Esdras 8:34 - Li Santil hu

³⁴ Chiru ajcuiꞌ li cutan aꞌan quibiseꞌ ut qui-ajla̱c ut quikꞌaxtesi̱c ajcuiꞌ li queꞌxcꞌam. Ut quitzꞌi̱ba̱c retalil joꞌ qꞌuial qui-el chixjunil.

Q'eqchi Bible

³⁴ Ki'ajlamank ut kib'ismank chixjunil; ut kitz'iib'amank reetalil chixjunil li raalal.

Esdras 8:34 ပူးပေါင်းရင်းမြစ်များ

Esdras 8:29

Te̱ril ut te̱xoc chi us re nak ma̱cꞌaꞌ teꞌxcꞌul chalen toj te̱bis chiruheb li nequeꞌtaklan saꞌ xbe̱neb laj judío ut chiruheb laj tij. Ut te̱bis chiruheb laj levita ut chiruheb li nequeꞌjolomin re li junju̱nk cabal li cuanqueb Jerusalén. Te̱bis aran saꞌ lix templo li Ka̱cuaꞌ, chanquin reheb.

Esdras 8:33

Ut saꞌ xca̱ li cutan kabis li oro, li plata ut li secꞌ li kacꞌam saꞌ rochoch li Dios ut kakꞌaxtesi re laj Meremot laj tij li ralal laj Urías. Rochben aꞌan cuan laj Eleazar ralal laj Finees, ut cuanqueb ajcuiꞌ rochbeneb laj levita, laj Jozabad ralal laj Jesúa ut laj Noadías ralal laj Binúi.

Esdras 8:35

Chirix aꞌan, chixjunileb li queꞌsukꞌi Jerusalén queꞌxmayeja li cꞌatbil xul chiru li Ka̱cuaꞌ, lix Dioseb laj Israel. Queꞌxmayeja cablaju li toro reheb li cablaju xte̱paleb laj Israel. Queꞌxmayeja ajcuiꞌ cuaklaju roꞌcꞌa̱l (96) li te̱lom carner ut cuuklaju xca̱cꞌa̱l (77) li cocꞌ carner ut queꞌxmayeja ajcuiꞌ cablaju li te̱lom chiba̱t re xpatzꞌbal xcuybal xma̱queb. Chixjunil aꞌin queꞌxcꞌat chiru li Ka̱cuaꞌ chokꞌ xmayejeb.