacꞌal li nimaꞌ Éufrates, ut laj Setar-boznai joꞌqueb ajcuiꞌ li rochben queꞌxba̱nu chi tzꞌakal joꞌ quixye li rey Darío.

Nehemías 2:7

Ut quintzꞌa̱ma ajcuiꞌ chiru li rey nak cui aꞌan tixcꞌul xchꞌo̱l, tixtzꞌi̱ba li hu reheb li nequeꞌtaklan saꞌ li tenamit li cuanqueb jun pacꞌal li nimaꞌ Éufrates re nak ta̱ru̱k tinnumekꞌ aran toj tincuulak Judá chi ma̱cꞌaꞌ chꞌaꞌajquilal.

Ester 3:12

Joꞌcan nak saꞌ li oxlaju xbe li xbe̱n po re li chihab aꞌan, queꞌbokeꞌ laj tzꞌi̱b li nequeꞌcꞌanjelac chiru li rey. Ut queꞌxtzꞌi̱ba li chakꞌrab joꞌ quixye laj Amán reheb. Li chakꞌrab aꞌan quitakla̱c riqꞌuineb chixjunileb li nequeꞌtaklan saꞌ li junju̱nk chi tenamit li cuanqueb rubel xtakl li rey. Ut quitakla̱c riqꞌuineb laj cꞌamol be. Queꞌtzꞌi̱bac saꞌ ra̱tinoba̱leb ut joꞌ nequeꞌtzꞌi̱bac saꞌ li junju̱nk chi tenamit. Eb li hu aꞌan queꞌtzꞌi̱ba̱c saꞌ xcꞌabaꞌ li rey Asuero ut quiqꞌueheꞌ retalil lix matkꞌab li rey chiruheb.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.