Esdras 8:28 - Li Santil hu

²⁸ Ut quinye reheb: —La̱ex kꞌaxtesinbilex saꞌ rukꞌ li Ka̱cuaꞌ. Joꞌcan ajcuiꞌ li secꞌ aꞌin ut li plata ut li oro. Qui-ala saꞌ xchꞌo̱leb li kaxeꞌto̱nil yucuaꞌ xqꞌuebal chokꞌ xmayejeb re li Ka̱cuaꞌ Dios.

Q'eqchi Bible

²⁸ Chirix chik a'an kinye reheb': “Laa'ex q'axtesinb'ilex re li Qaawa'; jo'kan ajwi' eb' li k'anjelob'aal a'in. Li plaat ut li oor, a'aneb' jun li loq'laj mayej cho'q re li Qaawa', xYos eb' li qana' qayuwa'.

Esdras 8:28 ပူးပေါင်းရင်းမြစ်များ

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

2 Crónicas 24:14

Nak queꞌxchoy li cꞌanjel queꞌxcꞌam li tumin li qui-elaꞌan ut queꞌxkꞌaxtesi re li rey ut laj Joiada. Ut chiru li tumin aꞌan queꞌxyi̱b li cꞌaꞌak re ru li ta̱cꞌanjelak saꞌ li templo, joꞌ li cꞌanjeleba̱l re xqꞌuebal li cꞌatbil mayej ut eb li lecb ut li cꞌaꞌak re ru yi̱banbil riqꞌuin oro ut plata. Joꞌ najtil yoꞌyo laj Joiada junelic yo̱queb chixqꞌuebal lix cꞌatbil mayej saꞌ lix templo li Ka̱cuaꞌ.

1 Crónicas 23:28

Eb li ralal xcꞌajol laj Leví queꞌcanaba̱c saꞌ xcue̱nteb li ralal xcꞌajol laj Aarón chi cꞌanjelac saꞌ lix templo li Ka̱cuaꞌ. Cuan queꞌcanaba̱c chi cꞌanjelac saꞌ li neba̱l ut cuanqueb ajcuiꞌ li queꞌxakaba̱c chi cꞌanjelac saꞌ eb li naꞌajej li cuan cuiꞌ li cꞌaꞌak re ru li nacꞌanjelac saꞌ li templo. Ut teꞌcꞌanjelak ajcuiꞌ re xsantobresinquil li cꞌaꞌru nacꞌanjelac saꞌ li templo. Teꞌxba̱nu chixjunil li cꞌanjel saꞌ lix templo li Dios.

Deuteronomio 33:8

Quixye chirixeb li ralal xcꞌajol laj Leví: At Ka̱cuaꞌ, chaqꞌue la̱ Tumin ut la̱ Urim reheb li ralal xcꞌajol laj Leví, li nequeꞌcꞌanjelac cha̱cuu. Cayal rixeb aran Masah ut cayal rixeb aran Meriba.

Números 7:13

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

Esdras 8:27

Ut quinkꞌaxtesi ajcuiꞌ reheb junmay li secꞌ oro, cuaklaju libra ra̱lal, ut cuib li cha̱bil secꞌ bronce jiꞌbil chi us ut nalemtzꞌun, kꞌaxal terto xtzꞌak joꞌ li oro.

1 Crónicas 26:20

Laj Ahías, aꞌan jun xcomoneb li ralal xcꞌajol laj Leví. Ut aꞌan li qui-iloc re li naꞌajej li xocxo cuiꞌ li cꞌaꞌru re li templo li terto xtzꞌak, joꞌ ajcuiꞌ li naꞌajej li cuan cuiꞌ li cꞌaꞌak re ru li santobresinbil.